Click it and Unblock the Notifications
Don't Miss!
-
ಎಂಡಿಎಚ್ ಮತ್ತು ಎವರೆಸ್ಟ್ ಸೇರಿದಂತೆ ಎಲ್ಲಾ ಬ್ರಾಂಡ್ ಮಸಾಲೆಗಳ ಮಾದರಿಗಳ ಪರೀಕ್ಷೆಗೆ ಮುಂದಾದ FSSAI -
ಮತದಾನದ ದಿನ ಬೆಳಗ್ಗೆ ಸಿಗಲ್ಲ ಬಾಡಿಗೆ ವಾಹನಗಳು! -
CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್ -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ವರ್ಷ ರೀಮೇಕ್ ಚಿತ್ರಗಳಿಗೆ ಸೋಲು, ಗೆದ್ದಿದ್ದು ಒಂದೆರೆಡು ಮಾತ್ರ.!
ಈ ವರ್ಷ ಅತಿ ಹೆಚ್ಚು ಸಿನಿಮಾಗಳು ಬಿಡುಗಡೆಯಾಗುವ ಮೂಲಕ ಕನ್ನಡ ಚಿತ್ರರಂಗ ಹೊಸ ದಾಖಲೆ ಬರೆದಿದೆ. ಸುಮಾರು 210ಕ್ಕೂ ಹೆಚ್ಚು ಸಿನಿಮಾಗಳು ಇದೇ ಮೊದಲ ಬಾರಿಗೆ ಸ್ಯಾಂಡಲ್ ವುಡ್ ನಲ್ಲಿ ತೆರೆಕಂಡಿದ್ದವು. ಇದರಲ್ಲಿ ರೀಮೇಕ್ ಚಿತ್ರಗಳು ಇವೆ.
ಈ ವರ್ಷ ರಿಲೀಸ್ ಆದ ರೀಮೇಕ್ ಚಿತ್ರಗಳ ಸಂಖ್ಯೆ ಬಹಳ ಕಡಿಮೆ. ಅಲ್ಲೊಂದು ಇಲ್ಲೊಂದು ರೀಮೇಕ್ ಸಿನಿಮಾ ಬಂದರೂ ದೊಡ್ಡ ಯಶಸ್ಸು ಯಾವ ಚಿತ್ರಕ್ಕೂ ಸಿಕ್ಕಿಲ್ಲ. ಕಲೆಕ್ಷನ್ ನಲ್ಲೂ ಈ ಚಿತ್ರಗಳು ಕಮಾಲ್ ಮಾಡಿಲ್ಲ.
ಆದ್ರೆ, ಕೆಲವು ಸಿನಿಮಾಗಳು ತಕ್ಕ ಮಟ್ಟಿಗೆ ಪ್ರೇಕ್ಷಕರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಪರಭಾಷೆಯಿಂದ ಕನ್ನಡಕ್ಕೆ ತಂದ ಕೆಲವು ಚಿತ್ರಗಳನ್ನ ಕನ್ನಡಿಗರು ಒಪ್ಪಿಕೊಂಡರು. ಹಾಗಿದ್ರೆ, ಈ ವರ್ಷ ಬಂದ ರೀಮೇಕ್ ಚಿತ್ರಗಳು ಯಾವುದು? ಯಾವುದು ಪಾಸ್ , ಯಾವುದು ಫೇಲ್? ಮುಂದೆ ಓದಿ....
ವರ್ಷದ ಆರಂಭವೇ ರೀಮೇಕ್
2018ನೇ ವರ್ಷ ಆರಂಭವಾಗಿದ್ದೇ ರೀಮೇಕ್ ಚಿತ್ರದ ಮೂಲಕ. ಕ್ರೇಜಿಸ್ಟಾರ್ ಪುತ್ರ ಮನೋರಂಜನ್ ಅಭಿನಯದ ಬೃಹಸ್ಪತಿ ಸಿನಿಮಾ ಜನವರಿ ಮೊದಲ ವಾರವೇ ತೆರೆಕಂಡಿತ್ತು. ಆದ್ರೆ, ಬಂದ ವೇಗದಲ್ಲೇ ಈ ಸಿನಿಮಾ ಕಾಣೆಯಾಯಿತು. ಇದು ತಮಿಳು ವಿಐಪಿ ಚಿತ್ರದ ರೀಮೇಕ್.
