'ಪೊಗರು' ಆದ್ಮೇಲೆ ರಶ್ಮಿಕಾ ಮಂದಣ್ಣ ಮತ್ತೊಂದು ಕನ್ನಡ ಚಿತ್ರ!

ಹೊಸ ಚಿತ್ರದ ತಯಾರಿ?

ಪೊಗರು ಸಿನಿಮಾ ಸೆಟ್ಟೇರಿ ಸುಮಾರು 2 ವರ್ಷ ಆಗಿದೆ. ಯಜಮಾನ ಸಿನಿಮಾ ಆರಂಭವಾಗಿ ಒಂದು ವರ್ಷಕ್ಕಿಂತ ಹೆಚ್ಚು ಸಮಯ ಆಗಿದೆ. ಅದು ಬಿಡುಗಡೆಯೂ ಆಯ್ತು. ಈ ಎರಡು ಚಿತ್ರಗಳ ಬಳಿಕ ರಶ್ಮಿಕಾ ಯಾವ ಕನ್ನಡ ಚಿತ್ರದಲ್ಲೂ ನಟಿಸುತ್ತಿಲ್ಲ, ಮಾತುಕತೆಯೂ ಆಗಿರುವ ಸುಳಿವು ಇಲ್ಲ. ಕನ್ನಡ ಸಿನಿಮಾ ಮಾಡ್ತಾರಾ? ಇಲ್ವಾ ಎಂಬ ಕುತೂಹಲಕ್ಕೆ ರಶ್ಮಿಕಾ ಉತ್ತರಿಸಿದ್ದಾರೆ. ''ಕನ್ನಡ ಸಿನಿಮಾ ಇದೆ, ಆದರೆ ನಾನು ಹೇಳಲ್ಲ...ನಾನು ಸ್ವಲ್ಪ ಸೀಕ್ರೆಟ್'' ಎಂದು ಹೇಳಿದ್ದಾರೆ.

ಇಷ್ಟು ಲೇಟ್ ಆಗಲು ಕಾರಣವೇನು?

2016ರಲ್ಲಿ ಕಿರಿಕ್ ಪಾರ್ಟಿ, 2017ರಲ್ಲಿ ಅಂಜನಿಪುತ್ರ ಮತ್ತು ಚಮಕ್ ಸಿನಿಮಾ 2018ರಲ್ಲಿ ಕನ್ನಡ ಸಿನಿಮಾ ಇಲ್ಲ, 2019ರಲ್ಲಿ ಯಜಮಾನ. ಸ್ಟಾರ್ ನಟಿಯಾಗಿದ್ದರೂ ಸಿಕ್ಕಾಪಟ್ಟೆ ಬೇಡಿಕೆ ಇದ್ದರೂ ವರ್ಷಕ್ಕೆ ಒಂದರಂತೆ ಕೂಡ ಸಿನಿಮಾ ಮಾಡಿಲ್ಲ. ಯಾಕೆ ಎಂದು ನೋಡಿದಾಗ ಆ ಕಡೆ ತೆಲುಗಿನಲ್ಲಿ ಹೆಚ್ಚು ಬ್ಯುಸಿ ಇದ್ದಾರೆ ಎಂಬ ಕಾರಣ ಸಿಗುತ್ತೆ.

ಮಹೇಶ್ ಬಾಬು, ಅಲ್ಲು ಅರ್ಜುನ್ ಆಯ್ತು: ರಶ್ಮಿಕಾ ಮುಂದಿನ ಹೀರೋ ಈ 'ಬಿಗ್' ಸ್ಟಾರ್.!

ಸಂಭಾವನೆ ವಿಚಾರದಿಂದ ಕನ್ನಡ ಸಿನಿಮಾ ಆಗ್ತಿಲ್ವಾ?

ತೆಲುಗಿನಲ್ಲಿ ಹಿಟ್ ಚಿತ್ರಗಳನ್ನು ನೀಡಿದ ಬಳಿಕ ರಶ್ಮಿಕಾ ಮಂದಣ್ಣ ಅವರ ಸಂಭಾವನೆ ಹೆಚ್ಚಾಗಿದೆ ಎಂಬ ಮಾತಿದೆ. ಲಕ್ಷದಿಂದ ಕೋಟಿವರೆಗೂ ಸಂಭಾವನೆ ಏರಿಕೆಯಾಗಿದ್ದು ಕನ್ನಡ ನಿರ್ಮಾಪಕರಿಗೆ ಇದು ದುಬಾರಿಯಾಗಿದೆ. ಹಾಗಾಗಿ, ಕನ್ನಡ ಸಿನಿಮಾಗೆ ರಶ್ಮಿಕಾ ಅವರನ್ನು ಕರೆತರಲು ಕಷ್ಟವಾಗುತ್ತಿದೆ ಎನ್ನಲಾಗಿದೆ.

ಜೇಮ್ಸ್ ಚಿತ್ರಕ್ಕೆ ಅವಕಾಶ ಸಿಗುತ್ತಾ?

ಬಹುದ್ದೂರ್ ಖ್ಯಾತಿಯ ಚೇತನ್ ಕುಮಾರ್ ನಿರ್ದೇಶನ ಮಾಡುತ್ತಿರುವ ಜೇಮ್ಸ್ ಚಿತ್ರಕ್ಕಾಗಿ ನಾಯಕಿಯ ಹುಡುಕಾಟ ನಡೆಯುತ್ತಿದೆ. ಪುನೀತ್ ರಾಜ್ ಕುಮಾರ್ ನಾಯಕರಾಗಿರುವ ಈ ಚಿತ್ರಕ್ಕಾಗಿ ಪೂಜಾ ಹೆಗ್ಡೆ, ರಶ್ಮಿಕಾ ಮಂದಣ್ಣ, ನಿಧಿ ಅಗರ್ ವಾಲ್, ಶ್ರೀಲೀಲಾ ಅವರ ಜೊತೆ ಮಾತುಕತೆಗೆ ಮುಂದಾಗಿದೆಯಂತೆ ಚಿತ್ರತಂಡ. ಬಹುಶಃ ಈ ಚಿತ್ರಕ್ಕೆ ರಶ್ಮಿಕಾ ನಾಯಕಿ ಆದರೂ ಅಚ್ಚರಿ ಇಲ್ಲ.