ಕಿರಿಕ್ ಬೆಡಗಿಯ ವಿರುದ್ಧ ರೊಚ್ಚಿಗೆದ್ದ ನೆಟ್ಟಿಗರಿಗೆ ವ್ಯಂಗ್ಯ ಮಾಡಿದ ರಶ್ಮಿಕಾ ತಾಯಿ

ಕನ್ನಡ ಹುಡುಗನಿಗೆ ಮೋಸ ಮಾಡಿದ್ದೀರಾ

"ರಶ್ಮಿಕಾಳನ್ನು ಹಾಡಿಹೊಗಳಿದ ತಾಯಿ ಸುಮನಾ ಮಂದಣ್ಣ ವಿರುದ್ದ ನೆಟ್ಟಿಗರು ರೊಚ್ಚಿಗೆದಿದ್ದಾರೆ. ನಿಮ್ಮ ಮಗಳಿಗೆ ಮೊದಲು ಕನ್ನಡ ಕಲಿಸಿ. ಓದಿದ್ದು ಬೆಳೆದಿದ್ದು ಎಲ್ಲಾ ಕರ್ನಾಟಕದಲ್ಲಿ. ತಮಿಳಿಗೆ ಹೋಗಿ ಕನ್ನಡ ಗೊತ್ತಿಲ್ಲ ಅಂತ ಡವ್ ಮಾಡೋದು, ಕನ್ನಡ ಹುಡುಗನಿಗೆ ಮೋಸ ಮಾಡಿದ್ದೀರಾ. ನಿಮ್ಮನ್ನು ದೇವರು ಯಾವತ್ತು ಕ್ಷಮಿಸಲ್ಲ" ನೆಟ್ಟಿಗರೊಬ್ಬರು ಕಮೆಂಟ್ ಮಾಡಿದ್ದಾರೆ.

ಅವಳ ಮೂತಿನ ಜಗತ್ತಿಗೆ ತೋರಿಸಿದ್ದು ಕನ್ನಡ

"ಮೇಡಮ್ ನಿಮ್ಮ ಮಗಳಿಗೆ ಮೊದಲು ಕನ್ನಡ ಕಲಿಸಮ್ಮ. ಎಲ್ಲೋ ಮೂಲೇಲಿ ಡಿಗ್ರಿ ಮಾಡಿಕೊಂಡು ಇದ್ದವಳನ್ನು ಮೇಲಕ್ಕೆ ತಂದಿದ್ದು ನಮ್ಮ ಕನ್ನಡ. ಅವಳ ಮೂತಿನ ಜಗತ್ತಿಗೆ ತೋರಿಸಿದ್ದು ನಮ್ಮ ಕನ್ನಡ. ಅಂತಹ ಕನ್ನಡವೆ ಬರಲ್ಲ ಅಂತಾಳೆ, ನಾಚಿಕೆ ಆಗಬೇಕು.

ನೆಟ್ಟಿಗರಿಗೆ ವ್ಯಂಗ್ಯಮಾಡಿದ ರಶ್ಮಿಕಾ ತಾಯಿ

"ನೀವು ತುಂಬಾ ಬುದ್ದಿವಂತರು, ಉಪಯೋಗ ಆಗುವಂತಹದನ್ನು ಏನಾದ್ರು ಮಾಡಿ" ನೆಟ್ಟಿಗನ ಮಾತಿಗೆ ಸುಮನ ಮಂದಣ್ಣ ತಿರುಗೇಟು ನೀಡಿದ್ದಾರೆ. ಇನ್ನೋರ್ವನ ಮಾತಿಗೆ ಪ್ರತಿಕ್ರಿಯಿಸಿರುವ ಸಮನಾ "ನಿಮ್ಮಂತಹ ಸಾಧಕರ ಆಶೀರ್ವಾದ ಬೇಕು" ಎಂದು ಕಾಲೆಳೆಯುತ್ತಿದ್ದ ನೆಟ್ಟಿಗರನ್ನು ಅಣಕಿಸಿದ್ದಾರೆ.

ಸಂದರ್ಶನದಲ್ಲಿ ರಶ್ಮಿಕಾ ಮಾತು

ರಶ್ಮಿಕಾ ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಸಂದರ್ಶಕ "ಕನ್ನಡ ತುಂಬ ಸುಲಭ ಅಲ್ಲವಾ ನಿಮಗೆ" ಎಂದು ಕೇಳಿದಕ್ಕೆ ರಶ್ಮಿಕಾ "ಕನ್ನಡ ತುಂಬ ಕಷ್ಟ, ಮಾತನಾಡಲು ಸರಿಯಾಗಿ ಬರಲ್ಲ" ಎಂದು ಹೇಳಿದ್ದರು. "ಕನ್ನಡ ಮಾತ್ರವಲ್ಲ ಯಾವ ಭಾಷೆಯನ್ನು ಸರಿಯಾಗಿ ಮಾತನಾಡಲು ಬರಲ್ಲ" ಎಂದು ತಮಿಳಿನಲ್ಲಿ ಹೇಳಿದ್ದರು. ವರ್ಷದಲ್ಲೆ ತೆಲುಗು ಮತ್ತು ತಮಿಳು ಮಾತನಾಡಲು ಕಲಿತ ರಶ್ಮಿಕಾ ಕರ್ನಾಟಕದಲ್ಲೆ ಹುಟ್ಟಿಬೆಳೆದರು ಕನ್ನಡ ಬರಲ್ವಾ ಎಂದು ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.