ರವಿತೇಜಗೂ ಆಗ್ಲಿಲ್ಲ, ದೇವರಕೊಂಡಗೂ ಆಗ್ಲಿಲ್ಲ: ಅಲ್ಲೂ ಯಶ್ ನಂ.1.!

ಟ್ರೆಂಡಿಂಗ್ ನಂ 1 'ಕೆಜಿಎಫ್'

ಸತತ ಮೂರನೇ ದಿನವೂ ಕೆಜಿಎಫ್ ತೆಲುಗು ಟ್ರೈಲರ್ ಯೂಟ್ಯೂಬ್ ಟ್ರೆಂಡಿಂಗ್ ನಲ್ಲಿ ಮೊದಲ ಸ್ಥಾನದಲ್ಲಿದೆ. ಇಲ್ಲಿಯವರೆಗೂ ತೆಲುಗು ವರ್ಷನ್ ಕೆಜಿಎಫ್ ಟ್ರೈಲರ್ 45.4 ಲಕ್ಷ ವೀಕ್ಷಕರನ್ನ ಸಂಖ್ಯೆಯನ್ನ ಹೊಂದಿದೆ. ಆದ್ರೆ, ಟಾಲಿವುಡ್ ಸ್ಟಾರ್ ಗಳು ಅಭಿನಯದ ಹೊಸ ಟ್ರೈಲರ್ ಗಳು ಬಿಡುಗಡೆಯಾಗಿದ್ದರೂ, ಕೆಜಿಎಫ್ ಓಟಕ್ಕೆ ಬ್ರೇಕ್ ಹಾಕಲು ಸಾಧ್ಯವಾಗುತ್ತಿಲ್ಲ.

ರವಿತೇಜ ಟ್ರೈಲರ್ ಗೂ ಆಗ್ಲಿಲ್ಲ

ಯಶ್ 'ಕೆಜಿಎಫ್' ಟ್ರೈಲರ್ ಬಿಡುಗಡೆಯಾದ ಮರುದಿನ ಟಾಲಿವುಡ್ ಮಾಸ್ ಮಹಾರಾಜ ರವಿತೇಜ ಅವರ 'ಅಮರ್ ಅಕ್ಬರ್ ಆಂಟೋನಿ' ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದೆ. ವೀಕ್ಷಕರ ಸಂಖ್ಯೆಯಲ್ಲಿ ವೇಗವಾಗಿ ಮುನ್ನುಗ್ಗುತ್ತಿರುವ ಈ ಟ್ರೈಲರ್ ಟ್ರೆಂಡಿಂಗ್ ನಲ್ಲಿ ಎರಡನೇ ಸ್ಥಾನದಲ್ಲಿದೆ. ಬಹುಶಃ ಮೊದಲ ಸ್ಥಾನಕ್ಕೆ ಪೈಪೋಟಿ ನಡೆಸುತ್ತಿದ್ದರೂ, ಸದ್ಯಕ್ಕಂತೂ ಆಗಿಲ್ಲ. ಅಮರ್ ಅಕ್ಬರ್ ಆಂಟೋನಿ ವೀಕ್ಷಕರ ಸಂಖ್ಯೆ 38.6 ಲಕ್ಷ ಇದೆ.

'ಟ್ಯಾಕ್ಸಿವಾಲ' ಮೂರನೇ ಸ್ಥಾನ

ಅರ್ಜುನ್ ರೆಡ್ಡಿ ಚಿತ್ರದ ನಂತರ ರಾಷ್ಟ್ರಮಟ್ಟದಲ್ಲಿ ಸ್ಟಾರ್ ಆದ ವಿಜಯ ದೇವರಕೊಂಡ ಈಗ ಟಾಲಿವುಡ್ ಪಾಲಿಗೆ ಟ್ರೆಂಡ್ ಸೆಟ್ಟರ್. ಇತ್ತೀಚಿಗಷ್ಟೆ ದೇವರಕೊಂಡ ಅಭಿನಯದ 'ಗೀತಾ ಗೋವಿಂದಂ' ಸಿನಿಮಾ ನೂರು ಕೋಟಿ ಕ್ಲಬ್ ಸೇರಿತ್ತು. ಇಂತಹ ಯಶಸ್ಸಿನಲ್ಲಿರುವ ದೇವರಕೊಂಡ ಈಗ 'ಟ್ಯಾಕ್ಸಿವಾಲ' ಚಿತ್ರದ ಟ್ರೈಲರ್ ರಿಲೀಸ್ ಮಾಡಿದ್ದಾರೆ. ಈ ಟ್ರೈಲರ್ ಯೂಟ್ಯೂಬ್ ಟ್ರೆಂಡಿಂಗ್ ನಲ್ಲಿ ಮೂರನೇ ಸ್ಥಾನದಲ್ಲಿದ್ದು, 16 ಗಂಟೆಗಳಲ್ಲಿ 13.6 ಲಕ್ಷ ವೀವ್ಸ್ ಪಡೆದುಕೊಂಡಿದೆ.

ಟಾಪ್ ಮೂರರಲ್ಲೂ ತೆಲುಗು ಟ್ರೆಂಡಿಂಗ್.!

ಅಲ್ಲಿಗೆ ಯೂಟ್ಯೂಬ್ ನ ಟಾಪ್ ಟ್ರೆಂಡಿಂಗ್ ನ ಮೂರು ಸ್ಥಾನದಲ್ಲೂ ತೆಲುಗು ಸಿನಿಮಾಗಳ ಟ್ರೈಲರ್ ಇರೋದು ವಿಶೇಷ. ಸದ್ಯದ ಮಟ್ಟಿಗೆ ಕೆಜಿಎಫ್ ಸಿನಿಮಾದ ಹಿಂದಿ ಟ್ರೈಲರ್ ಗೆ ಅತಿ ಹೆಚ್ಚು ವೀವ್ಸ್ ಸಿಕ್ಕಿದೆ. 95.8 ಲಕ್ಷ ವೀಕ್ಷಕರ ಸಂಖ್ಯೆ ಪಡೆದುಕೊಂಡಿದೆ. ಕನ್ನಡದಲ್ಲಿ 71 ಲಕ್ಷ ವೀವ್ಸ್ ಲಭಿಸಿದೆ.