For Quick Alerts
    ALLOW NOTIFICATIONS  
    For Daily Alerts

    ಚಿತ್ರರಂಗದಲ್ಲಿ 6 ವರ್ಷ ಪೂರೈಸಿದ ರಶ್ಮಿಕಾ: 'ಕಿರಿಕ್ ಪಾರ್ಟಿ' ಸಿನಿಮಾ ಮರೆತ್ರಾ?

    |

    ನಟಿ ರಶ್ಮಿಕಾ ಮಂದಣ್ಣ ಚಿತ್ರರಂಗದಲ್ಲಿ 6 ವರ್ಷ ಪೂರೈಸಿದ್ದಾರೆ. ಕೊಡಗಿನ ಬೆಡಗಿ ನಟನೆಯ ಮೊದಲ ಸಿನಿಮಾ 'ಕಿರಿಕ್ ಪಾರ್ಟಿ' ರಿಲೀಸ್ ಆಗಿ 6 ವರ್ಷ ಕಳೆದಿದೆ. ಈ ಬಗ್ಗೆ ಕಿರಿಕ್ ಬೆಡಗಿ ಸೋಶಿಯಲ್ ಮೀಡಿಯಾದಲ್ಲಿ ಸಂತಸ ಹಂಚಿಕೊಂಡಿದ್ದಾರೆ. ಅಭಿಮಾನಿಗಳು ಅಭಿನಂದನೆ ತಿಳಿಸುತ್ತಿದ್ದಾರೆ.

    2016ರಲ್ಲಿ ರಿಷಬ್ ಶೆಟ್ಟಿ ನಿರ್ದೇಶನದ 'ಕಿರಿಕ್ ಪಾರ್ಟಿ' ಚಿತ್ರದಲ್ಲಿ ರಶ್ಮಿಕಾ ಬಣ್ಣ ಹಚ್ಚಿದ್ದಾರೆ. ಆ ಚಿತ್ರದಲ್ಲಿ ಸಾನ್ವಿ ಆಗಿ ಪ್ರೇಕ್ಷಕರ ಗಮನ ಸೆಳೆದಿದ್ದರು. ರಕ್ಷಿತ್ ಶೆಟ್ಟಿ ಜೋಡಿಯಾಗಿ ಕೇವಲ ಅರ್ಧ ಸಿನಿಮಾ ಮಾತ್ರ ಕಾಣಿಸಿಕೊಂಡಿದ್ದ ಚೆಲುವೆ ಸಿನಿರಸಿಕರಿಗೆ ಮೋಡಿ ಮಾಡಿದ್ದರು. ನಂತರ ಪುನೀತ್ ರಾಜ್‌ಕುಮಾರ್ ಜೊತೆ 'ಅಂಜನಿಪುತ್ರ' ಚಿತ್ರದಲ್ಲಿ ಅವಕಾಶ ಗಿಟ್ಟಿಸಿದ್ದರು. ಮರುವರ್ಷವೇ 'ಚಲೋ' ಸಿನಿಮಾ ಮೂಲಕ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟರು. ಅದೇ ವರ್ಷ ಬಂದ 'ಗೀತಾ ಗೋವಿಂದಂ' ತೆಲುಗು ಸಿನಿಮಾದಿಂದ ರೋಶ್ ಅದೃಷ್ಟ ಖುಲಾಯಿಸಿತ್ತು.

    ವಿಜಯ್ ದೇವರಕೊಂಡ ಜೊತೆ ನಟಿಸಿದ 'ಗೀತಾ ಗೋವಿಂದಂ' ಸಿನಿಮಾ ಸೂಪರ್ ಹಿಟ್ ನಂತರ ಸಾಲು ಸಾಲು ಅವಕಾಶಗಳು ಸಿಕ್ತು. ರಶ್ಮಿಕಾ ಏಕ್‌ದಮ್ ಬಾಲಿವುಡ್‌ಗೂ ಎಂಟ್ರಿ ಕೊಟ್ಟರು. ನ್ಯಾಷನಲ್ ಕ್ರಶ್ ಪಟ್ಟಕ್ಕೇರಿದ್ದರು. ಬಿಗ್‌ ಬಿ ಅಮಿತಾಬ್ ಬಚ್ಚನ್ ಮಗಳ ಪಾತ್ರದಲ್ಲಿ ನಟಿಸಿದರು. ಇತ್ತ ಸೌತ್‌ನಲ್ಲಿ ದಳಪತಿ ವಿಜಯ್, ಅಲ್ಲು ಅರ್ಜುನ್‌ರಂತಹ ನಟರ ಜೊತೆ ಸ್ಕ್ರೀನ್ ಶೇರ್ ಮಾಡಿಕೊಂಡು ಸಕ್ಸಸ್ ಕಂಡರು. 'ವಾರೀಸು' ಸಿನಿಮಾ ರಿಲೀಸ್‌ಗೆ ರೆಡಿಯಾಗಿದೆ. ಬಾಲಿವುಡ್‌ನಲ್ಲಿ 'ಅನಿಮಲ್', ತೆಲುಗಿನಲ್ಲಿ 'ಪುಷ್ಪ'-2 ಚಿತ್ರೀಕರಣ ನಡೀತಿದೆ. ಮತ್ತಷ್ಟಯ ಅವಕಾಶಗಳು ಅರಸಿ ಬರ್ತಿದೆ.

