'ದೊಡ್ಮನೆ'ಯ ದೊಡ್ಡ ಸುದ್ದಿ: ಇದೇ ಮೊದಲ ಬಾರಿಗೆ ನಿರ್ದೇಶನಕ್ಕಿಳಿದ ರಾಜ್ ಕುಟುಂಬದ ಕುಡಿ!

ನಿರ್ದೇಶಕ ಕೈ ಹಾಕಿದ ರಾಜ್ ಫ್ಯಾಮಿಲಿ

ಡಾ.ರಾಜ್ ಕುಟುಂಬದಲ್ಲಿ ಒಬ್ಬರಾದ ಲಕ್ಕಿ ಗೋಪಾಲ್ ಅವರು ಈಗ ಸಿನಿಮಾವೊಂದನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಮೂಲಕ ನಟನೆ, ಗಾಯನ, ನಿರ್ಮಾಣದ ನಂತರ ನಿರ್ದೇಶನದ ವಿಭಾಗಕ್ಕೆ ಮೊದಲ ಬಾರಿಗೆ ರಾಜ್ ಕುಟುಂಬ ಕೈ ಹಾಕಿದೆ.

ಲಕ್ಕಿ ಗೋಪಾಲ್ ಕುರಿತು...

ಡಾ.ರಾಜ್ ಕುಮಾರ್ ರವರ ಸಹೋದರಿಯ ಮೊಮ್ಮಗ ಈ ಲಕ್ಕಿ ಗೋಪಾಲ್.

'ಪ್ರೊಡಕ್ಷನ್ ನಂ 1'

ಈ ಹೊಸ ಸಿನಿಮಾದ ಟೈಟಲ್ ಇನ್ನೂ ಫಿಕ್ಸ್ ಆಗಿಲ್ಲ. ಸದ್ಯಕ್ಕೆ 'ಪ್ರೊಡಕ್ಷನ್ ನಂ 1' ಎಂಬ ಹೆಸರಿಟ್ಟು ಚಿತ್ರವನ್ನು ಶುರು ಮಾಡಲಾಗುತ್ತಿದೆ.

ಶಿವಣ್ಣ ನಟನೆ

ಲಕ್ಕಿ ಗೋಪಾಲ್ ನಿರ್ದೇಶನದ ಈ ಸಿನಿಮಾದಲ್ಲಿ ದೊಡ್ಮನೆ ದೊಡ್ಡಣ್ಣ ಶಿವರಾಜ್ ಕುಮಾರ್ ನಾಯಕನಾಗಿ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಶಿವಣ್ಣನ ಪಾತ್ರ ತುಂಬ ವಿಭಿನ್ನ ಶೈಲಿಯಲ್ಲಿರಲಿದೆಯಂತೆ.

ಅದ್ದೂರಿ ಸಿನಿಮಾ

ಈ ಸಿನಿಮಾ ಅದ್ದೂರಿ ವೆಚ್ಚದ ಚಿತ್ರವಾಗಿದ್ದು, ಕಿರಣ್ ಕುಮಾರ್ ಎಂಬುವರು ನಿರ್ಮಾಣ ಮಾಡಲಿದ್ದಾರೆ.

ತಾರಾಗಣ

ಈ ಸಿನಿಮಾದಲ್ಲಿ ದಕ್ಷಿಣ ಭಾರತದ ಜನಪ್ರಿಯ ಕಲಾವಿದ ಮತ್ತು ತಂತ್ರಜ್ಞರು ಇರಲಿದ್ದಾರೆ ಎನ್ನಲಾಗಿದೆ.

ಅಜನೀಶ್ ಲೋಕನಾಥ್ ಸಂಗೀತ

'ಕಿರಿಕ್ ಪಾರ್ಟಿ' ಹಾಡುಗಳ ದೊಡ್ಡ ಯಶಸ್ಸಿನ ನಂತರ ಅಜನೀಶ್ ಲೋಕನಾಥ್ ಈ ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದಾರೆ. ಈ ಹಿಂದೆ ಶಿವಣ್ಣನ 'ಶ್ರೀಕಂಠ' ಚಿತ್ರಕ್ಕೂ ಅಜನೀಶ್ ಮ್ಯೂಸಿಕ್ ನೀಡಿದ್ದರು. ಉಳಿದಂತೆ ಚೇತನ್ ಕುಮಾರ್ ಸಾಹಿತ್ಯ, ಭುವನ್ ಗೌಡ ಕ್ಯಾಮರಾ ಮತ್ತು ದೀಪು ಎಸ್ ಕುಮಾರ್ ಸಂಕಲನ ಚಿತ್ರದಲ್ಲಿದೆ.

ಕನ್ನಡ ರಾಜ್ಯೋತ್ಸವಕ್ಕೆ ಶುರು

ಶಿವಣ್ಣನ ಈ ಹೊಸ ಸಿನಿಮಾದ ಮುಹೂರ್ತ ನವೆಂಬರ್ 1ಕ್ಕೆ ಕನ್ನಡ ರಾಜ್ಯೋತ್ಸವದ ವಿಶೇಷವಾಗಿ ನಡೆಯಲಿದೆ. ಅಂದಿನ ದಿನವೇ ಚಿತ್ರದ ಮೋಷನ್ ಪೋಸ್ಟರ್ ಕೂಡ ಲಾಂಚ್ ಆಗಲಿದೆ.