ಇಷ್ಟು ದಿನ ಪುನೀತ್ ರಾಜ್‌ಕುಮಾರ್‌ ಮೇಲೆ ತಾತ್ಸಾರ ತೋರಿದ್ದ ರಶ್ಮಿಕಾ:ಈಗ ಫೊಟೋ ಶೇರ್ ಮಾಡಿ ತೇಪೆಹಚ್ಚಲು ಪ್ರಯತ್ನ!

ಪುನೀತ್ ವಿಚಾರದಲ್ಲಿ ರಶ್ಮಿಕಾ ಈಗ ಮಾಡಿರೋದು ಏನು?

ರಶ್ಮಿಕಾ ಮಂದಣ್ಣ ಯೋಚನೆಗಳು, ಮಾಡುವ ಕೆಲಸಗಳು ಯಾವ ಮನಸ್ಥಿತಿಯ ಮೇಲೆ ಅಡಗಿರುತ್ತೆ ಅಂತ ಗೊತ್ತಾಗೊದು ಸ್ವಲ್ಪ ಕಷ್ಟನೇ ಸರಿ. ಯಾಕೆಂದರೆ ಈಗ ರಶ್ಮಿಕಾ ಮಂದಣ್ಣ ಮಾಡಿರೋದನ್ನು ನೋಡಿದರೆ ಹಾಗೆ ಅನಿಸುತ್ತಿದೆ. ನೀವೆಲ್ಲ ಗಮನಿಸಿರ ಬಹುದು ಅಕ್ಟೋಬರ್ 29ರಂದು ಕರ್ನಾಟಕದ ಯುವರತ್ನ ಪುನೀತ್ ರಾಜ್‌ಕುಮಾರ್ ಅವರನ್ನು ಕಳೆದುಕೊಂಡು ಈಡಿ ಜಗತ್ತೇ ಶೂನ್ಯವಾಗಿತ್ತು. ಪುನೀತ್ ನಮ್ಮನ್ನೆಲ್ಲ ಅಗಲಿದ ದಿನದಿಂದ ಇಲ್ಲಿಯವರೆಗೂ ಸಿನಿಮಾ ಇಂಡಸ್ಟ್ರಿ ಆಗಿರಬಹುದು , ಅಭಿಮಾನಿಗಳು, ಕುಟುಂಬ ಸದಸ್ಯರು ಈಗಲೂ ನೆನೆಯುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಪುನೀತ್ ನೆನಪುಗಳನ್ನು ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಆದರೇ ಇಲ್ಲಿಯ ವರೆಗೂ ಪುನೀತ್ ಬಗ್ಗೆ ಒಂದೇ ಒಂದೇ ತುಣುಕು, ಫೋಟೊವನ್ನು ಶೇರ್ ಮಾಡಿ ಸಂತಾಪ ಸೂಚಿಸದ ರಶ್ಮಿಕಾಗೆ ಈಗ ಅದೆಲ್ಲಿಂದಲೋ ಜ್ಞಾನೋದಯ ಆದಂತೆ ಕಂಡು ಬರುತ್ತಿದೆ.

ನಿಧನರಾಗಿ ತಿಂಗಳಾದ ಬಳಿಕ ರಶ್ಮಿಕಾ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಪುಗೆ ಜಾಗ

ಹೌದು. ಪುನೀತ್ ನಮ್ಮನ್ನೆಲ್ಲ ಅಗಲಿ ತಿಂಗಳುಗಳು ಕಳೆದಿವೆ. ಜನರು ಇನ್ನು ಕೂಡ ಆ ನೋವಿನಲ್ಲೆ ತಮ್ಮ ತಮ್ಮ ಕೆಲಸದಲ್ಲಿ ನಿರತರಾಗಿದ್ದಾರೆ. ಬೇರೆ ಬೇರೆ ಚಿತ್ರರಂಗದ ಅದೆಷ್ಟೋ ಹಿರಿಯ, ಕಿರಿಯ ಚಿತ್ರ ನಟ ನಟಿಯರು ಪುನೀತ್‌ ಅಂತಿಮ ದರ್ಶನ ಪಡೆದಿದ್ದು ಅಲ್ಲದೇ ತಮ್ಮ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ವಿಶೇಷ ಸ್ಥಾನಮಾನ ನೀಡಿದ್ದಾರೆ. ಕೆಲವರಂತು ಅಪ್ಪು ಫೊಟೋವನ್ನೆ ಡಿಪಿ ಯಾಗಿ ಬಳಸಿಕೊಂಡಿದ್ದಾರೆ. ಆದರೇ ಇಷ್ಟು ದಿನ ಏನೂ ಆಗಲೇ ಇಲ್ಲ ಎಂಬತೇ ಇದ್ದ ರಶ್ಮಿಕಾ ಮಂದಣ್ಣಗೆ ಪುನೀತ್ ನೆನಪು ಈಗ ಆಗಿದೆ ಅನ್ನಿಸುತ್ತೆ. ಅದಕ್ಕೆ ಕಾರಣ ಪುನೀತ್ ಫೋಟೋ ರಶ್ಮಿಕಾ ಇನ್‌ಸ್ಟಾಗ್ರಾಮ್‌ನಲ್ಲಿ ಕಾಣಿಸಿಕೊಂಡಿರೋದು.

