ರಾಮ್ ಗೋಪಾಲ್ ವರ್ಮಾ ಹೇಳಿದ ಕೆಲಸ ಮಾಡಿದ್ರೆ 10 ಲಕ್ಷ ಸಿಗುತ್ತೆ

ಎನ್.ಟಿ.ಆರ್ ಬೇಕಂತೆ

ರಾಮ್ ಗೋಪಾಲ್ ವರ್ಮಾ ತೆಲುಗು ಸೂಪರ್ ಸ್ಟಾರ್ ಎನ್.ಟಿ.ಆರ್ ಕುರಿತು 'ಲಕ್ಷ್ಮೀಸ್ ಎನ್.ಟಿ.ಆರ್' ಎಂಬ ಬಯೋಪಿಕ್ ಸಿನಿಮಾ ನಿರ್ದೇಶನ ಮಾಡ್ತಿದ್ದಾರೆ. ಈ ಚಿತ್ರದಲ್ಲಿ ಅಭಿನಯಿಸಲು ಎನ್.ಟಿ.ಆರ್ ಅವರಂತೆ ಕಾಣುವ ಕಲಾವಿದನಿಗಾಗಿ ಹುಡುಕಾಟ ನಡೆಸುತ್ತಿದ್ದು, ಈ ಬಗ್ಗೆ ವರ್ಮಾ ಸಾರ್ವಜನಿಕವಾಗಿ ಆಫರ್ ನೀಡಿದ್ದಾರೆ.

ಯಂಗ್ ವಯಸ್ಸಿನ ಎನ್.ಟಿ.ಆರ್

ಎನ್.ಟಿ.ಆರ್ ಅವರ ಪತ್ನಿ ಲಕ್ಷ್ಮಿ ಅವರ ಕಥೆಯಂತೆ ಈ ಚಿತ್ರ ತಯಾರಿಸಲಾಗುತ್ತಿದೆ. ಹೀಗಾಗಿ, ಲಕ್ಷ್ಮಿ ಅವರನ್ನ ಭೇಟಿ ಮಾಡುವ ವೇಳೆ ಎನ್.ಟಿ.ಆರ್ ಹೇಗೆ ಇದ್ದರೋ ಆ ರೀತಿ ಹೋಲಿಕೆ ಇರುವಂತಹ ವ್ಯಕ್ತಿಯನ್ನ ರಾಮ್ ಗೋಪಾಲ್ ವರ್ಮಾ ಹುಡುಕುತ್ತಿದ್ದಾರೆ. ಇಂತಹ ವ್ಯಕ್ತಿಯನ್ನ ಹುಡುಕಿಕೊಟ್ಟವರಿಗೆ 10 ಲಕ್ಷ ಬಹುಮಾನ ನೀಡಲಿದ್ದಾರೆ ಎಂದು ಸ್ವತಃ ಆರ್.ಜಿ.ವಿ ಹೇಳಿದ್ದಾರೆ.

ಮೂರು ನಟರು ಆಯ್ಕೆಯಾಗಿದ್ದಾರೆ

ಈಗಾಗಲೇ ಎನ್.ಟಿ.ಆರ್ ಪಾತ್ರಕ್ಕಾಗಿ ಮೂರು ಜನ ಕಲಾವಿದರು ಆಯ್ಕೆಯಾಗಿದ್ದಾರಂತೆ. ಆದ್ರೆ, ದಿ ಬೆಸ್ಟ್ ಎನಿಸುವ ನಟ ಬೇಕು ಎಂದು ರಾಮ್ ಗೋಪಾಲ್ ವರ್ಮಾ ಕಾಯ್ತಿದ್ದಾರೆ. ಆದ್ರೆ, ಈ ಬಯೋಪಿಕ್ ನಲ್ಲಿ ಯಾರು ಎನ್.ಟಿ.ಆರ್ ಪಾತ್ರ ನಿಭಾಯಿಸಲಿದ್ದಾರೆ ಎನ್ನುವುದು ಸದ್ಯಕ್ಕೆ ಮಾಹಿತಿ ಇಲ್ಲ.

'ಲಕ್ಷ್ಮೀಸ್ ಎನ್.ಟಿ.ಆರ್' ಕುರಿತು

'ಲಕ್ಷ್ಮೀಸ್ ಎನ್.ಟಿ.ಆರ್' ಚಿತ್ರದ ಫಸ್ಟ್ ಲುಕ್ ನ ರಾಮ್ ಗೋಪಾಲ್ ವರ್ಮಾ ಬಿಡುಗಡೆ ಮಾಡಿದ್ದಾರೆ. ನಟ ಎನ್.ಟಿ.ಆರ್ ಮತ್ತು ಎರಡನೇ ಪತ್ನಿ ಲಕ್ಷ್ಮಿ ಪಾರ್ವತಿ ಅವರ ನಡುವಿನ ಸಂಬಂಧದ ಕುರಿತು ಈ ಸಿನಿಮಾ ಮೂಡಿಬರಲಿದೆ. ಮತ್ತೊಂದೆಡೆ ಎನ್.ಟಿ.ಆರ್ ಪುತ್ರ ಬಾಲಕೃಷ್ಣ ಎನ್.ಟಿ.ಆರ್ ಬಯೋಪಿಕ್ ಸಿನಿಮಾ ಮಾಡ್ತಿದ್ದಾರೆ. ಜನವರಿ ತಿಂಗಳಲ್ಲಿ ಈ ಸಿನಿಮಾ ಬಿಡುಗಡೆಯಾಗಲಿದೆ.