ಚುನಾವಣೆಗೆ ಗುಡ್ ಬೈ ಹೇಳಿದ ಅಂಬಿಯ ಹೊಸ ಲೈಫ್ ಸ್ಟೈಲ್ ನೋಡಿ

ವಿಷ್ಣುವರ್ಧನ್ ಮನೆಗೆ ಭೇಟಿ

ಅಂಬರೀಶ್ ಅವರ ಬಹುಕಾಲದ ಗೆಳೆಯ ವಿಷ್ಣುವರ್ಧನ್ ಅವರ ಮನೆಗೆ ಇತ್ತೀಚಿಗಷ್ಟೆ ಅಂಬಿ ಹೋಗಿದ್ದರು. ಜಯನಗರದಲ್ಲೇ ಹೊಸ ಸಿನಿಮಾದ ಶೂಟಿಂಗ್ ನಡೆಯುತ್ತಿದ್ದು, ಬಿಡುವು ಮಾಡಿಕೊಂಡು ವಿಷ್ಣು ಮನೆಗೆ ಭೇಟಿ ನೀಡಿದ್ದರು. ಈ ವೇಳೆ ಭಾರತಿ ವಿಷ್ಣುವರ್ಧನ್ ಅವರ ಯೋಗಕ್ಷೇಮ ವಿಚಾರಿಸಿದರು. ವಿಷ್ಣುವರ್ಧನ್ ಅವರ ಮನೆಗೆ ಅಂಬಿ ಹೋಗಿ ತುಂಬ ದಿನಗಳು ಆಗಿತ್ತು ಎನ್ನಲಾಗಿದೆ.

ಪತ್ನಿ ಜೊತೆ ಶೂಟಿಂಗ್ ಗೆ ಹಾಜರ್

ಇನ್ನು ಸುಮಲತಾ ಅಂಬರೀಶ್ ಅಭಿನಯದ 'ತಾಯಿಗೆ ತಕ್ಕ ಮಗ' ಚಿತ್ರದ ಸೆಟ್ ಗೆ ಅಂಬರೀಶ್ ಭೇಟಿ ನೀಡಿದ್ದಾರೆ. ಅಜಯ್ ರಾವ್ ನಾಯಕರಾಗಿರುವ ಈ ಚಿತ್ರದಲ್ಲಿ ಸುಮಲತಾ ತಾಯಿ ಪಾತ್ರ ನಿರ್ವಹಿಸುತ್ತಿದ್ದಾರೆ. ಹೀಗಾಗಿ, ಪತ್ನಿಯ ಜೊತೆ ಅಂಬಿ ಶೂಟಿಂಗ್ ಸೆಟ್ ಗೆ ಹೋಗಿ ಎಂಜಾಯ್ ಮಾಡಿದ್ದಾರೆ.

ಉದಯ ಟಿವಿ ಕಾರ್ಯಕ್ರಮದಲ್ಲಿ ಅಂಬಿ

ಉದಯ ಮ್ಯೂಸಿಕ್ ವಾಹಿನಿಯ ಖಾಸಗಿ ಕಾರ್ಯಕ್ರಮದಲ್ಲೂ ರೆಬಲ್ ಸ್ಟಾರ್ ಭಾಗಿಯಾಗಿದ್ದಾರೆ. ಈ ವೇಳೆ ನಟಿ ಮಾಲಾಶ್ರೀ, ನೃತ್ಯ ಸಂಯೋಜಕ ಇಮ್ರಾನ್ ಸರ್ದಾರಿಯಾ ಹಾಗೂ ಗಾಯಕ ವಿಜಯ್ ಪ್ರಕಾಶ್ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ಪ್ರಿಯಾ ವಾರಿಯರ್ ಸ್ಟೈಲ್ ನಲ್ಲಿ ಅಂಬಿ

ಇನ್ನು ಮಲಯಾಳಂ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಅವರಂತೆ ಅಂಬರೀಶ್ ಕೂಡ ಕಣ್ಸನ್ನೆ ಮಾಡಿ ಶೂಟ್ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ. ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಅಂಬಿ ನಿಂಗ್ ವಯಸ್ಸಾಯ್ತೋ

ಸದ್ಯ, ಚುನಾವಣೆಯಿಂದ ಹಿಂದೆ ಸರಿದಿರುವ ಅಂಬರೀಶ್ 'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರದಲ್ಲಿ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಸುದೀಪ್ ಮತ್ತು ಶ್ರುತಿ ಹರಿಹರನ್ ಕೂಡ ಮುಖ್ಯ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ.