ಮುಖಪುಟ

ಸಿನಿ ಸಮಾಚಾರ

ಬ್ಲಾಕ್ ಬಸ್ಟರ್ 'ಬಾಹುಬಲಿ' ಸಿನಿಮಾದಲ್ಲಿ 'ಬಲ್ಲಾಳದೇವ'ನಾಗಿ ಅಬ್ಬರಿಸಿ ಬೊಬ್ಬಿರಿದು ವಿಶ್ವದಾದ್ಯಂತ ಖ್ಯಾತಿ ಗಳಿಸಿದ ರಾನಾ ದಗ್ಗುಬಾಟಿಗೆ ಬಂಪರ್ ಆಫರ್ ಒಂದು ಹುಡುಕಿಕೊಂಡು ಬಂದಿದೆ.

'ಲಂಡನ್ ಡಿಜಿಟಲ್ ಮೂವಿ ಆಂಡ್ ಟಿವಿ ಸ್ಟುಡಿಯೋಸ್' ಎಂಬ ಸಂಸ್ಥೆ ನಿರ್ಮಾಣ ಮಾಡಲಿರುವ ಹಾಲಿವುಡ್ ಚಿತ್ರವೊಂದರ ಪ್ರಮುಖ ಪಾತ್ರದಲ್ಲಿ ನಟಿಸಲು ರಾನಾ ದಗ್ಗುಬಾಟಿಗೆ ಅವಕಾಶ ಲಭಿಸಿದೆ.

ನಿಮಗೆ ಗೊತ್ತೇ.? 'ಬಲ್ಲಾಳದೇವ' ನಟ ರಾಣಾ ಬಲಗಣ್ಣಿಗೆ ದೃಷ್ಟಿಯೇ ಇಲ್ಲ.!

ರಾನಾ ದಗ್ಗುಬಾಟಿ ಅಭಿನಯಿಸಲಿರುವ ಹಾಲಿವುಡ್ ಸಿನಿಮಾ 2018ರಲ್ಲಿ ಸೆಟ್ಟೇರಲಿದೆ. ಸಿನಿಮಾದ ತಾರಾಗಣ ಹಾಗೂ ತಂತ್ರಜ್ಞ ವರ್ಗ ಕುರಿತ ಮಾಹಿತಿ ಸೆಪ್ಟೆಂಬರ್ ತಿಂಗಳಿನಲ್ಲಿ ಹೊರಬೀಳಲಿದೆ.

ಹಾಲಿವುಡ್ ಗೆ ಹಾರುತ್ತಿರುವ ಬಗ್ಗೆ ರಾನಾ ದಗ್ಗುಬಾಟಿ ಸದ್ಯಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ತೆಲುಗಿನ 'ನೇನೇ ರಾಜ ನೇನೇ ಮಂತ್ರಿ' ಚಿತ್ರದ ಪ್ರಚಾರ ಕಾರ್ಯಕ್ರಮಗಳಲ್ಲಿ ರಾನಾ ದಗ್ಗುಬಾಟಿ ಬಿಜಿಯಾಗಿದ್ದಾರೆ.