ಅಭಿಮಾನಿಗಳನ್ನ ಬೈದ ವ್ಯಕ್ತಿ ವಿರುದ್ಧ ರಶ್ಮಿಕಾ ಮಂದಣ್ಣ ಸಿಡಿಮಿಡಿ

ಕ್ವೀನ್ ಆಫ್ ಯೂಟ್ಯೂಬ್

ರಶ್ಮಿಕಾ ಮಂದಣ್ಣ ಅವರು ಎರಡು ಕನ್ನಡ ಹಾಡುಗಳು 50 ಮಿಲಿಯನ್ ಕಂಡಿದೆ. ಕನ್ನಡ ನಟಿಯೊಬ್ಬರ ಎರಡು ಹಾಡು 50 ಮಿಲಿಯನ್ ವೀಕ್ಷಣೆ ಕಂಡಿರುವ ಹೆಗ್ಗಳಿಕೆಗೆ ರಶ್ಮಿಕಾ ಪಾತ್ರವಾಗಿದ್ದಾರೆ. ಜೊತೆಗೆ ರಶ್ಮಿಕಾ ಅವರ ಎರಡು ತೆಲುಗು ಹಾಡು 100 ಮಿಲಿಯನ್ ಕಂಡಿದೆ. ಹಾಗಾಗಿ, ರಶ್ಮಿಕಾ ಯೂಟ್ಯೂಬ್ ನ ರಾಣಿ ಎಂದು ಪೋಸ್ಟ್ ಮಾಡಿದ್ದರು.

ಕಾಲೆಳೆದ ಆ ವ್ಯಕ್ತಿ

ರಶ್ಮಿಕಾ ಮಂದಣ್ಣ ಕರ್ನಾಟಕ ಫ್ಯಾನ್ಸ್ ಕ್ಲಬ್ ಹಾಕಿದ್ದ ಈ ಪೋಸ್ಟ್ ಗೆ ವ್ಯಕ್ತಿಯೊಬ್ಬ ಕಾಮೆಂಟ್ ಮಾಡಿದ್ದು, ''ಹಲೋ ಬಾಸ್, ಆಕೆ ನಿಮ್ಮ ಫ್ಯಾನ್ಸ್ ಪೇಜ್ ಗೆ ಮಾತ್ರ ಕ್ವೀನ್, ಹೊರಗಡೆ ಯಾರೂ ಕೇರ್ ಮಾಡಲ್ಲ. ಯೂಟ್ಯೂಬ್ ಅವರೇ ಇದನ್ನ ನೋಡಿದ್ರೆ ನಗ್ತಾರೆ, ಹೋಗಿ ಏನಾದರೂ ಕೆಲಸ ಮಾಡಿ, ಯಾಕೆ ಸುಮ್ಮನೆ ಟೈಂ ವೇಸ್ಟ್ ಮಾಡ್ತಿದ್ದೀರಾ'' ಎಂದಿದ್ದಾನೆ.

ಎಲ್ಲದಕ್ಕೂ ಲಿಮಿಟ್ ಇದೆ

ಈ ಮೆಸೆಜ್ ನೋಡಿ ಕಾಮೆಂಟ್ ಮಾಡಿದ ರಶ್ಮಿಕಾ ''ಎಲ್ಲದಕ್ಕೂ ಲಿಮಿಟ್ ಇದೆ. ಕಾಮೆಂಟ್ ಮಾಡುವುದು ನಿಮ್ಮ ಹಕ್ಕು. ನನ್ನ ಮೇಲೆ ಕಾಮೆಂಟ್ ಮಾಡಿ, ಅಭಿಮಾನಿಗಳ ಬಗ್ಗೆ ಕಾಮೆಂಟ್ ಮಾಡೋ ಹಕ್ಕು ನಿಮಗಿಲ್ಲ. ಇದು ಕೇವಲ ಆ ವ್ಯಕ್ತಿಗೆ ಮಾತ್ರವಲ್ಲ, ನನ್ನ ಅಭಿಮಾನಿಗಳ ಬಗ್ಗೆ ಯಾರಾದರೂ ನೆಗಿಟೀವ್ ಕಾಮೆಂಟ್ ಮಾಡೋರಿಗೆ ಇದು ಅನ್ವಯ'' ಎಂದು ಕ್ಲಾಸ್ ತೆಗೆದುಕೊಂಡಿದ್ದಾರೆ.

ಸುಮ್ಮನೆ ಸಮಯ ವ್ಯರ್ಥ ಮಾಡಬೇಡಿ

ನಮ್ಮ ಕೆಲಸ ನಿಮಗೆ ಇಷ್ಟವಾಗಿಲ್ಲ ಅಂದ್ರೆ ನಿಮ್ಮ ಪ್ರತಿಕ್ರಿಯೆಯೂ ನಮಗೆ ಬೇಕಾಗಿಲ್ಲ. ಸುಮ್ಮನೇ ನಿಮ್ಮ ಮತ್ತು ನಮ್ಮ ಸಮಯವನ್ನ ವ್ಯರ್ಥ ಮಾಡಬೇಡಿ'' ಎಂದು ಆ ವ್ಯಕ್ತಿಯ ಮುಖಕ್ಕೆ ಮಂಗಳಾರತಿ ಮಾಡಿದ್ದಾರೆ.

100, 50 ಮಿಲಿಯನ್ ಕಂಡ ಹಾಡುಗಳು

ಇನ್ನು ರಶ್ಮಿಕಾ ಅವರ ಫ್ಯಾನ್ಸ್ ಕ್ಲಬ್ ಪೋಸ್ಟ್ ಮಾಡಿದಾಗೆ ರಶ್ಮಿಕಾ ಅವರ ಹಾಡುಗಳು 50 ಮತ್ತು 100 ಮಿಲಿಯನ್ ಕ್ರಾಸ್ ಆಗಿದ್ಯಾ ಎಂದು ಚೆಕ್ ಮಾಡಿದಾಗ ಅದು ನಿಜವಾಗಿತ್ತು. ಕಿರಿಕ್ ಪಾರ್ಟಿ ಚಿತ್ರದ 'ಬೆಳಗೆದ್ದು' ಹಾಡು ಹಾಗೂ ಅಂಜನಿಪುತ್ರ ಚಿತ್ರದ 'ಚೆಂದ ಚೆಂದ ನನ್ನ ಹೆಂಡ್ತಿ' ಹಾಡುಗಳು 50 ಮಿಲಿಯನ್ ದಾಟಿದೆ. ತೆಲುಗಿನ ಗೀತಾ ಗೋವಿಂದಂ ಚಿತ್ರದ 'ಇಂಕೇಮ್ ಇಂಕೇಮ್ ಕಾವಲಿ' ಹಾಗೂ ಚಲೋ ಚಿತ್ರದ 'ಚೂಸಿ ಚೂಡಾಂಗನೆ' ಹಾಡು 100 ಮಿಲಿಯನ್ ವೀಕ್ಷಣೆ ಕಂಡಿದೆ.