ಡಾ ರಾಜ್ ಪಾದಸ್ಪರ್ಶ ಮಾಡಿದ್ದೇ ಪರಮ ಭಾಗ್ಯ ಎಂದ ರಜನಿಕಾಂತ್

ಅಣ್ಣಾವ್ರ ಬಗ್ಗೆ ರಜನಿಕಾಂತ್ ಮಾತು

ಡಾ ರಾಜ್ ಕುಮಾರ್ ಅವರಿಗೆ ನಾನು ಅಭಿಮಾನಿ ಆಗಿದ್ದೆ. ಶಿವಾಜಿ ಗಣೇಶನ್ ಹಾಗೂ ಎನ್ ಟಿ ಆರ್ ಅವರಂತೆ ಶ್ರೇಷ್ಠ ನಟ ಡಾ ರಾಜ್ ಕುಮಾರ್ ಎಂದಿದ್ದಾರೆ. ಅದಷ್ಟೇ ಅಲ್ಲದೆ ರಾಜ್ ಕುಮಾರ್ ನನ್ನ ಪಾಲಿನ ಆದರ್ಶ ಎಂದು ತಿಳಿಸಿದ್ದಾರೆ ರಜನಿ.

ಅವರ ಪಾದಸ್ಪರ್ಶ ಮಾಡಿದ್ದೇ ಪುಣ್ಯ

ಚೆನೈ ನಲ್ಲಿ ನಡೆಯುತ್ತಿರುವ ಅಭಿಮಾನಿಗಳ ಸಂವಾದ ಕಾರ್ಯಕ್ರಮದಲ್ಲಿ ರಜನಿಕಾಂತ್ ಡಾ ರಾಜ್ ಬಗ್ಗೆ ಮಾತನಾಡಿದ್ದಾರೆ. ಅವರನ್ನ ಸಾಕಷ್ಟು ಸಮಯ ಕಾದು ಭೇಟಿ ಮಾಡಿದ್ದೆ. ಅವರ ಪಾದ ಸ್ಪರ್ಶ ಮಾಡಿದ್ದೇ ನನ್ನ ಪುಣ್ಯ ಎಂದು ಅಭಿಮಾನಿಗಳ ಸಮ್ಮುಖದಲ್ಲಿ ಹೇಳಿದ್ದಾರೆ.

ಇಬ್ಬರು ಸಾಮಾನ್ಯರು ಸ್ಟಾರ್ ಆದಾಗ

ಡಾ ರಾಜ್ ಕುಮಾರ್ ರೈತರಾಗಿದ್ದವರು ನಂತರ ಕನ್ನಡದ ಸೂಪರ್ ಸ್ಟಾರ್ ಆಗಿ ಖ್ಯಾತಿ ಪಡೆದುಕೊಂಡವರು. ರಜನಿಕಾಂತ್ ಕೂಡ ಕಂಡಕ್ಟರ್ ಆಗಿದ್ದವರು ನಂತರದ ದಿನಗಳಲ್ಲಿ ಸೂಪರ್ ಸ್ಟಾರ್ ಆದರು.

ಡಾ ರಾಜ್- ರಜನಿ ಭಾವಜೀವಿಗಳು

ರಜನಿಕಾಂತ್ ಅವರ ಹೇಳಿಯ ಬಗ್ಗೆ ಮಾತನಾಡಿರುವ ರಾಘವೆಂದ್ರ ರಾಜ್ ಕುಮಾರ್ ರಜನಿ ಮತ್ತು ಅಪ್ಪಾಜಿ ಅವರ ಮಧ್ಯೆ ತುಂಬಾ ಸಾಮ್ಯತೆ ಇತ್ತು, ಇಬ್ಬರ ಹೆಸರು 'ರ' ಅಕ್ಷರದಿಂದ ಪ್ರಾರಂಭ ಆಗುತ್ತದೆ. ಇಬ್ಬರು ರಾಘವೇಂದ್ರ ಸ್ವಾಮಿಯ ಆರಾಧನೆ ಮಾಡುತ್ತಿದ್ದರು, ಬೆಂಗಳೂರಿಗೆ ಬಂದಾಗ ಸಾಕಷ್ಟು ಸಮಯ ಜೊತೆಯಲ್ಲಿ ಕಳೆಯುತ್ತಿದ್ದರು ಎಂದು ಹಳೆಯ ನೆನಪುಗಳನ್ನ ಬಿಚ್ಚಿಟ್ಟಿದ್ದಾರೆ.