ಕೊನೆಗೂ ಅಲ್ಲು ಅರ್ಜುನ್ ಚಿತ್ರಕ್ಕೆ ನಾಯಕಿ ಆದ ರಶ್ಮಿಕಾ, ಇದು ಪಕ್ಕಾ ಸುದ್ದಿ

AA20 ಚಿತ್ರದಲ್ಲಿ ರಶ್ಮಿಕಾ

ಅಲ್ಲು ಅರ್ಜುನ್ ಅವರ 20ನೇ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇಂದು ಅಲ್ಲು ಅರ್ಜುನ್ ಹುಟ್ಟುಹಬ್ಬವನ್ನ ಆಚರಿಸಿಕೊಳ್ಳುತ್ತಿದ್ದು, ಈ ವಿಶೇಷ ಸಂದರ್ಭದಲ್ಲಿ ತಮ್ಮ ಹೊಸ ಸಿನಿಮಾ ಘೋಷಣೆಯಾಗಿದೆ. ಇದೇ ವೇಳೆ ಈ ಚಿತ್ರದಲ್ಲಿ ರಶ್ಮಿಕಾ ನಾಯಕಿ ಎಂದು ಕೂಡ ಅನೌನ್ಸ್ ಮಾಡಲಾಗಿದೆ.

ಹಿಟ್ ಕಾಂಬಿನೇಷನ್ ಇದು

ಆರ್ಯ, ಆರ್ಯ 2 ಚಿತ್ರಗಳ ನಂತರ ನಿರ್ದೇಶಕ ಸುಕುಮಾರ್ ಮತ್ತು ಅಲ್ಲು ಅರ್ಜುನ್ ಮತ್ತೆ ಬರ್ತಿದ್ದು, ಈ ಚಿತ್ರದಲ್ಲಿ ರಶ್ಮಿಕಾ ಜೋಡಿಯಾಗ್ತಿದ್ದಾರೆ. ಹಾಗಾಗಿ, ರಶ್ಮಿಕಾ ಸ್ಟಾರ್ ಗಿರಿ ಈ ಚಿತ್ರದ ನಂತರ ಮತ್ತಷ್ಟು ಹೆಚ್ಚಾಗಬಹುದು. ಮತ್ತು ಆರ್ಯ ಅಂತಹ ಮತ್ತೊಂದು ಸೂಪರ್ ಹಿಟ್ ಸಿನಿಮಾ ಬರಬಹುದು ಎಂಬ ನಿರೀಕ್ಷೆ ಕೂಡ ಇದೆ.

ಅಲ್ಲು ಜೊತೆ ಮೊದಲ ಸಲ

ಈ ಹಿಂದೆ 'ಗೀತಾ ಗೋವಿಂದಂ' ಚಿತ್ರದ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಅಲ್ಲು ಅರ್ಜುನ್ ಅವರನ್ನ ಭೇಟಿ ಮಾಡಿದ್ದ ರಶ್ಮಿಕಾ, ಈಗ ಅವರ ಚಿತ್ರದಲ್ಲೇ ತೆರೆಹಂಚಿಕೊಳ್ಳುತ್ತಿದ್ದಾರೆ. ಚಲೋ, ಗೀತಾ ಗೋವಿಂದಂ, ಈಗ ಡಿಯರ್ ಕಾಮ್ರೇಡ್ ಅಂತಹ ಸಿನಿಮಾ ಮೂಲಕ ತೆಲುಗು ಪ್ರೇಕ್ಷಕರ ಹೃದಯ ಕದ್ದಿರುವ ರಶ್ಮಿಕಾ ಈಗ ಮೊದಲ ಸಲ ಅಲ್ಲು ಅರ್ಜುನ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ವಿಜಯ್ ಚಿತ್ರಕ್ಕೂ ರಶ್ಮಿಕಾನೇ ಜೋಡಿ.!

'ಡಿಯರ್ ಕಾಮ್ರೇಡ್' ನಂತರ ನಾನಿ ಜೊತೆ 'ಭೀಷ್ಮ' ಸಿನಿಮಾ ಮಾಡುತ್ತಿರುವ ರಶ್ಮಿಕಾ, ತಮಿಳಿನಲ್ಲಿ ಕಾರ್ತಿ ಜೊತೆಯೂ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈ ಎರಡು ಚಿತ್ರಗಳ ಬಳಿಕ ಅಲ್ಲು ಅರ್ಜುನ್ ಚಿತ್ರಕ್ಕೆ ಆಯ್ಕೆಯಾಗಿರುವ ಕಿರಿಕ್ ಚೆಲುವೆ, ತಮಿಳು ಸೂಪರ್ ಸ್ಟಾರ್ ವಿಜಯ್ ಚಿತ್ರದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಆದ್ರೆ. ಇದು ಖಚಿತವಾಗಿಲ್ಲ.