ಆಕ್ಟಿಂಗ್ ಗೆ ಬ್ರೇಕ್ ಕೊಟ್ಟು 'ಡೈರೆಕ್ಟರ್' ಆದ ರಾಕೇಶ್

ಮೊದಲ ಸಲ ನಿರ್ದೇಶನ

2009 ರಿಂದ ಸಿನಿಮಾಗಳಲ್ಲಿ ನಟಿಸುತ್ತಾ ಬಂದಿರುವ ರಾಕೇಶ್ ಅಡಿಗ ಇಲ್ಲಿಯವರೆಗೂ ಸುಮಾರು ಹನ್ನೆರಡರಿಂದ ಹದಿಮೂರು ಸಿನಿಮಾ ಮಾಡಿರಬಹುದು. ಅದರಲ್ಲಿ ನಾಯಕ ಹಾಗೂ ಖಳನಾಯಕನೂ ಪಾತ್ರಗಳು ಇದೆ. 9 ವರ್ಷದ ಅನುಭವದಿಂದ ಮೊದಲ ಸಲ ನಿರ್ದೇಶನ ಮಾಡ್ತಿದ್ದಾರೆ.

'ನೈಟ್ ಔಟ್'ಗೆ ಆಕ್ಷನ್ ಕಟ್

ರಾಕೇಶ್ ಚೊಚ್ಚಲ ಬಾರಿಗೆ ನಿರ್ದೇಶನ ಮಾಡುತ್ತಿರುವ ಚಿತ್ರದ ಹೆಸರು 'ನೈಟ್ ಔಟ್'. ಈಗಾಗಲೇ ಈ ಚಿತ್ರದ ಶೇಕಡಾ 50 ರಷ್ಟು ಶೂಟಿಂಗ್ ಮುಗಿದು ಹೋಗಿದೆ.

ಇಬ್ಬರು ನಾಯಕರು

ಒಂದು ರಾತ್ರಿಯಲ್ಲಿ ಇಬ್ಬರು ಯುವಕರ ಮಧ್ಯೆ ನಡೆಯುವ ಕಥೆಯೇ ನೈಟ್ ಔಟ್. ಜೋಶ್ ಚಿತ್ರದಲ್ಲಿ ನಟಿಸಿದ್ದ ಭರತ್ ಹಾಗೂ ಅಕ್ಷಯ್ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ರಾಕೇಶ್ ಕೇವಲ ಡೈರೆಕ್ಷನ್ ಮಾತ್ರ ಮಾಡ್ತಿದ್ದಾರೆ. ಡಾ ನವೀನ್ ಎಂಬುವರು ನಿರ್ಮಾಣ ಮಾಡ್ತಿದ್ದಾರೆ.

ನಾಯಕಿ ಯಾರು.?

'ಸಂಕಷ್ಟಕರ ಗಣಪತಿ' ಚಿತ್ರದಲ್ಲಿ ನಟಿಸಿದ್ದ ಶ್ರುತಿ ಗೊರಾಡಿ ಅವರು ಈ ಚಿತ್ರಕ್ಕೆ ನಾಯಕಿ. ನಿರ್ದೇಶನದ ಜೊತೆಗೆ ಸ್ನೇಹಿತರ ಜೊತೆಗೂಡಿ ಚಿತ್ರಕಥೆಯೂ ಮಾಡಿರುವ ರಾಕೇಶ್ ಸಂಪೂರ್ಣವಾಗಿ ಒಬ್ಬ ತಂತ್ರಜ್ಞನಾಗಿ ಕೆಲಸ ಮಾಡುತ್ತಿದ್ದಾರೆ. ಬಹುತೇಕ ಬೆಂಗಳೂರಿನಲ್ಲೇ ಶೂಟಿಂಗ್ ನಡೆಯುತ್ತಿದೆ.