50 ದಿನ ಪೂರೈಸಿದ ಶರಣ್ ಅಭಿನಯದ 'Rambo 2' ಸಿನಿಮಾ

ನಟ ಶರಣ್ ಅಭಿನಯದ 'Rambo 2' ಸಿನಿಮಾ ಇದೀಗ 50 ದಿನಗಳನ್ನು ಪೂರೈಸಿದೆ. ಈ ಮೂಲಕ ಈ ವರ್ಷದ ಮತ್ತೊಂದು ಹಿಟ್ ಸಿನಿಮಾವಾಗಿ 'Rambo 2' ಹೊರಹೊಮ್ಮಿದೆ.

ಮೇ 18 ರಂದು ಬಿಡುಗಡೆಯಾಗಿದ್ದ 'Rambo 2' ಸಿನಿಮಾ ಅರ್ಥ ಶತಕ ಬಾರಿಸಿದೆ. ಈ ವರ್ಷ ರಿಲೀಸ್ ಆದ ಸಿನಿಮಾಗಳ ಪೈಕಿ ಕೆಲವೇ ಕೆಲವು ಸಿನಿಮಾಗಳು ಮಾತ್ರ 50 ದಿನಗಳನ್ನು ಪೂರೈಸಿದೆ. ಆ ಚಿತ್ರಗಳ ಪೈಕಿ 'Rambo 2' ಕೂಡ ಒಂದಾಗಿದೆ. 'ಟಗರು', 'ಗುಳ್ಟು' ನಂತರ 'Rambo 2' ಈ ವರ್ಷದ ಹಿಟ್ ಸಿನಿಮಾ ಅಂತ ಕರೆಸಿಕೊಂಡಿದೆ.

ಇನ್ನು ಶರಣ್ ಅವರ 'Rambo' ಸಿನಿಮಾ ಕೂಡ ಸಕ್ಸಸ್ ಆಗಿತ್ತು. ಈಗ 'Rambo 2' ಸಿನಿಮಾ ಕೂಡ ಯಶಸ್ವಿಯಾಗಿದೆ. ವಿಶೇಷ ಅಂದರೆ, ಈ ಎರಡು ಚಿತ್ರಗಳ ನಂತರ 'Rambo' ಸೀರಿಸ್ ಸಿನಿಮಾಗಳು ಮಾಡಲು ಚಿತ್ರತಂಡ ಪ್ಲಾನ್ ಮಾಡಿದೆ.

ಅಂದಹಾಗೆ, 'Rambo 2' ಸಿನಿಮಾದಲ್ಲಿ ಶರಣ್ ಜೊತೆಗೆ ಆಶಿಕಾ ರಂಗನಾಥ್ ಕಾಣಿಸಿಕೊಂಡಿದ್ದರು. ಅನಿಲ್ ಕುಮಾರ್ ನಿರ್ದೇಶನ ಮಾಡಿದ್ದರು. ತರುಣ್ ಸುಧೀರ್ ಸಿನಿಮಾದ ಕ್ರಿಯೇಟಿವ್ ಹೆಡ್ ಆಗಿದ್ದರು.