ರಕ್ಷಿತ್ ಶೆಟ್ಟಿ '777 ಚಾರ್ಲಿ' ಭಾನುವಾರ ಗಳಿಸಿದ್ದೆಷ್ಟು? ಒಟ್ಟಾರೆ ಕಲೆಕ್ಷನ್ ಲೆಕ್ಕಾಚಾರ ಇಲ್ಲಿದೆ!

'777 ಚಾರ್ಲಿ' ಭಾನುವಾರದ ಗಳಿಕೆ!

ಮೊದಲ ದಿನ ಅಷ್ಟು ದೊಡ್ಡ ಮಟ್ಟದ ಓಪನಿಂಗ್ ಪಡೆದು ಕೊಳ್ಳದ '777 ಚಾರ್ಲಿ' ವಿಶ್ವದಾದ್ಯಂತ 6.7 ಕೋಟಿ ರೂ. ಗಳಿಸಿ ಸುಮ್ಮನಾಗಿತ್ತು. ಆದರೆ ವಾರಾಂತ್ಯದಲ್ಲಿ ಚಿತ್ರ ಉತ್ತಮ ಗಳಿಕೆ ಕಂಡಿದೆ. ಅದರಲ್ಲೂ ಶನಿವಾರದಂದು ಹೆಚ್ಚು ಗಳಿಕೆ ಕಂಡಿದೆ. ಭಾನುವಾರದ ಒಟ್ಟಾರೆ ಕಲೆಕ್ಷನ್ 9.50 ಕೋಟಿ ರೂ. ಎನ್ನಲಾಗಿದೆ. ಮೂಲಗಳ ಪ್ರಕಾರ ಭಾನುವಾರದ ಗಳಿಕೆ ಕೊಂಚ ಹೆಚ್ಚಾಗಿದೆ. ಆದರೆ ನಿರೀಕ್ಷೆಯ ಮಟ್ಟಕ್ಕೆ ದೊಡ್ಡ ಮಟ್ಟದಲ್ಲಿ ಏರಿಕೆ ಕಂಡು ಬಂದಿಲ್ಲ.

3 ದಿನಕ್ಕೆ ಚಾರ್ಲಿ 23 ಕೋಟಿ ರೂ!

'777 ಚಾರ್ಲಿ' ಸಿನಿಮಾ ಪ್ಯಾನ್ ಇಂಡಿಯಾ ಸಿನಿಮಾ. ಅಂದೆ ಈ ಚಿತ್ರ ಭಾರತದಾದ್ಯಂತ ಹಲವು ಭಾಷೆಗಳಲ್ಲಿ ತೆರೆಕಂಡಿದೆ. ಚಿತ್ರತಂಡದ ನಿರೀಕ್ಷೆಯಂತೆ ದಿನದಿಂದ ದಿನಕ್ಕೆ ಚಿತ್ರದ ಗಳಿಕೆ ಹೆಚ್ಚಾಗುತ್ತಲೆ ಇದೆ. ವಾರಾಂತ್ಯದಲ್ಲಿ ಸಿನಿಮಾದ ಗಳಿಕೆ ಹೆಚ್ಚಾಗಿದ್ದು. ಒಟ್ಟಾರೆ ಮೊದಲ ವೀಕೆಂಡ್ ಸೇರಿ, ಮೊದಲ ಮೂರು ದಿನದ ಗಳಿಗೆ 23.50 ಕೋಟಿ ರೂ.ಎನ್ನುವ ಅಂಕಿ ಅಂಶ ಹೊರ ಬಿದ್ದಿದೆ.

'777 ಚಾರ್ಲಿ' ಒಟ್ಟಾರೆ 3 ದಿನದ ಗಳಿಕೆ!

ಕಳೆದ ಮೂರು ದಿನಗಳಲ್ಲಿ ಚಾರ್ಲಿ ಗಳಿಕೆ ಹೇಗಿದೆ ಎನ್ನುವುದರ ಅಂದಾಜಿನ ಲೆಕ್ಕಾಚಾರ ಇಲ್ಲಿದೆ.

ದಿನ 1: ₹ 6.2 ಕೋಟಿ ರೂ.

ದಿನ 2: ₹ 7.8 ಕೋಟಿ ರೂ.

ದಿನ 3 :₹ 9.50 ಕೋಟಿ ರೂ.

ಒಟ್ಟಾರೆ: ₹ 23.50 ಕೊಟಿ ರೂ.

ಚಾರ್ಲಿ ಬಾಲಿವುಡ್ ಗಳಿಕೆ ಲೆಕ್ಕ ಬಂದಿಲ್ಲ!

'777 ಚಾರ್ಲಿ' ಸಿನಿಮಾ ಹಿಂದಿಯಲ್ಲೂ ರಿಲೀಸ್ ಆಗಿದೆ. ಆದರೆ ಹಿಂದಿ ಗಳಿಕೆ ಪಕ್ಕಾ ಲೆಕ್ಕ ಇನ್ನು ಕುಡ ಹೊರ ಬಂದಿಲ್ಲ. ಕಲೆಕ್ಷನ್ ಲೆಕ್ಕಾಚಾರ ಬಿಟ್ಟು ನೋಡಿದರೆ, ಚಾರ್ಲಿ ಭಾವನಾತ್ಮಕವಾಗಿ ಪ್ರೇಕ್ಷಕರನ್ನು ಹಿಡಿದಿಡುತ್ತಿದೆ. ಸಿನಿಮಾ ನೋಡಿವರು ಕಣ್ಣೀರು ಹಾಕದೆ ಚಿತ್ರಮಂದಿರದಿಂದ ಹೊರ ಬರಲು ಸಾಧ್ಯವೇ ಇಲ್ಲ ಎನ್ನುತ್ತಿದ್ದಾರೆ. ಅಷ್ಟು ಚೆನ್ನಾಗಿ ಕಥೆಯನ್ನು ಕಟ್ಟಿದ್ದಾರೆ ನಿರ್ದೇಶಕ ಕಿರಣ್ ರಾಜ್ ಎನ್ನಲಾಗುತ್ತಿದೆ.