ಸಂಹಾರ ಮಾಡಿದ ಚಿರು
ಚಿರಂಜೀವಿ ಸರ್ಜಾ ಮತ್ತು ಹರಿಪ್ರಿಯಾ ನಟಿಸಿದ್ದ ಸಂಹಾರ ಸಿನಿಮಾ ತಮಿಳು ಅದೇ ಕಂಗಳ್ ಚಿತ್ರದ ರೀಮೇಕ್. ಗುರುದೇಶಪಾಂಡೆ ನಿರ್ದೇಶನ ಮಾಡಿದ್ದ ಈ ಚಿತ್ರ ತಕ್ಕ ಮಟ್ಟಿಗೆ ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಂಡಿತ್ತು.
ಹುಚ್ಚ 2 ಮತ್ತು ಧ್ವಜ
ಮದರಂಗಿ ಖ್ಯಾತಿಯ ನಟ ಕೃಷ್ಣ ಮತ್ತು ಶ್ರಾವ್ಯ ರಾವ್ ಅಭಿನಯಿಸಿದ್ದ ಹುಚ್ಚ 2 ಸಿನಿಮಾ ತಮಿಳಿನ ರಾಮ್ ಚಿತ್ರದ ರೀಮೇಕ್. ಓಂ ಪ್ರಕಾಶ್ ರಾವ್ ಈ ಚಿತ್ರ ನಿರ್ದೇಶನ ಮಾಡಿದ್ದರು. ಕನ್ನಡದಲ್ಲಿ ಈ ಸಿನಿಮಾ ಅಷ್ಟಾಗಿ ಕ್ಲಿಕ್ ಆಗಿಲ್ಲ. ಇನ್ನು ಇದಾದ ಬಳಿಕ ಬಂದ ಧ್ವಜ ಸಿನಿಮಾ ತಮಿಳಿನ ಕೋಡಿ ಚಿತ್ರದ ರೀಮೇಕ್. ಪ್ರಿಯಾಮಣಿ, ರವಿಗೌಡ ಅಭಿನಯಿಸಿದ್ದರು. ಈ ಸಿನಿಮಾನೂ ಸದ್ದು ಮಾಡಿಲ್ಲ.
ಅಮ್ಮ ಐ ಲವ್ ಯೂ
ತಮಿಳಿನ ಪಿಚ್ಚೆಕಾರನ್ ಚಿತ್ರದ ಕನ್ನಡ ಅವತರಣಿಕೆ ಅಮ್ಮ ಐ ಲವ್ ಯೂ ತಕ್ಕ ಮಟ್ಟಿಗೆ ಯಶಸ್ಸು ಕಂಡಿತು. ಚಿರು ಸರ್ಜಾ ಅಭಿನಯದಿಂದ ಪ್ರೇಕ್ಷಕರ ಗಮನ ಸೆಳೆದರು. 50 ದಿನ ಪೂರೈಸಿದ ಈ ಸಿನಿಮಾ ಚಿರು ಸರ್ಜಾಗೆ ಒಳ್ಳೆಯ ಹೆಸರು ತಂದುಕೊಡ್ತು.
ಕುಮಾರಿ 21ಎಫ್
ತೆಲುಗಿನ ಕುಮಾರಿ 21ಎಫ್ ಚಿತ್ರದ ರೀಮೇಕ್ ಆಗಿದ್ದ ಈ ಚಿತ್ರ ಕನ್ನಡದಲ್ಲೂ ಅದೇ ಹೆಸರಿನಲ್ಲಿ ಬಿಡುಗಡೆಯಾಯಿತು. ಹಿರಿಯ ನಟ ದೇವರಾಜ್ ಅವರ ಕಿರಿಯ ಪುತ್ರ ಪ್ರಣಾಮ್ ದೇವರಾಜ್ ನಾಯಕನಾಗಿ ಪಾದಾರ್ಪಣೆ ಮಾಡಿದ್ರು. ಆದ್ರೆ, ತೆಲುಗಿನಲ್ಲಿ ಸಿಕ್ಕ ಸಕ್ಸಸ್ ಈ ಚಿತ್ರಕ್ಕೆ ಸಿಕ್ಕಿಲ್ಲ.
