ರಕ್ಷಿತ್ ಗೆ ರಮ್ಯಾ ಕೊಟ್ಟ ಬ್ರೇಕಿಂಗ್: 2019ರಲ್ಲಿ ಸಿನಿಮಾಗೆ ಕಮ್ ಬ್ಯಾಕ್.!

2019ರ ನಂತರ ರಮ್ಯಾ ಕಂಬ್ಯಾಕ್.!

ರಮ್ಯಾ ಮತ್ತೆ ನೀವು ಯಾವಾಗ ಸಿನಿಮಾ ಮಾಡ್ತೀರಾ.? ಅಂತ ಅದೇಷ್ಟೋ ಜನ ಕೇಳಿದ್ದಾರೋ ಗೊತ್ತಿಲ್ಲ. ಅವರಿಗೆಲ್ಲ ಉತ್ತರ ಈಗ ಕೊಟ್ಟಿದ್ದಾರೆ. 2019ರ ನಂತರ ರಮ್ಯಾ ಅವರನ್ನ ಮತ್ತೆ ಬೆಳ್ಳಿತೆರೆಯಲ್ಲಿ ನೋಡಬಹುದಂತೆ.

ರಕ್ಷಿತ್ ಶೆಟ್ಟಿಗೆ ಕೊಟ್ಟ ಉತ್ತರ

ಅಂದ್ಹಾಗೆ, ರಕ್ಷಿತ್ ಶೆಟ್ಟಿ ಅಭಿನಯದ 'ಅವನೇ ಶ್ರೀಮನ್ನಾರಾಯಣ' ಚಿತ್ರದ ಟೀಸರ್ ನೋಡಿದ ರಮ್ಯಾ, ಟೀಸರ್ ಹಾಗೂ ರಕ್ಷಿತ್ ಶೆಟ್ಟಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇದನ್ನ ಕಂಡು ಖುಷಿಯಾದ ರಕ್ಷಿತ್ ಶೆಟ್ಟಿ 'ಥ್ಯಾಂಕ್ಸ್ ಹೇಳಿ, ನಿಮ್ಮನ್ನ ಮತ್ತೆ ಬೆಳ್ಳಿತೆರೆಯಲ್ಲಿ ನೋಡುವ ಆಸೆ ಇದೆ' ಎಂದು ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಉತ್ತರಿಸಿರುವ ರಮ್ಯಾ ''After 2019'' ಅಂತ ಪ್ರತಿಕ್ರಿಯೆ ಕೊಟ್ಟಿದ್ದಾರೆ.

2019ರ ನಂತರ ಯಾಕೆ.?

ಇನ್ನು 2019ರ ನಂತರವೇ ಯಾಕೆ ರಮ್ಯಾ ಇಂಡಸ್ಟ್ರಿಗೆ ವಾಪಸ್ ಆಗ್ತಾರೆ ಎಂದು ಯೋಚನೆ ಮಾಡೋದಾದರೇ, 2019ರಲ್ಲಿ ಲೋಕಸಭೆ ಚುನಾವಣೆ ಇದೆ. ಈ ಚುನಾವಣೆಯಲ್ಲು ರಮ್ಯಾ ಅವರು ಸ್ಪರ್ಧೆ ಮಾಡಬಹುದು. ಈ ಚುನಾವಣೆಯ ಬಳಿಕ ತಮ್ಮ ಮುಂದಿನ ಭವಿಷ್ಯ ನಿರ್ಧಾರವಾಗಬಹುದು. ಹೀಗಾಗಿ, ಮುಂದಿನ ವರ್ಷವನ್ನ ಆಯ್ಕೆ ಮಾಡಿಕೊಂಡಿರಬಹುದು.

ಗೆದ್ರೆ ರಾಜಕೀಯ, ಸೋತ್ರೆ ಸಿನಿಮಾ.?

ಒಂದು ವೇಳೆ ಲೋಕಸಭೆ ಚುನಾವಣೆಯಲ್ಲಿ ರಮ್ಯಾ ಗೆದ್ದರೇ ದೆಹಲಿಗೆ ತೆರಳಿ ಸಂಪೂರ್ಣ ರಾಜಕೀಯ ಮಾಡಬಹುದು. ಬಟ್, ಸೋತ್ರೆ ಕರ್ನಾಟಕದಲ್ಲೇ ಉಳಿದುಕೊಂಡು ಸಿನಿಮಾರಂಗಕ್ಕೆ ವಾಪಸ್ ಆಗಬಹುದು. ಇವರೆಡರಲ್ಲಿ ಏನಾಗಬಹುದು ಎಂದು ತಿಳಿಯಲು 2019ರಲ್ಲೇ ನೋಡಬೇಕು.

ಊರು ಬಿಟ್ಟು ಹೊರಟ ರಮ್ಯಾ ಎಲ್ಲಿಗೆ? ಯಾಕೆ?

ರಮ್ಯಾ ಕೊನೆಯ ಸಿನಿಮಾ

2014ರಲ್ಲಿ ತೆರೆಕಂಡಿದ್ದ ಆರ್ಯನ್ ಸಿನಿಮಾದಲ್ಲಿ ರಮ್ಯಾ ಅಭಿನಯಿಸಿದ್ದರು. ಅದಾದ ಬಳಿಕ ವಿಷ್ಣುವರ್ಧನ್ ಅವರ 201ನೇ ಸಿನಿಮಾ ಎಂದೇ ಗುರುತಿಸಿಕೊಂಡಿದ್ದ 'ನಾಗಾರಹಾವು' ಸಿನಿಮಾದಲ್ಲೂ ರಮ್ಯಾ ಅಭಿನಯಿಸಿದ್ದರು. ನಂತರ ಯಾವ ಚಿತ್ರದಲ್ಲೂ ಮೋಹಕತಾರೆ ಅಭಿನಯಿಸಲೇ ಇಲ್ಲ.

'ದಿಲ್ ಕಾ ರಾಜ' ನಿಂತು ಹೋಗಿದೆ

ಪ್ರಜ್ವಲ್ ದೇವರಾಜ್ ಅಭಿನಯಿಸುತ್ತಿದ್ದ ದಿಲ್ ಕಾ ರಾಜ ಚಿತ್ರದಲ್ಲಿ ರಮ್ಯಾ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಈ ಮಧ್ಯೆ ಕಾರಣಾಂತರಗಳಿಂದ ಈ ಸಿನಿಮಾವನ್ನ ಅರ್ಧಕ್ಕೆ ಬಿಟ್ಟಿದ್ದರು. ಅಲ್ಲಿಗೆ ದಿಲ್ ಕಾ ರಾಜ ನಿಂತು ಹೋಗಿದೆ. ರಮ್ಯಾ ಕಂಬ್ಯಾಕ್ ನಿಂದ ಮತ್ತೆ ಶುರುವಾಗುವ ನಿರೀಕ್ಷೆಯಲ್ಲಿದ್ದ ಚಿತ್ರತಂಡ ಆಮೇಲೆ ಸೈಲೆಂಟ್ ಆಗಿದೆ.