Don't Miss!
- News ತೊಳೆಯೋದಕ್ಕೂ ನೀರು ಇಲ್ಲ ಗುರೂ: ಜನ ಹಿಂಗೆ ಕೇಳ್ತಿದ್ದಾರೆ!
- Lifestyle ಬೇಸಿಗೆಗೆ ಈ 3 ಸೊಪ್ಪಿನ ಚಟ್ನಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- Sports GT vs DC: ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ದೊಡ್ಡ ಗೆಲುವು: ಗುಜರಾತ್ಗೆ ತವರಿನಲ್ಲಿ ಸೋಲು
- Automobiles ಸುಜುಕಿ ಹಯಬುಸಾ 25ನೇ ಆನಿವರ್ಸರಿ ಎಡಿಷನ್ ಬಿಡುಗಡೆ: ಬೆಲೆ ಎಷ್ಟು?
- Finance ಇನ್ಮುಂದೆ EMI ಕಟ್ಟೋದು ತಡವಾದ್ರೆ ಚಿಂತಿಸೋಹಾಗಿಲ್ಲ, ಫೈನ್ ಕೂಡ ಕಟ್ಟುವಂತಿಲ್ಲ!
- Technology ಸದ್ಯ ಎಂಟ್ರಿ ಲೆವೆಲ್ನಲ್ಲಿ ಇವೇ ಬೆಸ್ಟ್ ಸ್ಮಾರ್ಟ್ಫೋನ್ಗಳು!..ಫೀಚರ್ಸ್ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಂಗ್ ಕಮಾಂಡರ್ ಅಭಿನಂದನ್ ಗೆಟಪ್ ನಲ್ಲಿ ನಟ ರಮೇಶ್ ಅರವಿಂದ್
ಪಾಕಿಸ್ತಾನ ಸೇನಾ ವಿಮಾನವನ್ನು ಹೊಡೆದುರಳಿಸಿ ಆಕಸ್ಮಿಕವಾಗಿ ಪಾಕ್ ಸೇನೆಯ ಸೆರೆಸಿಕ್ಕಿ ತಾಯ್ನಾಡಿಗೆ ವಾಪಸ್ ಆದ ಧೀರ ಯೋಧ, ಭಾರತೀಯ ಹೆಮ್ಮೆಯ ಪುತ್ರ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್. ಅಭಿನಂದನ್ ಜೊತೆಗೆ ಅವರ ಮೀಸೆ ಕೂಡ ಎಲ್ಲರಿಗೂ ಇಷ್ಟವಾಗಿತ್ತು. ಅಭಿನಂದನ್ ಮೀಸೆಗೆ ಫಿದಾ ಆಗದವರಿಲ್ಲ.
ಸಿನಿಮಾ ನಟರ ಲುಕ್, ಗೆಟಪ್ ವೈರಲ್ ಆಗುವುದು, ಟ್ರೆಂಡ್ ಸೆಟ್ ಮಾಡುವುದು ಸಾಮಾನ್ಯ. ಆದರೆ ಧೀರತನದ ಸಂಕೇತವಾಗಿರುವ ಭಾರತೀಯ ಯೋಧನೊಬ್ಬನ ಮೀಸೆ ಟ್ರೆಂಡ್ ಆಗಿದ್ದು ವಿಶೇಷ. ಅಚ್ಚರಿ ಅಂದರೆ ಅಭಿನಂದನ್ ಗೆಟಪ್ ನಲ್ಲಿಯೆ ಸ್ಯಾಂಡಲ್ ವುಡ್ ನಟ ರಮೇಶ್ ಅರವಿಂದ್ ಕಾಣಿಸಿಕೊಂಡಿದ್ದಾರೆ.
ಇಂಜಿನಿಯರಿಂಗ್ ಪದವಿ ಪಡೆದ ಕನ್ನಡದ ಸ್ಟಾರ್ ನಟರಿವರು
ಉದ್ದ ಮತ್ತು ದಪ್ಪಗೆ ಮೀಸೆ ಬಿಟ್ಟಿರುವ ರಮೇಶ್ ಅರವಿಂದ್ ಹೊಸ ಸ್ಟೈಲ್ ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಅಂದ್ಹಾಗೆ ರಮೇಶ್ ಅರವಿಂದ್ ಹೀಗೆ ಕಾಣಿಸಿಕೊಂಡಿದ್ದು 'ಶಿವಾಜಿ ಸುರತ್ಕಲ್' ಚಿತ್ರಕ್ಕಾಗಿ. ಮರ್ಡರ್ ಮಿಸ್ಟರಿ 'ಶಿವಾಜಿ ಸುರತ್ಕಲ್' ಚಿತ್ರದಲ್ಲಿ ರಮೇಶ್ ಅರವಿಂದ್ ಮೂರು ಗೆಟಪ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಈಗಾಗಲೆ ರಮೇಶ್ ಅರವಿಂದ್ ಅವರ ಎರಡು ಲುಕ್ ರಿವೀಲ್ ಆಗಿತ್ತು. ಈಗ ಮೂರನೆ ಲುಕ್ ಬಹಿರಂಗವಾಗಿದೆ. ಸಂಪೂರ್ಣ ಗಡ್ಡಧಾರಿಯ ಗೆಟಪ್, ಗಡ್ಡ ಇಲ್ಲದ ಲುಕ್ ಮತ್ತು ಈಗ ಸೈಕಲ್ ಹ್ಯಾಂಡಲ್ ಮೀಸೆಯೊಂದಿಗೆ ಕಾಣಿಸಿಕೊಂಡಿದ್ದಾರೆ. ಈ ಫೋಟೋಗಳು ಚಿತ್ರದ ಮೇಲಿನ ನಿರೀಕ್ಷೆಯ ಮಟ್ಟವನ್ನು ಮತ್ತಷ್ಟು ಹೆಚ್ಚಿಸುತ್ತಿದೆ.
ಚಿತ್ರದಲ್ಲಿ ರಮೇಶ್ ತನಿಖಾಧಿಕಾರಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಕಥೆ ಬೇರೆ ಬೇರೆ ಕಾಲಘಟ್ಟದಲ್ಲಿ ಸಾಗುತ್ತಿರುತ್ತದೆ. ಪ್ರತೀ ಕಾಲಘಟ್ಟಕ್ಕು ಒಂದೊಂದು ಗೆಟಪ್ ನಲ್ಲಿ ಕಾಣಿಸಿಕೊಂಡಿದ್ದಾರಂತೆ. ಸದ್ಯ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿ ಬ್ಯುಸಿಯಾಗಿದೆ. ಇನ್ನು ವಿಶೇಷ ಅಂದರೆ 'ಶಿವಾಜಿ ಸುರತ್ಕಲ್' ಕನ್ನಡ ಜೊತೆಗೆ ತಮಿಳು ಮತ್ತು ತೆಲುಗಿನಲ್ಲೂ ರಿಲೀಸ್ ಆಗುವ ಸಾಧ್ಯತೆ ಇದೆ.