'ಸೋಷಿಯಲ್ ಮೀಡಿಯಾದಲ್ಲಿ 'ಯೋಗ್ಯತೆ' ಬಗ್ಗೆ ಮಾತಾಡೋರು ಎದುರಿಗೆ ಬಂದು ಮಾತಾಡಿ'.!

ಎಲ್ಲರ ಬಗ್ಗೆ ಗೌರವ ಇದೆ

ಪ್ರತಿಯೊಬ್ಬ ನಿರ್ದೇಶಕ ಹಾಗೂ ಸಿನಿಮಾ ಕುರಿತ ಅವರ ಸೆಂಟಿಮೆಂಟ್, ಶ್ರದ್ಧೆ, ಭಾವನೆಗಳ ಬಗ್ಗೆ ನನಗೆ ಗೌರವ ಇದೆ. ಇಂಡಸ್ಟ್ರಿಯಲ್ಲಿ ಎಲ್ಲರಿಗೂ ಒಂದು ಕಥೆ ಇದೆ. ಕಷ್ಟಪಟ್ಟು ಎಲ್ಲರೂ ಮೇಲೆ ಬಂದಿದ್ದಾರೆ. ಅದರ ಬಗ್ಗೆ ಹೋಲಿಕೆ ಸರಿ ಅಲ್ಲ. ಅದನ್ನ ನಾನೂ ಕೂಡ ಮಾಡುವುದಿಲ್ಲ.

ನಾನು ಪತ್ರ ಬರೆದಿಲ್ಲ

''ಆ ಪತ್ರವನ್ನ ನಾನು ಬರೆದಿದ್ದು ಅಂತ ಹಲವರು ಭಾವಿಸಿದರು. ಆದ್ರೆ, ಅದು ನಾನು ಬರೆದಿದ್ದಲ್ಲ. ಅದನ್ನ ಯಾರೋ ನನಗೆ ಕಳುಹಿಸಿದ್ದು. ಸೋಷಿಯಲ್ ಮೀಡಿಯಾದಲ್ಲಿ ನನ್ನ ಯೋಗ್ಯತೆ ಬಗ್ಗೆ ಮಾತನಾಡುತ್ತಿರುವವರು ಮೊದಲು ಮಹಿಳೆಯರ ಜೊತೆ ಹೇಗೆ ಮಾತನಾಡಬೇಕು ಎಂಬುದನ್ನ ಕಲಿಯಲಿ'' - ರಕ್ಷಿತಾ ಪ್ರೇಮ್

ಮುಖಾಮುಖಿ ಬನ್ನಿ

'''ದಿ ವಿಲನ್' ಚಿತ್ರವನ್ನ ನಿರ್ದೇಶನ ಮಾಡಿದವರು ಪ್ರೇಮ್. ನಾನು ಅವರನ್ನ ಮದುವೆ ಆಗಿದ್ದೀನಿ ಎಂಬ ಕಾರಣಕ್ಕೆ ನಾನು ಅವರಿಗೆ ನಿರ್ದೇಶನ ಮಾಡುವುದನ್ನ ಹೇಳಿಕೊಡಲು ಆಗಲ್ಲ. ನನ್ನನ್ನ ಟಾರ್ಗೆಟ್ ಮಾಡಬೇಕು ಅಂತ ಇದ್ದರೆ, ಸೋಷಿಯಲ್ ಮೀಡಿಯಾದಲ್ಲಿ ಬೇಡ. ಎದುರಿಗೆ ಬನ್ನಿ.. ಮುಖಾಮುಖಿ ಕೂತು ಸಮಸ್ಯೆ ಏನು ಅಂತ ಹೇಳಿ'' - ರಕ್ಷಿತಾ ಪ್ರೇಮ್

ಮಹಿಳೆಯರಿಗೆ ಗೌರವ ಕೊಡಿ

''ನಾನು ರಕ್ಷಿತಾ.. ಈ ಸ್ಥಾನಕ್ಕೆ ಬರಲು ನಾನು ಕೂಡ ತುಂಬಾ ಕಷ್ಟ ಪಟ್ಟಿದ್ದೇನೆ. ನನ್ನ ಬಗ್ಗೆ ಸಮಸ್ಯೆ ಇದ್ದರೆ ಡೈರೆಕ್ಟ್ ಆಗಿ ಮಾತನಾಡಿ. ಸೋಷಿಯಲ್ ಮೀಡಿಯಾದಲ್ಲಿ ಮಹಿಳೆಯರಿಗೆ ಗೌರವ ಕೊಡಿ'' ಎಂದು ಬರೆದುಕೊಂಡಿದ್ದಾರೆ ನಟಿ ರಕ್ಷಿತಾ ಪ್ರೇಮ್.