'ರಾಬರ್ಟ್'ಗೆ ಸಂಭಾಷಣೆ ಬರೀತಿರೋದು ಒಬ್ಬರಲ್ಲ ಇಬ್ಬರು!

Recommended Video

'ರಾಬರ್ಟ್' ದರ್ಶನ್ ಅಭಿನಯದ ಹೊಸ ಸಿನಿಮಾ. ಈ ಸಿನಿಮಾದ ಪೋಸ್ಟರ್ ಬಿಟ್ಟರೆ ಹೆಚ್ಚಿನ ಮಾಹಿತಿಯನ್ನು ಚಿತ್ರತಂಡ ರಿವೀಲ್ ಮಾಡಿರಲಿಲ್ಲ. ಆದರೆ ಇದೀಗ ಚಿತ್ರದ ಡೈಲಾಗ್ ಬರೆದ ಸಂಭಾಷಣೆಗಾರರ ಪರಿಚಯವನ್ನು ನಿರ್ದೇಶಕ ತರುಣ್ ಸುಧೀರ್ ಮಾಡಿಸಿದ್ದಾರೆ.

ಈ ಸಿನಿಮಾಗೆ 'ಕೆಜಿಎಫ್' ಖ್ಯಾತಿಯ ಚಂದ್ರಮೌಳಿ ಡೈಲಾಗ್ ಬರೆಯುತ್ತಾರೆ ಎಂಬ ವಿಷಯ ನಿನ್ನೆ ತಿಳಿದಿತ್ತು. ಆದರೆ, ಚಂದ್ರಮೌಳಿ ಮಾತ್ರವಲ್ಲ 'ರಾಬರ್ಟ್'ಗೆ ಇಬ್ಬರು ಸಂಭಾಷಣೆಗಾರರು ಡೈಲಾಗ್ ಬರೆಯಲಿದ್ದಾರೆ.

ರಾಜಶೇಖರ್ ಕೆ ಎಲ್ ಹಾಗೂ ಚಂದ್ರಮೌಳಿ ಎಂ ಇಬ್ಬರೂ ಚಿತ್ರಕ್ಕೆ ಡೈಲಾಗ್ ಸೇರಿಸಲಿದ್ದಾರೆ. ರಾಜಶೇಖರ್ ಈ ಹಿಂದೆ 'ವಿಕ್ಟರಿ 2' 'ಅಮ್ಮ ಐ ಲವ್ ಯೂ' ಚಿತ್ರಗಳಿಗೆ ಸಂಭಾಷಣೆ ಬರೆದಿದ್ದಾರೆ. ಮಾತ್ರವಲ್ಲದೆ, ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ 'ಮಜಾ ಟಾಕೀಸ್' 200 ಕ್ಕೂ ಹೆಚ್ಚು ಸಂಚಿಕೆಗಳನ್ನ ಬರೆದ ಖ್ಯಾತಿ ಪಡೆದಿದ್ದಾರೆ.

ಇಬ್ಬರು ಪ್ರತಿಭಾವಂತರಿಗೆ ನಿರ್ದೇಶಕ ತರುಣ್ ಸುಧೀರ್ ಅವಕಾಶ ನೀಡಿದ್ದಾರೆ. 'ರಾಬರ್ಟ್' ಚಿತ್ರಕ್ಕೆ ಉಮಾಪತಿ ಬಂಡವಾಳ ಹಾಕಿದ್ದಾರೆ. ಚಿತ್ರದ ಸ್ಕ್ರಿಪ್ಟ್ ಕೆಲಸ‌ ಸದ್ಯ ನಡೆಯುತ್ತಿದೆ. ಈ ಚಿತ್ರ ಪೋಸ್ಟರ್ ಮೂಲಕವೇ ಕುತೂಹಲ ಹುಟ್ಟಿಸಿದೆ.