ರಾಕಿ ಭಾಯ್ ಮನೆಯಲ್ಲಿ ರಾಖಿ ಹಬ್ಬದ ಸಂಭ್ರಮ!

ಯಶ್ ಮನೆಯಲ್ಲಿ ರಕ್ಷಾಬಂಧನ!

ಪ್ರತಿ ಅಣ್ಣ-ತಂಗಿಗೂ ಕೂಡ ರಕ್ಷಾಬಂಧನ ಹಬ್ಬ ಬಹಳನೇ ವಿಶೇಷ. ಅಂತೆಯೇ ಹಬ್ಬ ಬಂತು ಅಂದರೆ ನಟ ರಾಕಿಂಗ್ ಸ್ಟಾರ್ ಯಶ್ ಮನೆಯಲ್ಲಿ ಸಂಭ್ರಮ ಕಳೆಗಟ್ಟುತ್ತದೆ. ಪ್ರತಿವರ್ಷವೂ ನಟ ಯಶ್ ತಮ್ಮ ತಂಗಿ ಕೈಯಲ್ಲಿ ರಾಖಿ ಕಟ್ಟಿಸಿಕೊಂಡು ಫೋಟೋಗೆ ಪೋಸ್ ಕೊಡುತ್ತಾರೆ. ಈ ಬಾರಿಯೂ ಕೂಡ ರಾಕಿಂಗ್ ಸ್ಟಾರ್ ತಂಗಿ ನಂದಿನಿ ಅವರಿಗೆ ರಾಖಿ ಕಟ್ಟಿ ಸಂಭ್ರಮಿಸಿದ್ದಾರೆ. ಈ ಫೋಟೋಗಳನ್ನು ನಟ ಯಶ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ರಾಕಿಗೆ, ರಾಖಿ ಸಂಭ್ರಮ!

ನಟ ರಾಕಿಂಗ್ ಸ್ಟಾರ್ ಯಶ್‌ಗೆ ಒಬ್ಬರು ತಂಗಿ ಇದ್ದಾರೆ. ಯಶ್ ತಂಗಿ ನಂದಿನಿ ಅವರು ಪ್ರತಿ ರಾಖಿ ಹಬ್ಬಕ್ಕೆ ಅಣ್ಣನ ಮನೆಗೆ ಬಂದು ಯಶ್‌ಗೆ ರಾಖಿ ಕಟ್ಟಿ ಶುಭ ಹಾರೈಸುತ್ತಾರೆ. ಅಂತೆಯೇ ಈ ಬಾರಿ ಕೂಡ ಸಂಭ್ರಮದಿಂದ ರಾಖಿ ಹಬ್ಬವನ್ನು ಅಣ್ಣ-ತಂಗಿ ಸೆಲೆಬ್ರೇಟ್ ಮಾಡಿದ್ದಾರೆ. ಇನ್ನು ತಂಗಿಗಾಗಿ ವಿಶೇಷ ಸಂದೇಶವನ್ನು ಬರೆದುಕೊಂಡು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ ನಟ ಯಶ್. "ಒಡಹುಟ್ಟಿದವರು, ಜೀವಮಾನದಾದ್ಯಂತ ಪ್ರೀತಿ ಮತ್ತು ಬೆಂಬಲದಿಂದ ಬಂಧಿತರಾಗಿದ್ದೇವೆ. ಎಲ್ಲರಿಗೂ ರಕ್ಷಾ ಬಂಧನ ಹಬ್ಬದ ಶುಭಾಶಯಗಳು." ಎಂದು ಯಶ್ ಬರೆದುಕೊಂಡಿದ್ದಾರೆ.

ಮುಂದಿನ ಚಿತ್ರಕ್ಕೆ ತಯಾರಿ?

ನಟ ಯಶ್ ಏನೆ ಮಾಡಿದರು. ಯಾವುದೇ ವಿಚಾರವಾಗಿ ಸದ್ದು ಮಾಡಿದರು. ಯಾವುದೇ ವಿಚಾರವನ್ನು ಹಂಚಿಕೊಂಡರೂ, ಯಶ್ ಮುಂದಿನ ಸಿನಿಮಾದ ಬಗ್ಗೆಯೇ ಹತ್ತು ಹಲವು ಪ್ರಶ್ನೆಗಳು ಏಳುತ್ತಿವೆ. ಹಾಲಿ ಡೇ ಯಿಂದ ಬಂದ ಬಳಿಕ ಯಶ್ ತಮ್ಮ ಮುಂದಿನ ಸಿನಿಮಾದಲ್ಲಿ ಬ್ಯುಸಿಯಾಗಲಿದ್ದಾರೆ ಎನ್ನಲಾಗಿತ್ತು. ಆದರೆ ಅ ಬ್ಗಗೆ ಯಶ್ ಸುಳಿವು ಬಿಟ್ಟುಕೊಟ್ಟಿಲ್ಲ.

ಪ್ರಕಟಣೆಗೆ ಕಾಯಲೇ ಬೇಕು!

ಕೆಜಿಎಫ್ ಯಶಸ್ಸು ಕಂಡಿದ್ದೇ, ಕಂಡಿದ್ದು ಯಶ್ ಮುಂದಿನ ಸಿನಿಮಾ ಯಾವುದು. ಯಶ್ ಮುಂದಿನ ಚಿತ್ರದಲ್ಲಿ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ. ರಾಕಿಂಗ್ ಸ್ಟಾರ್ ಮುಂದಿನ ನಡೆ ಎನ್ನುವು ಸಾಕಷ್ಟು ಕುತೂಹಲಕ್ಕೆ ಕಾರಣವಾಗಿದೆ. ಈ ಹಿಂದೆ ಯಶ್, ಒಂದು ದೊಡ್ಡ ಯಶಸ್ಸಿನ ಬಳಿಕ ಮುಂದಿನ ಹೆಜ್ಜೆಯನ್ನು ಹುಷಾರಾಗಿ ಇಡಬೇಕು ಎಂದು ಹೇಳಿದ್ದರು. ಹಾಗಾಗೊ ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತಿದ್ದಾರೆ. ಇನ್ನು ಯಶ್ ಮುಂದಿನ ಸಿನಿಮಾ ಪ್ರಕಟಗೊಳ್ಳುವ ತನಕ ಕಾಯಲೇ ಬೇಕು.