ರಕ್ಷಿತಾಗೆ ವಿಶೇಷ ಉಡುಗೊರೆ ಕಳುಹಿಸಿ ಪ್ರೀತಿಯಿಂದ ಪತ್ರ ಬರೆದ ರಮ್ಯಾ

ಹುಟ್ಟುಹಬ್ಬಕ್ಕೆ ಪ್ರೀತಿಯ ವಿಶ್ ಮಾಡಿದ ಮೋಹಕ ತಾರೆ

ಇಬ್ಬರೂ ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ಪ್ರೀತಿ ವ್ಯಕ್ತ ಪಡಿಸುತ್ತಿರುತ್ತಾರೆ. ಇಬ್ಬರ ಗೆಳೆತನ ಎಷ್ಟು ಗಟ್ಟಿಯಾಗಿದೆ ಎಂದರೆ ಇತ್ತೀಚಿಗೆ ರಕ್ಷಿತಾ ಹುಟ್ಟುಹಬ್ಬಕ್ಕೆ ರಮ್ಯಾ ಹಳೆಯ ಫೋಟೋ ಹಂಚಿಕೊಂಡು ಪ್ರೀತಿಯ ಶುಭಾಶಯ ತಿಳಿಸಿದ್ದರು. ಇದೀಗ ರಕ್ಷಿತಾಗೆ ಮತ್ತೊಂದು ಸರ್ಪ್ರೈಸ್ ನೀಡಿದ್ದಾರೆ.

ರಮ್ಯಾ ಕೊಟ್ಟ ಉಡುಗೊರೆ ಹಂಚಿಕೊಂಡ ರಕ್ಷಿತಾ

'ನನ್ನ ಸಿನಿ ಪಯಣ ನೀವಿಲ್ಲದೆ ಪೂರ್ಣವಾಗಲ್ಲ' ಎಂದು ಹೇಳಿದ್ದ ರಮ್ಯಾ ಇಂದು ವಿಶೇಷವಾದ ಉಡುಗೊರೆ ಕಳುಹಿಸಿಕೊಟ್ಟಿದ್ದಾರೆ. ಜೊತೆಗೆ ಪ್ರೀತಿಯಿಂದ ಪತ್ರವನ್ನು ಬರೆದಿದ್ದಾರೆ. ರಮ್ಯಾ ಕೊಟ್ಟ ಉಡುಗೊರೆಯನ್ನು ರಕ್ಷಿತಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ರಕ್ಷಿತಾಗೆ ಸೀರೆ ಗಿಫ್ಟ್ ಮಾಡಿದ ರಮ್ಯಾ

ರಮ್ಯಾ ಗೆಳತಿ ರಕ್ಷಿತಾಗಾಗಿ ಸೀರೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಜೊತೆಗೆ ಪತ್ರವನ್ನು ಬರೆದಿದ್ದಾರೆ. ಪತ್ರದಲ್ಲಿ, 'ನಿನಗೆ ಸೀರೆ ಇಷ್ಟವಾಗುತ್ತೆ ಮತ್ತು ಇದನ್ನು ಉಟ್ಟುಕೊಳ್ಳುತ್ತೀಯಾ ಎಂದು ಭಾವಿಸಿದ್ದೇನೆ. ಎಲ್ಲಾ ನೆನಪುಗಳಿಗೆ ಧನ್ಯವಾದಗಳು' ಎಂದು ಬರೆದಿದ್ದಾರೆ.

ರಕ್ಷಿತಾ ಪ್ರತಿಕ್ರಿಯೆ ಹೀಗಿದೆ

ರಮ್ಯಾ ಕಡೆಯಿಂದ ಬಂದ ಗಿಫ್ಟ್ ನೋಡಿ ಫುಲ್ ಖುಷ್ ಆಗಿರುವ ರಕ್ಷಿತಾ ಧನ್ಯವಾದ ತಿಳಿಸಿದ್ದಾರೆ. ತುಂಬಾ ಇಷ್ಟವಾಯಿತು. ಎಲ್ಲಾ ನೆನಪುಗಳಿಗೂ ಧನ್ಯವಾದಗಳು. ಹೌದು, ನೀನಿಲ್ಲದೇ ನನ್ನ ಸಿನಿ ಜರ್ನಿ ನಿಜಕ್ಕೂ ಅಪರಿಪೂರ್ಣ' ಎಂದು ಬರೆದು ಹಾರ್ಟ್ ಇಮೋಜಿ ಹಾಕಿದ್ದಾರೆ. ಇಬ್ಬರ ಸ್ನೇಹ ನೋಡಿ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಆದಷ್ಟು ಬೇಗ ರಮ್ಯಾ ಮತ್ತೆ ಚಂದನವನಕ್ಕೆ ವಾಪಸ್ ಆಗಲಿ ಎಂದು ಕೇಳಿಕೊಳ್ಳುತ್ತಿದ್ದಾರೆ.