ಮತ್ತೆ ಲಿಪ್ ಲಾಕ್: ಸಂಚಲನ ಸೃಷ್ಟಿಸಿದ ರಶ್ಮಿಕಾ-ವಿಜಯ್ 'ಡಿಯರ್ ಕಾಮ್ರೇಡ್'

ಮತ್ತೊಂದು ಕಿಸ್ಸಿಂಗ್ ದೃಶ್ಯ

ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಅಭಿನಯದ ಬಹುಭಾಷೆಯ ಚಿತ್ರ 'ಡಿಯರ್ ಕಾಮ್ರೇಡ್' ಟೀಸರ್ ರಿಲೀಸ್ ಆಗಿದ್ದು, ಇವರಿಬ್ಬರ ಕೆಮಿಸ್ಟ್ರಿ ನೋಡಿ ಚಿತ್ರ ಪ್ರೇಮಿಗಳು ಥ್ರಿಲ್ ಆಗಿದ್ದಾರೆ. ಈ ಟೀಸರ್ ನಲ್ಲೊಂದು ಕಿಸ್ಸಿಂಗ್ ದೃಶ್ಯವಿದ್ದು ಈ ಜೋಡಿ ಮತ್ತೆ ಸಂಚಲನ ಸೃಷ್ಟಿಸಿದೆ.

ರೋಮ್ಯಾಂಟಿಕ್ ದೃಶ್ಯ ಹೆಚ್ಚಿರಬಹುದು

ಟೀಸರ್ ನಲ್ಲಿರುವ ಈ ಒಂದು ಸೀನ್ ನೋಡಿಯೇ ಥ್ರಿಲ್ ಆಗಿರುವ ಅಭಿಮಾನಿಗಳು, 'ಡಿಯರ್ ಕಾಮ್ರೇಡ್' ಚಿತ್ರದಲ್ಲಿ ಇಂತಹ ಸೀನ್ ಗಳು ಹೆಚ್ಚಿರಬಹುದು ಎಂಬ ಲೆಕ್ಕಾಚಾರ ಹಾಕ್ತಿದ್ದಾರೆ. ಮೊನ್ನೆಯಷ್ಟೇ ವಿಜಯ್ ಅವರನ್ನ ರಶ್ಮಿಕಾ ತಬ್ಬಿಕೊಂಡಿದ್ದ ಪೋಸ್ಟರ್ ಕೂಡ ಸಖತ್ ಬೋಲ್ಡ್ ಆಗಿತ್ತು.

ಇಬ್ಬರಿಗೆ ಸಿಕ್ತು ರೆಡ್ ಕಾರ್ಪೆಟ್ ಸ್ವಾಗತ

'ಗೀತಾ ಗೋವಿಂದಂ' ಅಂತಹ ಸೂಪರ್ ಹಿಟ್ ಚಿತ್ರದ ನಂತರ ಮತ್ತೆ ಬರ್ತಿರುವ ಈ ಜೋಡಿಗೆ ಅಭಿಮಾನಿಗಳಿಗೆ ರೆಡ್ ಕಾರ್ಪೆಟ್ ಸ್ವಾಗತ ಸಿಕ್ಕಿದೆ. ಟೀಸರ್ ನೋಡಿ ಫ್ಯಾನ್ಸ್ ಫುಲ್ ಖುಷ್ ಆಗಿದ್ದು, ಡಿಯರ್ ಕಾಮ್ರೇಡ್ ಕೂಡ ದೊಡ್ಡ ಹಿಟ್ ಆಗುತ್ತೆ ಎಂಬ ಮಾತುಗಳನ್ನಾಡುತ್ತಿದ್ದಾರೆ.

ಕನ್ನಡಕ್ಕೂ ಎಂಟ್ರಿ ಕೊಟ್ಟ ವಿಜಯ್

ಅಂದ್ಹಾಗೆ, ಡಿಯರ್ ಕಾಮ್ರೇಡ್ ಸಿನಿಮಾ ತೆಲುಗು, ತಮಿಳು, ಮಲಯಾಳಂ ಮತ್ತು ಕನ್ನಡದಲ್ಲಿ ಬಿಡುಗಡೆಯಾಗುತ್ತಿದೆ. ಈ ಮೂಲಕ ಸ್ಯಾಂಡಲ್ ವುಡ್ ಇಂಡಸ್ಟ್ರಿಗೆ ವಿಜಯ್ ದೇವರಕೊಂಡ ಅಧಿಕೃತವಾಗಿ ಎಂಟ್ರಿ ಕೊಟ್ಟಂತಾಗಿದೆ. ಮೂಲತಃ ತೆಲುಗಿನಲ್ಲಿ ತಯಾರಾಗುತ್ತಿರುವ ಈ ಚಿತ್ರವನ್ನ ಕನ್ನಡದಲ್ಲೂ ಡಬ್ ಮಾಡಿ ತೆರೆಗೆ ತರಲಿದ್ದಾರೆ.