7 ತಿಂಗಳಲ್ಲಿ 1000 ಕೋಟಿ ಗಳಿಸಿದ ರಜನಿಕಾಂತ್

ಗೆದ್ದು ಬೀಗಿದ ಪೇಟಾ

ಪೇಟಾ ಸಿನಿಮಾ ನೋಡಿದ ಬಳಿಕ 'ತುಂಬಾ ವರ್ಷಗಳ ನಂತರ ನಿಜವಾದ ರಜನಿಕಾಂತ್ ನೋಡುತ್ತಿದ್ದೇವೆ ಎನ್ನುತ್ತಿದ್ದಾರೆ ಪ್ರೇಕ್ಷಕರ. ಅದರ ಪರಿಣಾಮ ಪೇಟಾ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಗೆದ್ದು ಬೀಗಿದೆ. ಸದ್ಯದ ದಾಖಲೆಯ ಪ್ರಕಾರ 250 ಕೋಟಿ ಗಳಿಕೆ ಕಂಡು ಮುನ್ನುಗ್ಗುತ್ತಿದೆ ತಲೈವಾ ಅಭಿನಯದ ಪೇಟಾ.

800 ಕೋಟಿ ಮುಟ್ಟಿದ 2.0

ಪೇಟಾ ಚಿತ್ರಕ್ಕೂ ಮುಂಚೆ ಬಿಡುಗಡೆಯಾಗಿದ್ದ 2.0 ಸಿನಿಮಾ ಇಡೀ ವಿಶ್ವವನ್ನೇ ಬೆರಗುಗೊಳಿಸಿತ್ತು. ಆದ್ರೆ, ಚಿತ್ರಕ್ಕೆ ಬಂದ ಮಿಶ್ರಪ್ರತಿಕ್ರಿಯೆಯಿಂದ ಕಲೆಕ್ಷನ್ ಮೇಲೂ ವ್ಯತಿರಿಕ್ತ ಪರಿಣಾಮ ಬೀರುವಂತಾಯಿತು. ಹಾಗಿದ್ದರೂ ಸಿನಿಮಾ ಮಾತ್ರ ಮುನ್ನಗುತ್ತಿದೆ. ಸದ್ಯಕ್ಕೆ 800 ಕೋಟಿ ಗಳಿಕೆ ಕಂಡಿದೆ ಎನ್ನಲಾಗಿದೆ. ಈ ಎರಡು ಸಿನಿಮಾಗಳು ರಿಲೀಸ್ ಆದ ಅಂತರ ಬಹಳ ಕಮ್ಮಿ. ಎರಡ್ಮೂರು ತಿಂಗಳಲ್ಲಿ ಎರಡು ಸಿನಿಮಾ ತೆರೆಕಂಡಿತ್ತು.

ಮಕಾಡೆ ಮಲಗಿದೆ ಕಾಲಾ

ಈ ಎರಡು ಚಿತ್ರಗಳಿಗೂ ಮುಂಚೆ ರಿಲೀಸ್ ಆಗಿದ್ದ ಕಾಲಾ ಅದ್ಯಾಕೋ ಬಾಕ್ಸ್ ಆಫೀಸ್ ನಲ್ಲಿ ಕಮಾಲ್ ಮಾಡಿಲ್ಲ. ರಿಲೀಸ್ ಗೂ ಮೊದಲು ಇದ್ದ ನಿರೀಕ್ಷೆ ತೆರೆಕಂಡ ಬಳಿಕ ಹುಸಿಯಾಯಿತು. ಹಾಗಿದ್ದರೂ 160 ಕೋಟಿವರೆಗೂ ಬಿಸಿನೆಸ್ ಮಾಡಿತ್ತು.

1000 ಕೋಟಿ ದಾಟಿದ ರಜನಿ

ಹಾಗ್ನೋಡಿದ್ರೆ, ರಜನಿಕಾಂತ್ ಅಭಿನಯದ ಈ ಮೂರು ಚಿತ್ರಗಳು ಕೇವಲ 7 ತಿಂಗಳ ಅಂತರದಲ್ಲಿ ತೆರೆಕಂಡಿದೆ. 7 ತಿಂಗಳಲ್ಲಿ 1000ಕ್ಕೂ ಅಧಿಕ ಕೋಟಿ ರಜನಿ ಸಿನಿಮಾದಿಂದ ಬಂದಿದೆ. ಮೂರ್ನಾಲ್ಕು ವರ್ಷಗಳ ಕಾಲ ಸಿನಿಮಾ ಮಾಡಿ 1000 ಕೋಟಿ ಮಾಡಿದ ಉದಾಹರಣೆ ಇದೆ. ಆದ್ರೆ, ಕೇವಲ 7 ಏಳೆಂಟು ತಿಂಗಳಲ್ಲಿ 1000 ಕೋಟಿ ಮಾಡುವುದು ಅಂದ್ರೆ ಅದು ತಲೈವಾ ಮಾತ್ರ. ಈ ಅಂಕಿ ಅಂಶಗಳನ್ನ ಗಮನಿಸಿದ್ರೆ ರಜನಿ ಜಮಾನ ಇನ್ನು ಮುಗಿದಿಲ್ಲ ಎನ್ನುವುದು ಖಾತ್ರಿ.