Rashmika Mandanna: 'ಜೇಮ್ಸ್' ಬಿಟ್ಟು 'ಕೆಜಿಎಫ್ 2' ಟ್ರೈಲರ್ ಮೆಚ್ಚಿ, ಟ್ರೋಲ್ ಆದ ರಶ್ಮಿಕಾ ಮಂದಣ್ಣ!

'ಕೆಜಿಎಫ್ 2' ಟ್ರೈಲರ್‌ ಮೆಚ್ಚಿ ರಶ್ಮಿಕಾ ಟ್ವೀಟ್!

ನಟಿ ರಶ್ಮಿಕಾ ಮಂದಣ್ಣ 'ಕೆಜಿಎಫ್ 2' ಟ್ರೈಲರ್‌ ನೋಡಿ ಟ್ವಿಟ್ಟರ್‌ನಲ್ಲಿ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. 'ಕೆಜಿಎಫ್ 2' ಚಿತ್ರದ ಟ್ರೈಲರ್ ಲಿಂಕ್ ಶೇರ್ ಮಾಡಿ "ಹೇಳಲು ಅಸಾಧ್ಯ, ಟ್ರೈಲರ್ ತುಂಬಾ ಇಷ್ಟ ಆಯ್ತು" ಎಂದು ಬರೆದುಕೊಂಡು ಬೆಂಕಿ ಮತ್ತು ಬಾಂಬ್ ಚಿಹ್ನೆಗಳನ್ನು ಹಾಕಿದ್ದಾರೆ. ಜೊತೆಗೆ ಯಶ್, ಪ್ರಶಾಂತ್ ನೀಲ್, ಹೊಂಬಾಳೆ ಫಿಲ್ಮ್ಸ್‌ಗೆ ತಮ್ಮ ಟ್ವೀಟ್ ಅನ್ನು ಟ್ಯಾಗ್ ಮಾಡಿದ್ದಾರೆ. ರಶ್ಮಿಕಾ 'ಕೆಜಿಎಫ್ 2' ಟ್ರೈಲರ್ ಬಗ್ಗೆ ಮಾತನಾಡುತ್ತಿದ್ದ ಹಾಗೆ, ಟ್ವೀಟ್ ವೈರಲ್ ಆಗಿದೆ. ಸಾಕಷ್ಟು ಕಮೆಂಟ್‌ಗಳು ಕೂಡ ಬಂದಿವೆ.

'ಜೇಮ್ಸ್' ಬಿಟ್ಟು 'ಕೆಜಿಎಫ್ 2' ಬಗ್ಗೆ ರಶ್ಮಿಕಾ ಮಾತು!

ನಟಿ ರಶ್ಮಿಕಾ ಮಂದಣ್ಣ ನಟ ಪುನೀತ್ ರಾಜ್‌ಕುಮಾರ್ ಜೊತೆಗೆ ಒಂದು ಸಿನಿಮಾ ಮಾಡಿದ್ದಾರೆ. ಸಿನಿಮಾ ಮಾಡಿರಲೇಬೇಕು ಅಂತೇನಿಲ್ಲ. ಅಪ್ಪು ಅಭಿನಯದ ಕೊನೆಯ ಚಿತ್ರ ಜೇಮ್ಸ್ ಬಗ್ಗೆ ರಶ್ಮಿಕಾ ಏನನ್ನೂ ಮಾತನಾಡಿಲ್ಲ ಎಂದು ಅಪ್ಪು ಅಭಿಮಾನಿಗಳು ಗರಂ ಆಗಿದ್ದರು. ಕನ್ನಡದ ಒಂದು ಚಿತ್ರದ ಬಗ್ಗೆ ಮಾತನಾಡಲು ಈಕೆ ತಯಾರಿಲ್ಲ ಎಂದು ಕಮೆಂಟ್ ಮಾಡಿದ್ದರು. ಈಗ 'ಕೆಜಿಎಫ್ 2' ಬಗ್ಗೆ ಮಾತನಾಡಿರುದಕ್ಕೆ ಟ್ರೋಲ್ ಆಗುತ್ತಿದ್ದಾರೆ. ಅದರಲ್ಲೂ ರಶ್ಮಿಕಾ ಕನ್ನಡದ ಟ್ರೈಲರ್ ಲಿಂಗ್ ಹಂಚಿಕೊಂಡಿದ್ದಕ್ಕೆ, ಆಕೆಯ ತೆಲುಗು ಅಭಿಮಾನಿಗಳು, ತೆಲುಗು ಟ್ರೈಲರ್ ಯಾಕೆ ಹಂಚಿಕೊಂಡಿಲ್ಲ ಎಂದು ಪ್ರಶ್ನೆ ಮಾಡುತ್ತಿದ್ದಾರೆ.

