Don't Miss!
- News ಹುಬ್ಬಳ್ಳಿ ನೇಹಾ ಕೊಲೆ ಪ್ರಕರಣ: ಸಿದ್ದರಾಮಯ್ಯ ಸರ್ಕಾರವೇ ನೇರ ಹೊಣೆ ಎಂದ ಬಿಜೆಪಿ ಶಾಸಕ
- Lifestyle ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
- Sports LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮರು ಪ್ರಸಾರದಲ್ಲೂ ದಾಖಲೆಗಳು ಸೃಷ್ಟಿಸಿದ ರಾಮಾಯಣ
ಮೂರು ದಶಕದ ಹಿಂದೆ ಪ್ರಸಾರವಾಗಿ ದಾಖಲೆಗಳ ಮೇಲೆ ದಾಖಲೆಗಳು ಬರೆದಿದ್ದ 'ರಾಮಾಯಣ' ಧಾರವಾಹಿ ಲಾಕ್ ಡೌನ್ ಸಂದರ್ಭದಲ್ಲಿ ಮರು ಪ್ರಸಾರವಾಗುತ್ತಿರುವುದು ಬಹುತೇಕರಿಗೆ ಗೊತ್ತಿರುವ ವಿಷಯವೇ.
ಮುವತ್ತಮೂರು ವರ್ಷಗಳ ಹಿಂದೆ ರಾಮಾಯಣ ಧಾರಾವಾಹಿ ದೂರದರ್ಶನದಲ್ಲಿ ಪ್ರಸಾರವಾಗುವಾಗ ಟಿವಿಗೆ, ತಿಲಕವಿಟ್ಟು, ಪೂಜೆಗಳನ್ನು ಮಾಡಿ ಜನ ಆ ಧಾರಾವಾಹಿ ನೋಡುತ್ತಿದ್ದರಂತೆ. ರಾಮಾಯಣ ಪ್ರಸಾರ ಆಗುವ ಸಮಯದಲ್ಲಿ ಬೇರೆ ಇಡೀಯ ಭಾರತವೇ ಸ್ಥಬ್ಧವಾಗುತ್ತಿತ್ತು ಎಂದು ನೆನಪಿಸಿಕೊಳ್ಳುತ್ತಾರೆ ಹಿರಿಯರು.
ಈಗ ಕೊರೊನಾ ದಿಂದಾಗಿ ಭಾರತ 21 ದಿನ ಲಾಕ್ಡೌನ್ ಆಗಿರುವ ಕಾರಣ ದೂರದರ್ಶನವು ರಾಮಾಯಣವನ್ನು ಪುನಃ ಪ್ರಸಾರ ಮಾಡುತ್ತಿದ್ದು, ಪುನರ್ ಪ್ರಸಾರದಲ್ಲೂ ಸಹ ರಾಮಾಯಣ ದಾಖಲೆಗಳನ್ನೆಲ್ಲಾ ಪುಡಿಗಟ್ಟಿ ಹೊಸ ದಾಖಲೆಗಳನ್ನು ಬರೆದಿದೆ.
ನಾಲ್ಕೇ ದಿನದಲ್ಲಿ 17 ಕೋಟಿಗೂ ಹೆಚ್ಚು ವೀಕ್ಷಕರು
ಮರುಪ್ರಸಾರವಾಗುತ್ತಿರುವ ರಾಮಾಯಣ ಪ್ರಸಾರವಾದ ನಾಲ್ಕೇ ದಿನದಲ್ಲಿ 17 ಕೋಟಿ ಜನರಿಂದ ವೀಕ್ಷಿಸಲ್ಪಟ್ಟಿದೆ. ಅತಿ ಹೆಚ್ಚು ಜನರಿಂದ ವೀಕ್ಷಣೆಗೆ ಒಳಗಾದ ಏಕೈಕ ಹಿಂದಿ ಧಾರವಾಹಿ ಇದೆಂಬ ದಾಖಲೆ ಬರೆದಿದೆ.
ಬಾರ್ಕ್ ನೀಡಿರುವ ಮಾಹಿತಿ
ಬಾರ್ಕ್ (ಬಿಎಆರ್ಸಿ) ಈ ಮಾಹಿತಿ ಹೊರಗೆಡವಿದ್ದು, ಧಾರವಾಹಿ ಪ್ರಸಾರವಾಹಿ ಪ್ರಸಾರವಾದ ಮೊದಲ ದಿನದ ಮೊದಲ ಕಂತನ್ನೇ 3.40 ಕೋಟಿ ಮಂದಿ ವೀಕ್ಷಿಸಿದರಂತೆ. ಅದೇ ದಿನದ ಸಂಜೆಯ ಕಂತನ್ನು 4.50 ಕೋಟಿ ಮಂದಿ ವೀಕ್ಷಿಸಿದ್ದಾರೆ.
ಒಂದೇ ದಿನ ಹತ್ತು ಕೋಟಿ ಮಂದಿ ವೀಕ್ಷಣೆ
ಕಳೆದ ಭಾನುವಾರ ಪ್ರಸಾರವಾದ ಎರಡು ಕಂತನ್ನು ಒಟ್ಟು ಸುಮಾರು 10 ಕೋಟಿ ಮಂದಿ ವೀಕ್ಷಿಸಿದ್ದಾರೆ. ಸುಮಾರು 5% ಟಿವಿ ವೀಕ್ಷಕರು ರಾಮಾಯಣ ಒಂದೇ ಧಾರವಾಹಿಯನ್ನು ಅಂದು ನೋಡಿದ್ದಾರಂತೆ.
65 ಕೋಟಿ ವೀಕ್ಷಕರನ್ನು ಹೊಂದಿತ್ತು ಧಾರವಾಹಿ
ರಮಾನಂದ ಸಾಗರ್ ಅವರ ನಿರ್ದೇಶನದ ರಾಮಾಯಣ ಧಾರಾವಾಹಿ ಮೂವತ್ತೆರಡು ವರ್ಷಗಳ ಹಿಂದೆ ದೂರದರ್ಶನದಲ್ಲಿ ಪ್ರತಿ ಭಾನುವಾರ ಒಂದು ಗಂಟೆ ಅವಧಿಯ ಕಂತಾಗಿ ಪ್ರಸಾರವಾಗುತ್ತಿತ್ತು. 55 ದೇಶಗಳಲ್ಲಿ65 ಕೋಟಿ ವೀಕ್ಷಕರನ್ನು ಅದು ಹೊಂದಿತ್ತು. ಪ್ರತಿ ಸಂಚಿಕೆಯಲ್ಲೂ ದೂರದರ್ಶನ 40 ಲಕ್ಷ ಆದಾಯವನ್ನು ಆಗ ಗಳಿಸುತ್ತಿತ್ತಂತೆ.