'ಮಹಾಭಾರತ'ದ ಆಸೆ ಬೇಡ: ಕೊನೆ ಸಿನಿಮಾದ ಬಗ್ಗೆ ರಾಜಮೌಳಿ ಅಚ್ಚರಿ.!

ನಾನು ಮಹಾಭಾರತ ಆರಂಭಿಸಲೇ ಇಲ್ಲ

''ಬಾಹುಬಲಿ ನಂತರ ಮಹಾಭಾರತ ಪ್ರಾಜೆಕ್ಟ್ ಆರಂಭವಾಗುತ್ತೆ ಅಂತ ನಾನು ಎಲ್ಲಿಯೂ ಹೇಳಿಲ್ಲ. ಅದು ನನ್ನ ಡ್ರೀಮ್ ಪ್ರಾಜೆಕ್ಟ್ ಎಂದು ಮಾತ್ರ ಹೇಳಿದ್ದೆ'' ಎಂದು ಹೇಳುವ ಮೂಲಕ ಮಹಾಭಾರತದ ಬಗ್ಗೆ ಅಭಿಮಾನಿಗಳು ಇಟ್ಟಿದ್ದ ಆಸೆಯನ್ನ ರಾಜಮೌಳಿ ನಿರಾಸೆ ಮಾಡಿದ್ರು.

ಅದು ನನ್ನ ಕೊನೆಯ ಸಿನಿಮಾ

''ಅಭಿಮಾನಿಗಳು ಫಿಕ್ಸ್ ಆಗಿದ್ದಾರೆ. ಆದ್ರೆ, ನಾನು ಅದರ ಬಗ್ಗೆ ಯೋಚನೆ ಮಾಡಿಲ್ಲ. ಒಂದು ವೇಳೆ ಮಹಾಭಾರತ ಮಾಡಿದ್ರೆ ಅದು ನನ್ನ ಕೊನೆಯ ಚಿತ್ರವಾಗಬಹುದು. ನನ್ನ ಸಿನಿ ಜೀವನದ ಕೊನೆಯ ಪ್ರಾಜೆಕ್ಟ್ ಆಗಬಹುದು'' ಎಂದು ರಾಜಮೌಳಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಆ ಕಡೆ ಆಮೀರ್ ಖಾನ್ ಬೇರೆ ಇದ್ದಾರೆ

ಈ ಕಡೆ ರಾಜಮೌಳಿ ಮಹಾಭಾರತ ಸಿನಿಮಾ ಮಾಡ್ತಾರೆ ಎಂಬ ಸುದ್ದಿ ಹರಿದಾಡುತ್ತಿದ್ದಂತೆ, ಬಾಲಿವುಡ್ ನಲ್ಲಿ ಅಮೀರ್ ಖಾನ್ ಕೂಡ ಮಹಾಭಾರತ ಕುರಿತು ಸಿನಿಮಾ ಮಾಡುವುದಾಗಿ ಹೇಳಿಕೊಂಡಿದ್ದರು. ಐದು ಭಾಗದಲ್ಲಿ ಈ ಸಿನಿಮಾ ಮಾಡ್ಬೇಕು ಎಂಬ ಆಸೆಯನ್ನ ವ್ಯಕ್ತಪಡಿಸಿದ್ದರು. ಆದ್ರೆ, ಇಲ್ಲಿಯವರೆಗೂ ಆ ಚಿತ್ರ ಆರಂಭವಾಗುವ ಲಕ್ಷಣ ಕಾಣ್ತಿಲ್ಲ.

ರಾಜಮೌಳಿ ಮುಂದಿನ ಚಿತ್ರ?

ಸದ್ಯಕ್ಕೆ ಜೂನಿಯರ್ ಎನ್.ಟಿ.ಆರ್ ಮತ್ತು ರಾಮ್ ಚರಣ್ ಜೊತೆ ಆರ್ ಆರ್ ಆರ್ ಸಿನಿಮಾ ಮಾಡ್ತಿರುವ ರಾಜಮೌಳಿ, ಬಹುಶಃ ಮುಂದಿನ ಚಿತ್ರವನ್ನ ಮಹೇಶ್ ಬಾಬು ಜೊತೆ ಮಾಡಬಹುದು. ಬಟ್, ಅಧಿಕೃತವಾಗಿ ಈ ಸುದ್ದಿ ಖಚಿತವಾಗಿಲ್ಲ ಅಂದ್ರೂ ಪ್ರಿನ್ಸ್ ಜೊತೆ ಬಾಹುಬಲಿ ಡೈರೆಕ್ಟರ್ ಕೆಲಸ ಮಾಡುವ ಸಾಧ್ಯತೆ ಇದೆ ಅಂತೆ.