ಹೊಸ 'ಚಾಟ್ ಶೋ'ಗೆ ಸಾರಥಿಯಾದ ಬಲ್ಲಾಳದೇವ 'ರಾಣಾ'

ಚಾಟ್ ಶೋ ಸಾರಥಿಯಾದ ರಾಣಾ

ರಾಣಾ ದಗ್ಗುಬಾಟಿ ಇದೇ ಮೊದಲ ಬಾರಿಗೆ ಚಾಟ್ ಶೋ ಒಂದರ ಹೋಸ್ಟ್ ಆಗಿದ್ದಾರೆ. ಈ ಶೋ'ಗೆ 'No 1 Yaari' ಎಂದು ಹೆಸರಿಡಲಾಗಿದೆ.

'No 1 Yaari'

ಕನ್ನಡ ಕಿರುತೆರೆಯಲ್ಲಿ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ 'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದ ರೀತಿಯ ಶೋ ತೆಲುಗು ಕಿರುತೆರೆಯ 'No 1 Yaari' ಚಾಟ್ ಶೋ ಆಗಿದೆ.

ಸ್ಟಾರ್ ಸೆಲೆಬ್ರಿಟಿಗಳ ಜೊತೆ ಮಾತುಕತೆ

'No 1 Yaari' ಶೋ ಸಾರಥ್ಯವಹಿಸಿರುವ ರಾಣಾ ದಗ್ಗುಬಾಟಿ ಟಾಲಿವುಡ್ ಸೆಲೆಬ್ರಿಟಿಗಳ ವೈಯಕ್ತಿಕ ಜೀವನ ಮತ್ತು ಸಿನಿ ಜೀವನದ ಕುರಿತು ಪ್ರಶ್ನೆಗಳನ್ನು ಕೇಳುತ್ತಾ ಚಾಟ್ ಶೋ ನಲ್ಲಿ ಮನರಂಜನೆ ನೀಡಲಿದ್ದಾರೆ. 'No 1 Yaari' ಚಾಟ್ ಶೋ ತೆಲುಗಿನಲ್ಲಿ ಜೆಮಿನಿ ಟಿವಿಯಲ್ಲಿ ಪ್ರಸಾರ ಆಗಲಿದೆ. ಈಗಾಗಲೇ ಮೊದಲ ಎಪಿಸೋಡ್ ನಲ್ಲಿ ನಾಗ ಚೈತನ್ಯ ಮತ್ತು ನಟಿ ಸಮಂತ ಕಾಣಿಸಿಕೊಂಡಿದ್ದಾರೆ. ಈ ಎಪಿಸೋಡ್ ಜೂನ್ 26 ರಿಂದ ಪ್ರಸಾರ ಆಗಲಿದೆ ಎಂದು ತಿಳಿದಿದೆ.

ಬಿಗ್‌ಬಾಸ್ ಹೋಸ್ಟ್ ಆಗಿ ಜೂ.ಎನ್‌ಟಿ.ಆರ್

ತೆಲುಗಿನ ಸ್ಟಾರ್ ನಟರಲ್ಲಿ ಟಿವಿ ಕಾರ್ಯಕ್ರಮದ ಹೋಸ್ಟ್ ಆಗಿ ರಾಣಾ ದಗ್ಗುಬಾಟಿ ಕೆಲಸ ಶುರುಮಾಡಿದ್ದಾರೆ. ಸದ್ಯದಲ್ಲೇ ಜೂನಿಯರ್ ಎನ್‌ಟಿಆರ್ ಸಹ ಟಿವಿ ಕಾರ್ಯಕ್ರಮದ ಹೋಸ್ಟ್ ಆಗಿ ಕಾಣಿಸಿಕೊಳ್ಳಲಿದ್ದು, 'ಬಿಗ್ ಬಾಸ್' ಕಾರ್ಯಕ್ರಮ ನಿರೂಪಣೆ ಮಾಡಲಿದ್ದಾರಂತೆ.[ಕನ್ನಡ 'ಬಿಗ್ ಬಾಸ್'ನಲ್ಲಿ ಸುದೀಪ್, ತಮಿಳಿನಲ್ಲಿ ಕಮಲ್, ತೆಲುಗಿನಲ್ಲಿ ಯಾರು?]