ರೂಪದರ್ಶಿ ರೂಪಾಲಿ ಬಗ್ಗೆ ಹಬ್ಬಿದ್ದ ಸುದ್ದಿ ಸುಳ್ಳು ಎಂದ ವರ್ಮಾ

ತೆಲುಗು ಇಂಡಸ್ಟ್ರಿಯ ಸೂಪರ್ ಸ್ಟಾರ್ ನಟ ಎನ್ ಟಿ ಆರ್ ಅವರು ಕುರಿತು ರಾಮ್ ಗೋಪಾಲ್ ವರ್ಮಾ ಸಿನಿಮಾ ಮಾಡ್ತಿದ್ದಾರೆ. ಈ ಚಿತ್ರದಲ್ಲಿ 'ಎನ್ ಟಿ ಆರ್' ಪಾತ್ರ ಯಾರು ಮಾಡ್ತಿದ್ದಾರೆ, ನಾಯಕಿ ಯಾರು ಎಂಬುದು ಕುತೂಹಲವಾಗಿಯೇ ಉಳಿದುಕೊಂಡಿದೆ.

ಈ ಮಧ್ಯೆ ಮುಂಬೈನ ಮಾಡೆಲ್ ರೂಪಾಲಿ ಸೂರಿ ಎನ್ ಟಿ ಆರ್ ಪತ್ನಿ ಲಕ್ಷ್ಮಿ ಪಾತ್ರದಲ್ಲಿ ಅಭಿನಯಿಸಲಿದ್ದಾರೆ ಎಂಬ ಸುದ್ದಿ ವೈರಲ್ ಆಗಿತ್ತು. ಈ ಬಗ್ಗೆ ಆರ್ ಜಿ ವಿ ಸ್ಪಷ್ಟನೆ ನೀಡಿದ್ದು, ಇದು ಸುಳ್ಳು ಎಂದಿದ್ದಾರೆ.

'ಲಕ್ಷ್ಮೀಸ್ ಎನ್.ಟಿ.ಆರ್' ಸಿನಿಮಾ ಎನ್.ಟಿ.ಆರ್ ಅವರ ಎರಡನೇ ಪತ್ನಿ ಲಕ್ಷ್ಮಿ ಅವರ ಕಥೆಯಿಂದ ಆರಂಭವಾಗಲಿದ್ದು, ಆ ಪಾತ್ರಕ್ಕೆ ಹೆಚ್ಚು ಪ್ರಾಮುಖ್ಯತೆ ಇದೆ. ಹಾಗಾಗಿ, ಆ ಪಾತ್ರವನ್ನ ಯಾರೂ ನಿಭಾಯಿಸಲಿದ್ದಾರೆ ಎನ್ನುವುದು ಅಷ್ಟೇ ಕುತೂಹಲವಾಗಿದೆ.

ಇನ್ನು ಮಾಡೆಲ್ ರೂಪಾಲಿ ಬಗ್ಗೆ ಮಾತನಾಡಿರುವ ರಾಮ್ ಗೋಪಾಲ್ ವರ್ಮಾ, 'ನಮ್ಮ ಪಾಟ್ನರ್ ಒಬ್ಬರ ಪತ್ನಿಗೆ ರೂಪಾಲಿ ಸ್ನೇಹಿತರು, ಅದಕ್ಕೆ ಅವರು ಅಂದು ತಿರುಪತಿಯಲ್ಲಿ ನಮ್ಮೊಟ್ಟಿಗೆ ಕಾಣಿಸಿಕೊಂಡಿದ್ದರು ಅಷ್ಟೆ' ಎಂದು ಖಚಿತಪಡಿಸಿದ್ದಾರೆ.

ಅಂದ್ಹಾಗೆ, ಈ ರೂಪಾಲಿ ಸೂರಿ ಯಾರು ಎಂದು ನೋಡುವುದಾರೇ, ಮುಂಬೈ ಮೂಲದ ಮಾಡೆಲ್. 'ಡ್ಯಾಡಿ ಹೋಲ್ಡ್ ಮೈ ಹ್ಯಾಂಡ್' ಎಂಬ ಮಾಲಿವುಡ್ ಸಿನಿಮಾದಲ್ಲೂ ನಟಿಸಿದ್ದಾರೆ. ಜನವರಿ 24ರಂದು ಈ ಸಿನಿಮಾ ಬಿಡುಗಡೆಯಾಗಲಿದೆ ಎಂದು ಸ್ವತಃ ವರ್ಮಾ ತಿಳಿಸಿದ್ದಾರೆ.