ಮುಖಪುಟ

ಸಿನಿ ಸಮಾಚಾರ

ಪೋಸ್ಟರ್ ಮತ್ತು ಫಸ್ಟ್ ಲುಕ್ ಮೂಲಕ ಗಾಂಧಿನಗರದಲ್ಲಿ ಸಖತ್ ಸದ್ದು ಮಾಡಿದ್ದ 'ರಾಜಣ್ಣನ ಮಗ' ಈಗ ರಿಲೀಸ್ ಗೆ ರೆಡಿಯಾಗಿದ್ದಾನೆ. ಡಾ ರಾಜ್ ಅವರ ಹೆಸರಿನ್ನಿಟ್ಟು ಭಾರಿ ಕುತೂಹಲ ಮೂಡಿಸಿರುವ ಈ ಸಿನಿಮಾ, ಅವರ ಹೆಸರಿಗೆ ಹಾಗೂ ಅವರ ಗೌರವಕ್ಕೆ ಯಾವುದೇ ರೀತಿಯ ಧಕ್ಕೆ ತರದೇ ಮುಗಿಸಿದ್ದಾರಂತೆ.

ಇದು ಔಟ್ ಅಂಡ್ ಔಟ್ ಮಾಸ್ ಸಿನಿಮಾ. ರಾಜಣ್ಣನ ಮಗನಾಗಿ ಹರೀಶ್‌ ಟಿ ಜಲಗೆರೆ ಕಾಣಿಸಿಕೊಂಡಿದ್ದಾರೆ. ಈ ಹಿಂದೆ 'ಜಸ್ಟ್ ಮದ್ವೇಲಿ' ಎಂಬ ಸಿನಿಮಾ ಮಾಡಿ ಗಮನ ಸೆಳೆದಿದ್ದ ಕೋಲಾರ್ ಸೀನು ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ. ಅಲ್ಲಿಗೆ ಹರೀಶ್ ಮತ್ತು ಕೋಲಾರ್ ಸೀನು ಕಾಂಬಿನೇಷನ್ ಅವರ ಎರಡನೇ ಸಿನಿಮಾ.

ಗಾಂಧಿನಗರದಲ್ಲಿ ಸೌಂಡ್ ಮಾಡ್ತಿರುವ ಈ 'ರಾಜಣ್ಣನ ಮಗ' ಯಾರು.?

ಈ ಹಿಂದೆ ಬಿಡುಗಡೆಯಾಗಿದ್ದ ಟೀಸರ್ ಗೆ ಅದ್ಭುತ ಪ್ರತಿಕ್ರಿಯೆ ಸಿಕ್ಕಿದೆ. ಈಗ ಪ್ರಚಾರ ಕೆಲಸಕ್ಕೆ ಚಾಲನೆ ನೀಡಿದ್ದು, ಪ್ರಮೋಷನಲ್ ಹಾಡನ್ನ ರಿಲೀಸ್ ರಿಲೀಸ್ ಮಾಡಿ ಪ್ರೇಕ್ಷಕರನ್ನ ಥಿಯೇಟರ್ ನತ್ತ ಸೆಳೆಯುತ್ತಿದ್ದಾರೆ.

ಇನ್ನು ಚಿತ್ರದ ಆಡಿಯೋ ಕೂಡ ಬಿಡುಗಡೆಯಾಗಿದ್ದು, ರವಿಬಸ್ರೂರು ಸಂಗೀತ ಸಂಯೋಜಿಸಿದ್ದಾರೆ. ಇನ್ನುಳಿದಂತೆ ಯೂನಿರ್ವಸಲ್ ಹ್ಯಾಟ್ರಿಕ್ ಕಂಬೈನ್ಸ್‌ ಬ್ಯಾನರ್‌ ನಡಿಯಲ್ಲಿ, ಹರೀಶ್‌, ಟಿ, ಜಲಗೆರೆ ಪ್ರೈವೆಟ್ ಲಿಮಿಟೆಡ್‌ ಈ ಸಿನಿಮಾವನ್ನ ನಿರ್ಮಿಸಿದೆ. ಹರೀಶ್‌ಗೆ ಅಕ್ಷತಾ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.

ಸದ್ಯ, ಆಡಿಯೋ ಮತ್ತು ಟೀಸರ್ ಮೂಲಕ ಇಂಡಸ್ಟ್ರಿಯಲ್ಲಿ ಹವಾ ಎಬ್ಬಿಸಿರುವ 'ರಾಜಣ್ಣನ ಮಗ' ಸದ್ಯದಲ್ಲೇ ತೆರೆಕಾಣಲಿದೆ.