Don't Miss!
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕನ್ನಡದಲ್ಲಿ ಸದ್ಯಕ್ಕಿಲ್ಲ ರಜನಿ 'ಪೇಟಾ', ತಲೈವಾ ಧ್ವನಿಯಲ್ಲಿ ಕನ್ನಡ.!
ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ 'ಪೇಟಾ' ಸಿನಿಮಾ ಜನವರಿ 10 ರಂದು ವರ್ಲ್ಡ್ ವೈಡ್ ರಿಲೀಸ್ ಆಗುತ್ತಿದೆ. ತಮಿಳು, ತೆಲುಗು ಮತ್ತು ಹಿಂದಿಯಲ್ಲಿ ಏಕಕಾಲದಲ್ಲಿ ತೆರೆಕಾಣಲಿದೆ. ಎಲ್ಲ ಅಂದುಕೊಂಡಂತೆ ಆಗಿದ್ದರೇ ಕನ್ನಡದಲ್ಲೂ ಪೇಟಾ ಬರಬೇಕಿತ್ತು. ಬಟ್, ಕನ್ನಡ ವರ್ಷನ್ ಗೆ ಸದ್ಯಕ್ಕೆ ಬ್ರೇಕ್ ಬಿದ್ದಿದೆ.
ಹೌದು, ಮೂಲ ಭಾಷೆಯ ಜೊತೆ ಕನ್ನಡದಲ್ಲೂ ಪೇಟಾ ರಿಲೀಸ್ ಆಗಬೇಕಿತ್ತು. ಆದ್ರೆ, ಕನ್ನಡದಲ್ಲಿ ಸ್ವತಃ ರಜನಿಕಾಂತ್ ಧ್ವನಿಯಲ್ಲೇ ಡಬ್ ಮಾಡಿಸುವ ಉದ್ದೇಶದಿಂದ ಡಬ್ಬಿಂಗ್ ಕೆಲಸಕ್ಕೆ ಬ್ರೇಕ್ ಹಾಕಲಾಗಿದೆಯಂತೆ.
ಕಬಾಲಿ, ರೋಬೋ ದಾಖಲೆ ಅಳಿಸಿ ಹೊಸ ದಾಖಲೆ ಬರೆದ ಕೆಜಿಎಫ್
ಹೀಗಂತ ಪೇಟಾ ಚಿತ್ರದ ಕರ್ನಾಟಕದ ವಿತರಕ ಜಾಕ್ ಮಂಜು ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ. ''ರಜನಿಕಾಂತ್ ಅವರ ವಾಯ್ಸ್ ನಲ್ಲೇ ಪೇಟಾ ಸಿನಿಮಾ ಕನ್ನಡಕ್ಕೆ ಡಬ್ ಆದ್ರೆ ಚೆನ್ನಾಗಿರುತ್ತೆ. ಅದಕ್ಕಾಗಿಯೇ ಕಾಯುತ್ತಿದ್ದೇವೆ, ಅವರೊಂದಿಗೆ ಮಾತನಾಡಿದ ಬಳಿಕ ಡಬ್ ಮಾಡುತ್ತೇವೆ'' ಎಂದಿದ್ದಾರೆ. ಹಾಗಿದ್ರೆ, ಪೇಟಾ ಕನ್ನಡದಲ್ಲಿ ಯಾವಾಗ ಬರುತ್ತೆ?
ಒಂದೆರಡು ವಾರ ಮುಂದಕ್ಕೆ
ಜನವರಿ 10 ರಂದು ಪೇಟಾ ಮೂಲ ಭಾಷೆಯಲ್ಲಿ ಬರ್ತಿದೆ. ಆದ್ರೆ, ಆ ದಿನ ಕನ್ನಡದಲ್ಲಿ ಬರ್ತಿಲ್ಲ. ಒಂದೆರಡು ವಾರ ಬಿಟ್ಟು ಕನ್ನಡದಲ್ಲಿ ಬಿಡುಗಡೆ ಮಾಡಲು ಡಬ್ಬಿಂಗ್ ತಂಡ ನಿರ್ಧರಿಸಿದೆ. ಇಲ್ಲಿಯವರೆಗೂ ಪೇಟಾ ಕನ್ನಡದಲ್ಲಿ ಡಬ್ ಆಗಿಲ್ಲ ಎಂಬುದು ಖಚಿತವಾಗಿದೆ.
