ಎಲ್ಲಾ ಭಾಷೆಗಳಿಗಿಂತಲೂ ಕನ್ನಡ ಮೊದಲು ಬಳಸಿದ ರಶ್ಮಿಕಾ; ಆದರೂ ತಪ್ಪಲಿಲ್ಲ ಟ್ರೋಲ್ಸ್!

ಎಲ್ಲಾ ಭಾಷೆಗಳಿಗಿಂತ ಕನ್ನಡ ಮೊದಲು

ಇಷ್ಟು ದಿನಗಳ ಕಾಲ ಶುಭ ಕೋರುವಾಗ ಕನ್ನಡ ಬಳಸುವುದಿಲ್ಲ ಎಂಬ ಕಾರಣಕ್ಕೆ ಟ್ರೋಲ್ ಆಗುತ್ತಿದ್ದ ನಟಿ ರಶ್ಮಿಕಾ ಮಂದಣ್ಣ ಈ ಬಾರಿಯ ಸಂಕ್ರಾಂತಿ ಪ್ರಯುಕ್ತ ಹಂಚಿಕೊಂಡಿರುವ ಪೋಸ್ಟ್‌ನಲ್ಲಿ ಎಲ್ಲಾ ಭಾಷೆಗಳಿಗಿಂತ ಮೊದಲು ಕನ್ನಡವನ್ನೇ ಮೊದಲು ಬಳಸಿದ್ದಾರೆ. ಸಂಕ್ರಾಂತಿಯ ಶುಭಾಶಯಗಳು ಎಂದು ಬರೆದುಕೊಂಡಿರುವ ರಶ್ಮಿಕಾ ಮಂದಣ್ಣ ಕನ್ನಡದ ಬಳಿಕ ತಮಿಳು, ತೆಲುಗು, ಮಲಯಾಳಂ, ಹಿಂದಿ ಹಾಗೂ ಇಂಗ್ಲಿಷ್ ಭಾಷೆಯಲ್ಲೂ ಸಹ ಶುಭ ಕೋರಿದ್ದಾರೆ.

ಕನ್ನಡ ಬಳಸಿದ್ರೂ ನಿಲ್ಲಲಿಲ್ಲ ಟ್ರೋಲ್

ಹೀಗೆ ರಶ್ಮಿಕಾ ಮಂದಣ್ಣ ಖಾತೆಯಲ್ಲಿ ದಿಢೀರ್ ಕನ್ನಡ ಕಾಣಿಸಿಕೊಂಡಿದ್ದನ್ನು ಕಂಡ ಕನ್ನಡಿಗರು ಭಿನ್ನ ವಿಭಿನ್ನ ರೀತಿಯಲ್ಲಿ ಪ್ರತಿಕ್ರಿಸಿದ್ದಾರೆ. ನೀನು ಏನೇ ಮಾಡಿದ್ರೂ ಸಹ ನೀನು ಮಾಡಿದ್ದನ್ನು ಹಾಗೂ ಮಾತನಾಡಿದ್ದನ್ನು ನಾವು ಮರೆತಿಲ್ಲ ಎಂದು ಬರೆದುಕೊಂಡಿರುವ ನೆಟ್ಟಿಗ ರಶ್ಮಿಕಾ ಪೋಸ್ಟ್ ಮಾಡಿದ್ದನ್ನು ಟ್ರೋಲ್ ಮಾಡಿದ್ದಾನೆ. ಇನ್ನೂ ಹಲವು ಓಹ್ ಈಗ ಕನ್ನಡ ನೆನಪಾಯ್ತಾ, ಕೆಟ್ಟ ಮೇಲೆ ಬುದ್ಧಿ ಬಂತಾ ಎಂದು ರಶ್ಮಿಕಾ ಕಾಲೆಳೆದಿದ್ದಾರೆ. ಒಟ್ಟಿನಲ್ಲಿ ರಶ್ಮಿಕಾ ನೀಡಿದ ಹಳೆ ಹೇಳಿಕೆಯನ್ನು ಮರೆಯದ ಕನ್ನಡಿಗರು ಆಕೆಯನ್ನು ಮತ್ತಷ್ಟು ದಿನಗಳ ಕಾಲ ಟ್ರೋಲ್ ಮಾಡುವುದನ್ನು ಮಾತ್ರ ನಿಲ್ಲಿಸುವುದಿಲ್ಲ ಎನ್ನುವುದಂತೂ ಸುಳ್ಳಲ್ಲ.

ಕೈನಲ್ಲಿಲ್ಲ ಹೆಚ್ಚು ಸಿನಿಮಾ

ಇನ್ನು ನಟಿ ರಶ್ಮಿಕಾ ಮಂದಣ್ಣ ಕೈನಲ್ಲಿ ಹೆಚ್ಚೇನೂ ಸಿನಿಮಾಗಳಿಲ್ಲ. ಕಳೆದ ವರ್ಷ ರಶ್ಮಿಕಾ ಮಂದಣ್ಣ ಸಪೋರ್ಟಿಂಗ್ ರೋಲ್‌ನಲ್ಲಿ ನಟಿಸಿದ್ದ ಚಿತ್ರ ಸೀತಾ ರಾಮಮ್ ಬಿಟ್ಟರೆ ಆಕೆಯ ಉಳಿದ ಚಿತ್ರಗಳೆಲ್ಲಾ ಮಕಾಡೆ ಮಲಗಿದ್ದವು. ಹೀಗೆ ಫ್ಲಾಪ್ ಜೋನ್‌ನಲ್ಲಿರುವ ರಶ್ಮಿಕಾ ನಟನೆಯ ವಾರಿಸು ಚಿತ್ರ ಸಂಕ್ರಾಂತಿ ಪ್ರಯುಕ್ತ ಬಿಡುಗಡೆಯಾಗಿದ್ದು, ಒಳ್ಳೆಯ ಕಲೆಕ್ಷನ್ ಮಾಡಿದರೂ ಸಹ ಚಿತ್ರ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದಿದೆ. ಇನ್ನು ಈ ಚಿತ್ರದ ಬಳಿಕ ರಶ್ಮಿಕಾ ಕೈನಲ್ಲಿ ಮಿಷನ್ ಮಜ್ನು, ಅನಿಮಲ್ ಹಾಗೂ ಪುಷ್ಪ ದಿ ರೈಸ್ ಚಿತ್ರಗಳಿದ್ದು, ಇವುಗಳನ್ನು ಬಿಟ್ಟರೆ ಹೆಚ್ಚೇನೂ ಚಿತ್ರಗಳಿಲ್ಲ.