ಅಂಬಿ ನಿಂಗ್ ವಯಸ್ಸಾಯ್ತೋ
ರೆಬೆಲ್ ಸ್ಟಾರ್ ಅಂಬರೀಶ್ ಮತ್ತು ಸುದೀಪ್ ಅಭಿನಯಿಸಿದ್ದ ಅಂಬಿ ನಿಂಗ್ ವಯಸ್ಸಾಯ್ತೋ ತಮಿಳಿನ ಪವರ್ ಪಾಂಡಿ ಚಿತ್ರದ ರೀಮೇಕ್. ಅಂಬಿ ಮತ್ತು ಕಿಚ್ಚನ ಜೋಡಿಗೆ ಪ್ರೇಕ್ಷಕರು ಚಪ್ಪಾಳೆ ಹೊಡೆದರು. ಅಂದ್ಹಾಗೆ, ಈ ಸಿನಿಮಾ ಅಂಬರೀಶ್ ಕೊನೆಯ ಚಿತ್ರವಾಯಿತು.
ನಡುವೆ ಅಂತರವಿರಲಿ - ಜಗತ್ ಕಿಲಾಡಿ
ಪ್ರಖ್ಯಾತ್ ಮತ್ತು ಐಶಾನಿ ಶೆಟ್ಟಿ ಅಭಿನಯಿಸಿದ್ದ ನಡುವೆ ಅಂತರವಿರಲಿ ಸಿನಿಮಾ ತಮಿಳಿನ Aadhalal Kadhal Seiveer ಚಿತ್ರ ರೀಮೇಕ್. ಅದಾದ ಬಳಿಕ ಬಂದ ಜಗತ್ ಕಿಲಾಡಿ ಚಿತ್ರ ತಮಿಳಿನ ಚದುರಂಗವೇಟೈ ಚಿತ್ರದ ರೀಮೇಕ್. ಈ ಎರಡು ಸಿನಿಮಾಗಳು ಬಿಡುಗಡೆಗೂ ಮುಂಚೆ ಹೆಚ್ಚು ಸದ್ದು ಮಾಡಿದ್ದವು. ಆದ್ರೆ, ಆಮೇಲೆ ಸೈಲೆಂಟ್ ಆಯ್ತು.
8 ಎಂಎಂ
ನವರಸ ನಾಯಕ ಜಗ್ಗೇಶ್ ಅಭಿನಯಿಸಿದ್ದ 8 ಎಂಎಂ ಸಿನಿಮಾ ಭಾರಿ ಕುತೂಹಲ ಹುಟ್ಟುಹಾಕಿತ್ತು. ಆದ್ರೆ, ಬಿಡುಗಡೆಗೆ ಸನಿಹದಲ್ಲಿದ್ದಾಗ ಇದು 8 ತೋಟಕಲ್ ಚಿತ್ರದ ರೀಮೇಕ್ ಎಂದು ಬಹಿರಂಗವಾಯಿತು. ವಿಭಿನ್ನ ಪಾತ್ರದಲ್ಲಿ ನಟಿಸಿದ್ದ ಜಗ್ಗೇಶ್ ಗೆ ಇದು ಹೊಸ ರೀತಿ ಸಿನಿಮಾ ಆದರು, ಪ್ರೇಕ್ಷಕರಿಗೆ ಹೊಸತು ಎನಿಸಲಿಲ್ಲ.
ವಿಜಯ ಕಿಸ್ಮತ್
ವಿಜಯ ರಾಘವೇಂದ್ರ ನಟಿಸಿ, ನಿರ್ದೇಶಿಸಿ, ನಿರ್ಮಿಸಿದ್ದ ಸಿನಿಮಾ ಕಿಸ್ಮತ್. ಈ ವರ್ಷ ತೆರೆಕಂಡ ಕೊನೆಯ ರೀಮೇಕ್ ಸಿನಿಮಾ. ತಮಿಳಿನ ನೇರಂ ಚಿತ್ರದ ರೀಮೇಕ್ ಆಗಿದ್ದ ಕಿಸ್ಮತ್ ಕನ್ನಡದಲ್ಲಿ ಚೆನ್ನಾಗಿ ಮೂಡಿಬಂದಿತ್ತಾದರೂ, ಪ್ರೇಕ್ಷಕರಿಂದ ಸೂಪರ್ ಎನಿಸಿಕೊಳ್ಳಲಿಲ್ಲ.