'ಕೆಜಿಎಫ್' ಎಫೆಕ್ಟ್: ಕನ್ನಡಕ್ಕೆ ರಜನಿ-ರಾಮ್ ಚರಣ್ ಸಿನಿಮಾ.!
ರಜನಿ ಒಪ್ಪುತ್ತಾರಾ?
ರಜನಿಕಾಂತ್ ಅವರ ಕನ್ನಡದಲ್ಲಿ ಸರಗವಾಗಿ ಮಾತನಾಡಬಲ್ಲರು. ಅವರ ಧ್ವನಿಯಲ್ಲೇ ಡಬ್ ಮಾಡಿದ್ರೆ ಆ ಚಿತ್ರಕ್ಕೆ ಮೌಲ್ಯ ಹೆಚ್ಚಲಿದೆ ಎಂಬ ಮಾತಿದೆ. ಸದ್ಯದ ಪರಿಸ್ಥಿತಿಯಲ್ಲಿ ಡಬ್ಬಿಂಗ್ ಸಿನಿಮಾಗಳಿಗೆ ಕರ್ನಾಟಕದಲ್ಲಿ ವಿರೋಧವೂ ಇದೆ. ಇಂತಹ ಸಂದರ್ಭದಲ್ಲಿ ರಜನಿಕಾಂತ್ ಡಬ್ ಮಾಡಲು ಒಪ್ಪುತ್ತಾರಾ ಗೊತ್ತಿಲ್ಲ.
ಇಂದು ಬೆಂಗಳೂರಿಗೆ ಬರ್ತಾರೆ 'ಪೆಟ್ಟಾ' ಮತ್ತು 'ಎನ್ ಟಿ ಆರ್' ಟೀಂ
ಏಕಕಾಲದಲ್ಲಿ ಪೇಟಾ ಬರಲಿ
ತಮಿಳು, ತೆಲುಗು ಮತ್ತು ಹಿಂದಿ ಜೊತೆ ಕನ್ನಡದಲ್ಲೂ ಏಕಕಾಲದಲ್ಲಿ ಪೇಟಾ ಬಿಡುಗಡೆಯಾಗಲಿ. ಇಲ್ಲವಾದಲ್ಲಿ ಬೇಡ ಎಂದು ವಿರೋಧಿಸುವವರು ಇದ್ದಾರೆ. ಈ ಎಲ್ಲಾ ಬೆಳವಣಿಗೆಗಳ ಮಧ್ಯೆ ಪೇಟಾ ಕನ್ನಡ ಚಿತ್ರಕ್ಕೆ ರಜನಿ ಡಬ್ ಮಾಡ್ತಾರಾ ಕಾದುನೋಡಬೇಕಿದೆ.
ಪೇಟಾ ಚಿತ್ರದ ಬಗ್ಗೆ....
ಕಾರ್ತಿಕ್ ಸುಬ್ಬರಾಜು ನಿರ್ದೇಶನ ಮಾಡಿರುವ ಪೇಟಾ ಚಿತ್ರದಲ್ಲಿ ರಜನಿಕಾಂತ್ ಡಿಫ್ರೆಂಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಸಿಮ್ರಾನ್, ತ್ರಿಷಾ, ವಿಜಯ್ ಸೇತುಪತಿ, ಶಶಿಕುಮಾರ್, ನವಾಜ್ಜುದ್ದಿನ್ ಸಿದ್ದಿಕಿ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ. ಸನ್ ಮೂವಿ ಪಿಕ್ಚರ್ಸ್ ವತಿಯಲ್ಲಿ ಕಳಾನಿಧಿ ಮಾರನ್ ನಿರ್ಮಾಣ ಮಾಡಿದ್ದಾರೆ.