ಡಾಲಿ ಧನಂಜಯ್ ನಟನೆಯ 'ಹೆಡ್ಡು-ಬುಷ್‌'ನಲ್ಲಿ ರವಿಚಂದ್ರನ್

ದೊಡ್ಡದಾಗಿ ತೆರೆಗೆ ತರಲು ಯೋಜನೆ

'ಹೆಡ್ಡು-ಬುಷ್' ಸಿನಿಮಾದ ಮೇಲೆ ಡಾಲಿ ಧನಂಜಯ್ ದೊಡ್ಡ ನಿರೀಕ್ಷೆ ಇಟ್ಟಿದ್ದು, ಸಿನಿಮಾವನ್ನು ದೊಡ್ಡದಾಗಿ ಹಾಗೂ ಭಿನ್ನವಾಗಿ ತೆರೆಗೆ ತರಲು ಯೋಜನೆ ರೂಪಿಸಿದ್ದಾರೆ. ಇದೇ ಕಾರಣಕ್ಕೆ ಸಿನಿಮಾದ ನಿರ್ಮಾಪಕರನ್ನು ಸಹ ಬದಲಾಯಿಸಲಾಗಿದೆ.

ಎರಡು ಕೋಟಿ ವೆಚ್ಚದ ಸೆಟ್ ನಿರ್ಮಾಣ

'ಹೆಡ್ಡು-ಬುಷ್' ಸಿನಿಮಾಕ್ಕಾಗಿ ಭಾರಿ ದೊಡ್ಡ, ದುಬಾರಿ ಸೆಟ್‌ ಒಂದನ್ನು ಬೆಂಗಳೂರಿನ ಚಿಕ್ಕಮಾರನಹಳ್ಳಿ ಬಳಿಯ ಮೋಹನ್ ಬಿ.ಕೆರೆ ಸ್ಟುಡಿಯೋದಲ್ಲಿ ನಿರ್ಮಾಣ ಮಾಡಲಾಗಿದೆ. ಈ ಸೆಟ್‌ಗಾಗಿ ಸುಮಾರು ಎರಡು ಕೋಟಿ ಹಣವನ್ನು ಚಿತ್ರತಂಡ ಖರ್ಚು ಮಾಡಿದೆ. 80-90ರ ದಶಕದ ಬೆಂಗಳೂರಿನ ಪರಿಸರದಲ್ಲಿ ನಡೆಯುವ ಕತೆಯನ್ನು ಸಿನಿಮಾ ಹೊಂದಿದ್ದು, ಆ ಜಮಾನವನ್ನು ಸೆಟ್‌ಗಳ ಮೂಲಕ ಮರುಸೃಷ್ಟಿ ಮಾಡಲಾಗುತ್ತಿದೆ. ಸೆಟ್‌ನ ಜವಾಬ್ದಾರಿಯನ್ನು ಕಲಾವಿದ ಬಾದಲ್ ನಂಜುಂಡಸ್ವಾಮಿ ಹೊತ್ತುಕೊಂಡಿದ್ದಾರೆ.

ಸೋಮಣ್ಣ ಎಂಬುವರ ಜೊತೆ ಧನಂಜಯ್ ಸಹ ನಿರ್ಮಾಣ

'ಹೆಡ್-ಬುಶ್' ಸಿನಿಮಾದ ಬಗ್ಗೆ ಧನಂಜಯ್‌ಗೆ ಸಾಕಷ್ಟು ನಿರೀಕ್ಷೆ, ಭರವಸೆ ಇರುವ ಕಾರಣ ಸಿನಿಮಾವನ್ನು ಧನಂಜಯ್ ಅವರೇ ನಿರ್ಮಾಣ ಮಾಡುತ್ತಿದ್ದಾರೆ. ಈ ಹಿಂದೆ ಅಶು ಬೆದ್ರ ಎಂಬುವರು ಸಿನಿಮಾ ನಿರ್ಮಾಣ ಮಾಡಲಿದ್ದರು ಆದರೆ ಆ ನಿರ್ಮಾಪಕರು ಬದಲಾಗಿದ್ದಾರೆ. ಇದೀಗ ಸೋಮಣ್ಣ ಎಂಬುವರ ಜೊತೆ ಸೇರಿ ಧನಂಜಯ್ ಈ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ಈ ಸಿನಿಮಾವು ಪ್ಯಾನ್ ಸಿನಿಮಾ ಆಗಿರಲಿದೆ. ಸಿನಿಮಾವನ್ನು ಶೂನ್ಯ ಎಂಬುವರು ನಿರ್ದೇಶನ ಮಾಡಲಿದ್ದಾರೆ.

ಹಲವು ಸಿನಿಮಾಗಳಲ್ಲಿ ಧನಂಜಯ್ ಬ್ಯುಸಿ

ಧನಂಜಯ್ ಪ್ರಸ್ತುತ ಬಹಳ ಬ್ಯುಸಿ ನಟ. ಬರೋಬ್ಬರಿ ಒಂಬತ್ತು ಸಿನಿಮಾಗಳಲ್ಲಿ ಧನಂಜಯ್ ನಟಿಸುತ್ತಿದ್ದಾರೆ. ಶಿವರಾಜ್ ಕುಮಾರ್ ಜೊತೆ ನಟಿಸಿರುವ 'ಭೈರವ' ಬಿಡುಗಡೆಗೆ ರೆಡಿಯಾಗಿದೆ. ತೆಲುಗಿನ 'ಪುಷ್ಪ' ಸಿನಿಮಾ ಸಹ ಬಿಡುಗಡೆಗೆ ರೆಡಿ ಇದೆ. ವಿಜಯ್ ನಟನೆಯ 'ಸಲಗ' ಸಿನಿಮಾ ಸಹ ಬಿಡುಗಡೆಗೆ ತಯಾರಾಗಿದೆ. ಇದರ ಜೊತೆಗೆ ಕನ್ನಡದ 'ಮಾನ್‌ಸೂನ್ ರಾಗ', 'ರತ್ನನ್ ಪರ್‌ಪಂಚ', 'ಬಡವ ರಾಸ್ಕಲ್', 'ಡಾಲಿ', ಜಗ್ಗೇಶ್ ನಟನೆಯ 'ತೋತಾಪುರಿ' ಸಿನಿಮಾದಲ್ಲಿಯೂ ಡಾಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. 'ಆರ್ಕೇಸ್ಟ್ರಾ ಮೈಸೂರು' ಸಿನಿಮಾಗಳಲ್ಲಿ ಧನಂಜಯ್ ನಟಿಸುತ್ತಿದ್ದಾರೆ. 'ಹೆಡ್ಡು ಬುಷ್' ಮತ್ತು 'ಬಡವ ರಾಸ್ಕಲ್' ಸಿನಿಮಾಗಳಿಗೆ ಧನಂಜಯ್ ಬಂಡವಾಳವನ್ನೂ ಹೂಡಿದ್ದಾರೆ.