ಹೊಸ ವರ್ಷಕ್ಕೆ ಸಿಹಿ ಸುದ್ದಿ ಕೊಡಲಿದ್ದಾರೆ ಸಂತೋಷ್ ಆನಂದ್ ರಾಮ್

ನ್ಯೂ ಇಯರ್ ದಿನ ಹೊಸ ಸಿನಿಮಾ

'ರಾಮಚಾರಿ' ಹಾಗೂ ರಾಜಕುಮಾರ ಚಿತ್ರಗಳ ಸಾರಥಿ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಹೊಸ ವರ್ಷಕ್ಕೆ ತಮ್ಮ ಚಿತ್ರದ ಬಗ್ಗೆ ಅನೌನ್ಸ್ ಮಾಡಲಿದ್ದಾರೆ. ಯಾವ ಚಿತ್ರ ಹಾಗೂ ಯಾರು ನಾಯಕ ಅನ್ನೋದನ್ನ ತಿಳಿಸಲು ತಯಾರಿ ಮಾಡಿಕೊಳ್ಳುತ್ತಿದ್ದಾರೆ.

ಮತ್ತೆ ಒಂದಾದ ಜೋಡಿ

'ರಾಜಕುಮಾರ' ಚಿತ್ರವನ್ನ ನಿರ್ಮಾಣ ಮಾಡಿದ್ದ 'ಹೊಂಬಾಳೆ ಸಂಸ್ಥೆ'ಯಲ್ಲಿ ಸಂತೋಷ್ ಮತ್ತೆ ಕೆಲಸ ಮಾಡಲಿದ್ದಾರೆ. ತಮ್ಮ ಮುಂದಿನ ಚಿತ್ರವನ್ನ 'ಹೊಂಬಾಳೆ ಪ್ರೊಡಕ್ಷನ್ಸ್' ನಿರ್ಮಾಣ ಮಾಡುವುದಾಗಿ ತಿಳಿಸಿದ್ದಾರೆ.

ಚಿತ್ರದಲ್ಲಿ ಕಾಣಿಸಿಕೊಳ್ಳಲಿರೋ ಜಗ್ಗೇಶ್

ತಮ್ಮ ಮೂರನೇ ಚಿತ್ರದ ಬಗ್ಗೆ ಸಂತೋಷ್ ಆನಂದ್ ರಾಮ್ ಟ್ವಿಟ್ ಮಾಡಿದ್ದಾರೆ. ಇದೇ ಸಮಯದಲ್ಲಿ ನವರಸ ನಾಯಕ ಜಗ್ಗೇಶ್ ಕೂಡ ಹೆಸರಾಂತ ನಿರ್ಮಾಣದ ಸಂಸ್ಥೆ ಚಿತ್ರದಲ್ಲಿ ಅಭಿನಯಿಸುವುದಾಗಿ ಟ್ವಿಟ್ ಮೂಲಕ ಹೇಳಿಕೊಂಡಿದ್ದಾರೆ. ಹಾಗಾಗಿ ಜಗ್ಗೇಶ್ ಸಂತೋಷ್ ಡೈರೆಕ್ಟ್ ಮಾಡುತ್ತಿರುವ ಸಿನಿಮಾದಲ್ಲಿ ಅಭಿನಯಿಸುತ್ತಾರಾ? ಅನ್ನೋ ಪ್ರಶ್ನೆಗಳು ಕಾಡುತ್ತಿವೆ.

ಸಿನಿಮಾಗಾಗಿ ಕಾದಿರೋ ಅಭಿಮಾನಿಗಳು

ಸಂತೋಷ್ ಆನಂದ್ ರಾಮ್ ಆಡಿಯನ್ಸ್ ಪಲ್ಸ್ ತಿಳಿದುಕೊಂಡಿರೋ ನಿರ್ದೇಶಕ. ಜನರು ನಿರೀಕ್ಷೆ ಮಾಡುವಂತಹ ಸಿನಿಮಾಗಳನ್ನ ನೀಡುತ್ತಾರೆ. ಎರಡು ಹಿಟ್ ಚಿತ್ರಗಳನ್ನ ನೀಡಿರುವುದರಿಂದ ಮೂರನೇ ಸಿನಿಮಾ ಬಗ್ಗೆ ಹೆಚ್ಚು ಕುತೂಹಲ ಹುಟ್ಟುಕೊಂಡಿದೆ.