    rashmika-mandanna-completes-6-years-in-the-film-industry-thanks-fans-for-love-and-support

    ರಶ್ಮಿಕಾ ಮಂದಣ್ಣ ತಮ್ಮ ಹೇಳಿಕೆಗಳಿಂದ ಸಾಕಷ್ಟು ಬಾರಿ ಸಂಕಷ್ಟ ಎದುರಿಸಿದ್ದಾರೆ. ಸಿಕ್ಕಾಪಟ್ಟೆ ಟ್ರೋಲ್ ಕೂಡ ಆಗಿದ್ದರು. ಸದ್ಯ ಚಿತ್ರರಂಗದಲ್ಲಿ 6 ವರ್ಷ ಪೂರೈಸಿದ್ದಾರೆ. ಈ ಸಂತಸವನ್ನು ಹಂಚಿಕೊಂಡಿದ್ದಾರೆ. ಆದರೆ ಮೊದಲಿಗೆ ನಟಿಸಿದ 'ಕಿರಿಕ್ ಪಾರ್ಟಿ' ಸಿನಿಮಾ ಬಗ್ಗೆ ಮಾತನಾಡಿಲ್ಲ. ಆಕೆಯ ಪೋಸ್ಟ್‌ನಲ್ಲಿ ಅದು ಕಾಣಿಸುತ್ತಿಲ್ಲ. ಇತ್ತೀಚೆಗೆ 'ಅಂಜನಿಪುತ್ರ' ಸಿನಿಮಾ 5 ವರ್ಷ ಪೂರೈಸಿದಾಗ ಸಿನಿಮಾ ಬಗ್ಗೆ ಮಾತನಾಡಿದ್ದರು. ಅಪ್ಪು ಬಗ್ಗೆ ಟ್ವೀಟ್ ಮಾಡಿದ್ದರು. ಆದರೆ ಈಗ ಮಾತ್ರ ತಾನು ಚಿತ್ರರಂಗದಲ್ಲಿ 6 ವರ್ಷ ಪೂರೈಸಿದ್ದೇನೆ ಅಂತ ಮಾತ್ರ ಬರೆದುಕೊಂಡಿರುವುದು ಕೆಲವರ ಬೇಸರಕ್ಕೆ ಕಾರಣವಾಗಿದೆ.

    ಕೆಲ ದಿನಗಳ ಹಿಂದೆ ಸಂದರ್ಶನದಲ್ಲಿ 'ಪರಂವ ಸ್ಟುಡಿಯೋ' ಹೆಸರು ಹೇಳಲು ರಶ್ಮಿಕಾ ಇದೇ ರೀತಿ ಹಿಂದೇಟು ಹಾಕಿದ್ದರು. ಇದಕ್ಕೆ ಸಾಕಷ್ಟು ಅಸಮಾಧಾನ ವ್ಯಕ್ತವಾಗಿತ್ತು. ರಶ್ಮಿಕಾಗೆ ಅವ್ರದ್ದೇ ಸ್ಟೈಲ್‌ನಲ್ಲಿ ರಿಷಬ್ ಶೆಟ್ಟಿ ಸರಿಯಾಗಿ ತಿರುಗೇಟು ನೀಡಿದ್ದರು. ಒಟ್ನಲ್ಲಿ ರಶ್ಮಿಕಾ ಚಿತ್ರರಂಗದಲ್ಲಿ 6 ವರ್ಷ ಪೂರೈಸಿರುವುದಕ್ಕೆ ಅಭಿನಂದನೆ ವ್ಯಕ್ತವಾಗ್ತಿದೆ. Six Beautiful Years Of Rashmika ಎನ್ನುವ ಹ್ಯಾಷ್‌ಟ್ಯಾಗ್ ಟ್ರೆಂಡಿಂಗ್‌ನಲ್ಲಿದೆ.

    English summary
    Rashmika Mandanna completes 6 years in the film industry, thanks fans for love and support. Actress tweeted: I love it. I Love You. Thankyou. More than anything else I am grateful to have all of you in my life. thankyou again.. #6GoldenYearsOfRashmika. know more.
    Saturday, December 31, 2022, 7:19
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X