ಲೇಟ್ ಆಗಿ ಕೆಜಿಎಫ್ ನೋಡಿದ ರಾಣಾ ಲೇಟೆಸ್ಟ್ ಆಗಿ ಏನಂದ್ರು?

Recommended Video

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಸಿನಿಮಾ ಯಶಸ್ವಿಯಾಗಿ 50ದಿನಗಳನ್ನ ಪೂರೈಸಿ ಮುನ್ನುಗ್ಗುತ್ತಿದೆ. ಕನ್ನಡದ ಜೊತೆ ತಮಿಳು, ತೆಲುಗು, ಹಿಂದಿ ಹಾಗೂ ಮಲಯಾಳಂ ಭಾಷೆಯಲ್ಲಿ ಬಿಡುಗಡೆಯಾಗಿದ್ದ ಈ ಚಿತ್ರವನ್ನ ಎಲ್ಲ ಭಾಷೆಯವರು ಮೆಚ್ಚಿಕೊಂಡಿದ್ದರು.

ಇದೀಗ, ಬಾಹುಬಲಿ ಖ್ಯಾತಿಯ ರಾಣಾ ದಗ್ಗುಬಾಟಿ ಕೆಜಿಎಫ್ ಚಿತ್ರವನ್ನ ನೋಡಿ ಖುಷಿಯಾಗಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ರಾಣಾ ''ಸಿನಿಮಾ ಲೇಟ್ ಆಗಿ ನೋಡಿದೆ, ಆದ್ರೆ ಸಖತ್ ಆಗಿದೆ'' ಎಂದು ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ.

'ನನಗೆ ಗೊತ್ತು ಪಾರ್ಟಿಗೆ ನಾನು ಸ್ವಲ್ಪ ಲೇಟ್ ಮಾಡಿದೆ ಅಂತೆ. ಬಟ್, ಅಂತಿಮವಾಗಿ ಕೆಜಿಎಫ್ ಚಾಪ್ಟರ್ 1 (ಕನ್ನಡ) ನೋಡಿದೆ. ತುಂಬಾ ಕೂಲ್ ಆಗಿತ್ತು. ಯಶ್ ಮತ್ತು ಪ್ರಶಾಂತ್ ಕ್ರಂಗಾಟ್ಸ್. ಧೀರಾ ಧೀರಾ ಹೈ ಸುಲ್ತಾನ ಹಾಡಂತೂ ಸೂಪರ್ ಆಗಿದೆ. ತುಂಬಾ ಇಷ್ಟ ಆಯ್ತು ಈ ಹಾಡು'' ಎಂದು ರಾಣಾ ಟ್ವೀಟ್ ಮಾಡಿದ್ದಾರೆ.

ಅಂದ್ಹಾಗೆ, ರವಿಬಸ್ರೂರು ಈ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದು, ಪ್ರಶಾಂತ್ ನೀಲ್ ನಿರ್ದೇಶನ ಮಾಡಿದ್ದಾರೆ. ಇನ್ನುಳಿದಂತೆ ವಿಜಯ್ ಕಿರಗಂದೂರ್ ನಿರ್ಮಾಣ ಮಾಡಿದ್ದು, ಬಾಕ್ಸ್ ಆಫೀಸ್ ನಲ್ಲಿ 200 ಕೋಟಿ ಗಳಿಸಿದೆಯಂತೆ.