ಈ 'ರಿಯಲ್' ಸ್ಟಾರ್ ಯಾರು ಎಂದು ಥಟ್ ಅಂತ ಗುರುತಿಸಿ..

ಜೂನ್ 25... ಭಾನುವಾರ ನಮ್ಮ 'ಫಿಲ್ಮಿಬೀಟ್ ಕನ್ನಡ' ಓದುಗರಿಗಾಗಿ ಒಂದು ಅಪರೂಪದ ಫೋಟೋ ಹೊತ್ತು ತಂದಿದ್ದೀವಿ ನೋಡಿ...

ಒಮ್ಮೆ ಈ ಫೋಟೋನ ಸೂಕ್ಷ್ಮವಾಗಿ ಗಮನಿಸಿ.. ಫೋಟೋದ ಬಲಬದಿಯಲ್ಲಿ ಫ್ರಾಕ್ ತೊಟ್ಟಿರುವ ಪುಟಾಣಿ ಯಾರು ಅಂತ ಊಹಿಸಿ...

ಪುಟ್ಟ ಪೋನಿ, ಅದರ ಸುತ್ತ ಹೂವು ಮುಡಿದುಕೊಂಡು ಪೋಸ್ ಕೊಟ್ಟಿರುವ ಈ ಪುಟಾಣಿ ಬೇರೆ ಯಾರೂ ಅಲ್ಲ. 'ರಿಯಲ್ ಸ್ಟಾರ್' ಉಪೇಂದ್ರ.!

ರಿಯಲ್ ಸ್ಟಾರ್ ಉಪೇಂದ್ರ ಪುಟಾಣಿ ಆಗಿರುವಾಗ ತೆಗೆದಿರುವ ಈ ಫೋಟೋ ಇಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಷ್ಟಕ್ಕೂ, ವರ್ಷಗಳ ಹಿಂದೆ ಕ್ಲಿಕ್ ಆಗಿರುವ ಈ ಫೋಟೋನ ಸ್ವತಃ ಉಪೇಂದ್ರ ರವರೇ ತಮ್ಮ ಟ್ವಿಟ್ಟರ್ ಅಕೌಂಟ್ ಮೂಲಕ ಶೇರ್ ಮಾಡಿದ್ದಾರೆ.

ಅಲ್ಲದೇ, ಇದೇ ಫೋಟೋನ ತಮ್ಮ ಅಫೀಶಿಯಲ್ ಟ್ವಿಟ್ಟರ್ ಅಕೌಂಟ್ ನ ಪ್ರೋಫೈಲ್ ಪಿಕ್ಚರ್ ಆಗಿಸಿಕೊಂಡಿದ್ದಾರೆ ಉಪೇಂದ್ರ. ಅಂದ್ಹಾಗೆ, ಫೋಟೋದಲ್ಲಿ ಉಪ್ಪಿ ತುಂಬಾ ಮುದ್ದಾಗಿ ಕಾಣ್ತಿದ್ದಾರೆ ಅಲ್ವಾ.?!