ಕೊನೆಯ ಕನ್ನಡ ಸಿನಿಮಾ ನೋಡಿದ ಬಗ್ಗೆ ರಮ್ಯಾ ಹೇಳಿದ್ದೇನು? ಮೋಹಕ ತಾರೆ ಲಿಸ್ಟ್ ನಲ್ಲಿರುವ ಸಿನಿಮಾಗಳಿವು

ರಮ್ಯಾ ನೋಡಿದ ಕೊನೆಯ ಕನ್ನಡ ಸಿನಿಮಾ

ಕರ್ನಾಟಕದಿಂದ, ಕನ್ನಡ ಅಭಿಮಾನಿಗಳಿಂದ ಬಹು ದೂರ ಸಾಗಿರುವ ರಮ್ಯಾ ಮತ್ತೆ ಬಣ್ಣ ಹಚ್ಚಲಿ ಎಂದು ಅಭಿಮಾನಿಗಳು ಸಹ ಕಾಯುತ್ತಿದ್ದಾರೆ. ಇದೀಗ ರಮ್ಯಾ ಕನ್ನಡ ಸಿನಿಮಾಗಳ ಬಗ್ಗೆ ಮಾತನಾಡಿದ್ದಾರೆ. ಕೊನೆಯದಾಗಿ ನೋಡಿದ ಕನ್ನಡ ಸಿನಿಮಾದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಗಂಟುಮೂಟೆ ನೋಡಿ ಎಂದ ರಮ್ಯಾ

ಅಂದಹಾಗೆ ರಮ್ಯಾ ಕೊನೆಯದಾಗಿ ನೋಡಿದ ಕನ್ನಡ ಸಿನಿಮಾ 'ಗಂಟುಮೂಟೆ'. ಈ ಬಗ್ಗೆ ಬರೆದುಕೊಂಡಿರುವ ರಮ್ಯಾ, 'ನಾನು ಕೊನೆಯದಾಗಿ ನೋಡಿದ ಕನ್ನಡ ಸಿನಿಮಾ ಗಂಟುಮೂಟೆ. ತುಂಬಾ ಇಷ್ಟ ಪಟ್ಟೆ' ಎಂದು ಹೇಳಿದ್ದಾರೆ. ಜೊತೆಗೆ ಮಲಯಾಳಂ ಸಿನಿಮಾದ ಬಗ್ಗೆಯೂ ಬರೆದುಕೊಂಡಿದ್ದಾರೆ. ಈ ಸಿನಿಮಾಗಳನ್ನು ದಯವಿಟ್ಟು ನೋಡಿ ಎಂದು ಹೇಳಿದ್ದಾರೆ.

ರಮ್ಯಾ ಲಿಸ್ಟ್ ನಲ್ಲಿರುವ ಸಿನಿಮಾಗಳಿವು

ಇನ್ನು ಬೇರೆ ಸಿನಿಮಾವನ್ನು ನೋಡಲು ಸಿನಿಮಾ ಹೆಸರುಗಳನ್ನು ಸೂಚಿಸಿ ಎಂದು ಅಭಿಮಾನಿಗಳನ್ನು ಕೇಳಿಕೊಂಡಿದ್ದರು. ಅಭಿಮಾನಿಗಳು ಅನೇಕ ಸಿನಿಮಾಗಳನ್ನು ಸೂಚಿಸಿದ್ದಾರೆ. ಸಿನಿಮಾ ಹೆಸರು ಸೂಚಿಸಿದ ಅಭಿಮಾನಿಗಳಿಗೆ ರಮ್ಯಾ ಧನ್ಯವಾದ ತಿಳಿಸಿದ್ದಾರೆ. ಅಂದಹಾಗೆ ಲಿಸ್ಟ ನಲ್ಲಿ ಈಗ ನೋಡಲು ಇರುವ ಸಿನಿಮಾಗಳೆಂದರೆ, ಲವ್ ಮಾಕ್ ಟೇಲ್, ದಿಯಾ, ಭೀಮಸೇನ ನಳಮಹಾರಾಜ, ಕವಲುದಾರಿ, ಇನ್ಸ್ ಪೆಕ್ಟರ್ ವಿಕ್ರಂ ಸಿನಿಮಾಗಳಿವೆ.

Recommended Video

ದೇವರಾಣೆ ನಾನು ಇದನ್ನೆಲ್ಲ ಮಾಡಿಲ್ಲ ಎಂದ ವಿವಾದಿತ ನಿರ್ಮಾಪಕ | Filmibeat Kannada

ನೋಡಿದ ವೆಬ್ ಸೀರಿಸ್ ಬಗ್ಗೆ ಹೇಳುವೆ- ರಮ್ಯಾ

ತಾವು ನೋಡಬೇಕಾಗಿರುವ ಕನ್ನಡ ಸಿನಿಮಾಗಳ ಲಿಸ್ಟ್ ಅನ್ನು ರಮ್ಯಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೆ ಕಳೆದ ಕೆಲವು ದಿನಗಳಿಂದ ನೋಡಿದ ವೆಬ್ ಸೀರಿಸ್ ಬಗ್ಗೆ ಹೇಳುವುದಾಗಿಯೂ ಹೇಳಿದ್ದಾರೆ.