ರಶ್ಮಿಕಾ ಮಂದಣ್ಣ ನಡೆಗೆ ಭಾರಿ ವಿರೋಧ: ನಟಿ ಮಾಡಿದ್ದೇನು ಗೊತ್ತಾ?

ಕರಣ್ ಜೋಹರ್ ಮನೆ ಮುಂದೆ ನಡೆದಿದ್ದು ಏನು?

ನಟಿ ರಶ್ಮಿಕಾ ಮಂದಣ್ಣ ಇತ್ತೀಚೆಗೆ ಮುಂಬೈಗೆ ತೆರಳಿದ್ದಾರೆ. ಅಲ್ಲಿ ಖ್ಯಾತ ನಿರ್ಮಾಪಕ ಕರಣ್ ಜೋಹರ್ ಅವರನ್ನು ಭೇಟಿ ಮಾಡಿದ್ದಾರೆ. ಕರಣ್ ಭೇಟಿ ಮಾಡಿ ವಾಪಸ್ ಬರುವ ವೇಳೆ ಒಂದಷ್ಟು ಮಕ್ಕಳು‌ ರಶ್ಮಿಕಾಳನ್ನು ನೋಡಲು ಕಾಯುತ್ತಾ ನಿಂತಿರುವುದು ಕಂಡುಬಂತು.‌ ಆದರೆ ರಶ್ಮಿಕಾ ಅವರನ್ನು ಪಕ್ಕಕ್ಕೆ ತಳ್ಳಿ ಕಾರು ಹತ್ತುತ್ತಾರೆ.

ಊಟ ಬೇಕು ಎಂದು ಕೇಳಿದ ಮಕ್ಕಳು?

ನಟಿ ರಶ್ಮಿಕಾ ಅವರು ಬಂದ ಕೂಡಲೇ, ಆ ಮಕ್ಕಳು ಊಟ ಬೇಕು ಎಂದು ‌ಕೇಳುತ್ತಾರೆ. ಆದರೆ ನ್ಯಾಷನಲ್ ಕ್ರಶ್ ಒಂದು ಗಳಿಗೆಯೂ ಆ ಜಾಗದಲ್ಲಿ ನಿಲ್ಲುವುದಿಲ್ಲ.‌‌ ಆ ಮಕ್ಕಳನ್ನು ಬದಿಗೊತ್ತಿ ಕಾರು ಹತ್ತುತ್ತಾರೆ. ಈ ವಿಡಿಯೋ ಎಲ್ಲೆಡೆ ಸಿಕ್ಕಾಪಟ್ಟೆ ವೈರಲ್ ಆಗಿದೆ.‌ ರಶ್ಮಿಕಾ ‌ಹೀಗೆ ಮಾಡಿದ್ದು ಎಷ್ಟು ಸರಿ ಎನ್ನುವ ಚರ್ಚೆಗಳು ಸಾಮಾಜಿಕ ಜಾಲಣದಲ್ಲಿ ಹುಟ್ಟಿಕೊಂಡಿವೆ.

ರಶ್ಮಿಕಾ ಜಾಗದಲ್ಲಿ ಸುಶಾಂತ್ ಇರಬೇಕಿತ್ತು ಎಂದ ಜನ!

ರಶ್ಮಿಕಾಳ ಈ ನಡೆ‌ ಖಂಡಿಸಿದ ಜ‌ನ, ಆ ಜಾಗದಲ್ಲಿ ಸುಶಾಂತ್ ಸಿಂಗ್ ಇರಬೇಕಿತ್ತು. ಮಕ್ಕಳನ್ನು ನೋಡುವ ರೀತಿಯೇ ಬೇರೆ ಆಗುತ್ತಿತ್ತು. ಸುಶಾಂತ್ ಉತ್ತಮ ಮನಸ್ಸು ಉಳ್ಳ ವ್ಯಕ್ತಿ ಎನ್ನುವ ಕಾಮೆಂಟ್ ಗಳು ಬಂದಿವೆ. ಆದರೆ ಇವರೆಲ್ಲಾ ಒಂದು ಸಿನಿಮಾ ಹಿಟ್ ಆದರೇ ಸಾಕು, ಜಂಭ ತೋರಿಸುತ್ತಾರೆ ಎನ್ನುವ ಕಾಮೆಂಟ್‌ಗಳು ರಶ್ಮಿಕಾ ನಡೆಗೆ ವ್ಯಕ್ತ ಆಗಿವೆ. ಈ ಮೂಲಕ ರಶ್ಮಿಕಾಳನ್ನು ಟ್ರೋಲ್ ಮಾಡಲಾಗುತ್ತಿದೆ.

ತುಂಡುಡುಗೆ ಧರಿಸಿ ಟ್ರೋಲ್ ಆಗಿದ್ದ ನಟಿ!

ಇತ್ತೀಚೆಗೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿರುವ ರಶ್ಮಿಕಾ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು. ಅವರು ಟಿ-ಶರ್ಟ್ ಹಾಗೂ ಶಾರ್ಟ್ಸ್ ಹಾಕಿರುವ ವಿಡಿಯೋ ಅದು. ಈ ವಿಡಿಯೋಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಈ ವಿಡಿಯೊ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಕೆಲವರು ರಶ್ಮಿಕಾ ನಿಮ್ಮ ಪ್ಯಾಂಟ್ ಎಲ್ಲಿ ಎಂದು ಕೂಡ ಪ್ರಶ್ನಿಸಿದ್ದರು.