ಮುಖಪುಟ

ಸಿನಿ ಸಮಾಚಾರ

ಕನ್ನಡದ 'ಗಿಲ್ಲಿ' ಚಿತ್ರದಲ್ಲಿ ನವರಸ ನಾಯಕ ಜಗ್ಗೇಶ್ ಪುತ್ರ ಗುರುರಾಜ್ ಜಗ್ಗೇಶ್ ಜೊತೆ ಅಭಿನಯಿಸಿದ್ದ ರಾಕುಲ್ ಪ್ರೀತ್ ಸಿಂಗ್ ಬ್ಯಾಗ್ ನಲ್ಲಿ ರಿವಾಲ್ವರ್ ಗೆ ಬಳಕೆ ಮಾಡುವ ಬುಲೆಟ್ ಪತ್ತೆಯಾಗಿದೆ. ದೆಹಲಿ ವಿಮಾನ ನಿಲ್ದಾಣದಲ್ಲಿ ಪೊಲೀಸರು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಿದ ಘಟನೆ ಬೆಳಕಿಗೆ ಬಂದಿದೆ.

ವಿಮಾನ ನಿಲ್ದಾಣದಲ್ಲಿ ಪೊಲೀಸರು ಬ್ಯಾಗ್ ಚೆಕ್ ಮಾಡುತ್ತಿರಬೇಕಾದರೆ ಲ್ಯಾಪ್ ಟಾಪ್ ಬ್ಯಾಗ್ ನಲ್ಲಿ ಈ ಬುಲೆಟ್ ಪತ್ತೆಯಾಗಿದೆ. ತಮ್ಮನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡು ವಿಚಾರಿಸಿದ್ದಾಗಿ ಸ್ವತಃ ರಾಕುಲ್ ಪ್ರೀತ್ ಸಿಂಗ್ ಅವರೇ ಖಚಿತಪಡಿಸಿದ್ದಾರೆ.

ರಾಕುಲ್ ಪ್ರೀತ್ ಸಿಂಗ್

ಏಕೆಂದರೆ ಈ ಬುಲೆಟ್ ತಮ್ಮ ತಂದೆಗೆ ಸಂಬಂಧಪಟ್ಟಿದ್ದವೋ ಅಲ್ಲವೋ ಎಂದು ಕೇಳಿ ತಿಳಿದುಕೊಂಡಿದ್ದಾರೆ. ಆದರೆ ಆ ಬುಲೆಟ್ ತನಗೆ ಸಂಬಂಧಿಸಿದಲ್ಲ ಎಂದು ಅವರ ತಂದೆ ಹೇಳಿದ್ದಾರೆ. ಯೋಚನೆಗೆ ಬಿದ್ದ ರಾಕುಲ್, ಈ ಬುಲೆಟ್ ತನ್ನ ಬಳಿ ಹೇಗೆ ಬಂತಪ್ಪಾ ಎಂದು ತಲೆಕೆಡಿಸಿಕೊಂಡಿದ್ದಾರೆ.

ಆಗ ರಾಕುಲ್ ಪ್ರೀತ್ ಸಿಂಗ್ ತಲೆ ಟ್ಯೂಬ್ ಲೈಟ್ ಪಕ್ಕನೆ ಸ್ವಿಚ್ ಆನ್ ಆಗಿದೆ. ತಾನು ಈ ಹಿಂದೆ ಶೂಟಿಂಗ್ ನಲ್ಲಿ ಆ ಬುಲ್ಲೆಟ್ ಬಳಸಿದ್ದು ಜ್ಞಾಪಕ್ಕಕ್ಕೆ ಬಂದಿದೆ. ಇದೇ ವಿಷಯವನ್ನು ಪೊಲೀಸರಿಗೂ ತಿಳಿಸಿದ್ದಾರೆ. ತಮಿಳು ಚಿತ್ರವೊಂದರ ಶೂಟಿಂಗ್ ನಲ್ಲಿ ಆ ನಕಲಿ ಬುಲೆಟ್ ಬಳಸಿದ್ದಾಗಿ ಹೇಳಿದ್ದಾರೆ. ಕಡೆಗೆ ಅದನ್ನು ಪರೀಕ್ಷಿಸಿದ ಪೊಲೀಸರು ನಿಟ್ಟುಸಿರುಬಿಟ್ಟಿದ್ದಾರೆ.

ಅಷ್ಟರಲ್ಲಿ ಅವರ ತಂದೆ ಏರ್ ಪೋರ್ಟ್ ಗೆ ದೌಡಾಯಿಸಿ ಬಂದು ಪೊಲೀಸರಿಗೆ ಸಮಾಧಾನ ಮಾಡುವ ಹೊತ್ತಿಗೆ ಉಸ್ಸಪ್ಪಾ ಎಂದಿದ್ದರಂತೆ. ಇಷ್ಟೆಲ್ಲಾ ಆದಮೇಲೆ ಪೊಲೀಸರು ದಯವಿಟ್ಟು ಆ ತಮಿಳು ಸಿನಿಮಾದ ಡಿವಿಡಿ ಕಳುಹಿಸಿ ಎಂದು ಪೊಲೀಸರು ಪ್ಯಾಲಿ ನಗೆ ಬೀರಿದ್ದಾಗಿ ಸುದ್ದಿ.