ಅಂಜನಿ ಪುತ್ರ ಚಿತ್ರದ ತುಣುಕು ಶೇರ್ ಮಾಡಿದ ರಶ್ಮಿಕಾ

ಪುನೀತ್‌ ರಾಜ್‌ಕುಮಾರ್ ಜೊತೆ ಅಂಜನಿಪುತ್ರ ಚಿತ್ರದಲ್ಲಿ ನಟಿಸಿದರು ರಶ್ಮಿಕಾ ಇಲ್ಲಿವರೆಗೂ ಒಂದೇ ಒಂದು ಫೊಟೋ ತುಣುಕನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿರಲ್ಲಿಲ್ಲ. ಕಡೆ ಪಕ್ಷ ಪುನೀತ್‌ರಾಜ್‌ಕುಮಾರ್‌ಗೆ ನಮನವನ್ನು ಸಲ್ಲಿಸಿರಲಿಲ್ಲಾ. ಇದೇ ಕಾರಣಕ್ಕೆ ಕನ್ನಡಿಗರು ಹಲವು ಸಂದರ್ಭದಲ್ಲಿ ಪ್ರಶ್ನೆ ಮಾಡಿದರೂ ಕೂಡ ತಲೆಕೆಡಿಸಿಕೊಂಡಿರದ ರಶ್ಮಿಕಾಗೆ ಇವತ್ತು ಅದೆಲ್ಲಿಂದ ಮನಸ್ಸು ಬಂತೋ ಏನೋ, ದಿಡೀರ್ ಅಂತ ಅಂಜನಿಪುತ್ರ ಚಿತ್ರದ ಶೂಟಿಂಗ್ ಸ್ಟಿಲ್ ಆಗಿರುವ ಪುನೀತ್ ರಶ್ಮಿಕಾ ಅವರನ್ನು ಅಪ್ಪಿಕೊಂಡಿರುವ ಫೊಟೋವನ್ನು ಶೇರ್ ಮಾಡಿರೋದು ಅಲ್ಲದೇ ಅದಕ್ಕೊಂದು ಬಿಳಿ ಬಣ್ಣದ ಹಾರ್ಟ್ ಸಿಂಬಲ್ ಕೂಡ ಹಾಕಿಕೊಂಡಿದ್ದಾರೆ.

ಕಡೆಗೂ ಪುನೀತ್ ಮೇಲಿನ ಪ್ರೀತಿಯನ್ನು ಶೇರ್ ಮಾಡಿಕೊಂಡ ರಶ್ಮಿಕಾ

ರಶ್ಮಿಕಾ ಮಂದಣ್ಣ ಹೀಗೆ ತನ್ನಿಷ್ಟಕ್ಕೆ ತಾನು ಏನೋ ಮಾಡಿಕೊಂಡು, ಟ್ರೋಲ್‌ಗಳನ್ನು ಲೆಕ್ಕಿಸದೇ, ತನ್ನ ಬಗ್ಗೆ ಆಗುವ ಟೀಕೆಗಳನ್ನು ಕೇರ್ ಮಾಡದೇ ಇರುವ ಒಬ್ಬ ನಟಿ. ತನ್ನ ಸಿನಿಮಾ ಆಯ್ತು, ತಾನಾಯ್ತು ಅಂತಲೇ ದಿನಕಳೆಯುವ ರಶ್ಮಿಕಾ ಸದ್ಯ ಕನ್ನಡ ಒಂದನ್ನು ಬಿಟ್ಟು ಬೇರೆಲ್ಲಾ ಇಂಡಸ್ಟ್ರಿಯಲ್ಲಿ ಬ್ಯುಸಿಯಾಗಿದ್ದಾರೆ. ಕನ್ನಡದಿಂದಲೇ ಬೆಳೆದು, ಕನ್ನಡ ಮಣ್ಣಲ್ಲೆ ಹುಟ್ಟಿರುವ ರಶ್ಮಿಕಾ ಮಾತ್ರ ಕನ್ನಡ ಅಂತ ಬಂದ್ರೆ ಮೂಗು ಮುರಿಯೋ ರೀತಿ ವರ್ತಿಸುತ್ತಿದ್ದಾರೆ. ಪುನೀತ್ ವಿಚಾರದಲ್ಲೂ ಹೀಗೆ ಮಾಡಿದ್ದ ರಶ್ಮಿಕಾ ಸದ್ಯ ಕೊನೆಗೂ ಒಂದಾದರೂ ಫೊಟೋ ಶೇರ್ ಮಾಡಿರೊದು ಖುಷಿಯ ವಿಚಾರ.