ರಶ್ಮಿಕಾ, ರಶ್ಮಿಕಾ, ರಶ್ಮಿಕಾ, I Dont Like It!

ರಶ್ಮಿಕಾ ಅಷ್ಟಾಗಿ ಕನ್ನಡ ಚಿತ್ರರಂಗದಲ್ಲಿ ನಡೆಯುವ ಬೆಳವಣಿಗೆಯ ಬಗ್ಗೆ ಮಾತನಾಡುವುದಿಲ್ಲ. ಹಾಗಾಗಿ 'ಕೆಜಿಎಫ್ 2' ಟ್ರೈಲರ್ ಹಂಚಿಕೊಂಡು ಟ್ರೋಲ್ ಆಗಿದ್ದಾರೆ. ಟ್ರೈಲರ್‌ನಲ್ಲಿ ಇರುವ 'ವೈಲೆನ್ಸ್.. ವೈಲೆನ್ಸ್' ಡೈಲಾಗ್‌ ಅನ್ನು ರಶ್ಮಿಕಾಗೆ ಶಿಫ್ಟ್ ಮಾಡಿದ್ದಾರೆ. "ರಶ್ಮಿಕಾ... ರಶ್ಮಿಕಾ... ರಶ್ಮಿಕಾ.. ಐ ಡೋಂಟ್ ಲೈಕ್ ಇಟ್. ಐ ಅವಾಯ್ಡ್... ಬಟ್ ರಶ್ಮಿಕಾ ಲೈಕ್ಸ್ ಮಿ... ಐ ಕಾನ್ಟ್ ಅವಾಯ್ಡ್" ಎಂದು ಬರೆಯಲಾಗಿದೆ. ಈ ಡೈಲಾಗ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಯಶ್ ಬಗ್ಗೆ ಕಮೆಂಟ್ ಮಾಡಿದ್ದ ರಶ್ಮಿಕಾ!

ಈ ಹಿಂದೆ ಕನ್ನಡ ಚಿತ್ರಗಳಲ್ಲಿ ಬ್ಯುಸಿ ಇದ್ದ ನಟ ರಶ್ಮಿಕಾ ಮಂದಣ್ಣ ಯಶ್ ಬಗ್ಗೆ ಬೇಡದ ಕಮೆಂಟ್ ಮಾಡಿ ವಿವಾದ ಹುಟ್ಟು ಹಾಕಿದ್ದರು. ರಕ್ಷಿತ್ ಶೆಟ್ಟಿ ಜೊತೆಗೆ ಸಂದರ್ಶನ ಒಂದರಲ್ಲಿ ಭಾಗಿ ಆಗಿದ್ದಾಗ, ಶೋ ಆಫ್ ಹೀರೊ ಯಾರು ಎನ್ನುವ ಪ್ರಶ್ನೆ ಎದುರಾಗಿತ್ತು. ಆಗ ರಶ್ಮಿಕಾ ಅದು ಯಶ್ ಎಂದಿದ್ದರು. ಆ ಬಳಿಕ ಯಶ್ ಅಭಿಮಾನಿಗಳು ರಶ್ಮಿಕಾ ವಿರುದ್ಧ ತಿರುಗಿ ಬಿದ್ದಿದ್ದರು. ಆ ಬಳಿಕ ರಶ್ಮಿಕಾ, ಯಶ್ ಹಲವು ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.