ಅನಿರುದ್ಧ್ ಮ್ಯಾಜಿಕ್: 1 ಮಿಲಿಯನ್ ವೀಕ್ಷಣೆಗೆ ಒಳಪಟ್ಟ 'ಸಿರಿಕ್ಕಾದೆ'

ಕಾಲಿವುಡ್ ನಲ್ಲಿ ಬಹುಬೇಡಿಕೆಯ ಸಂಗೀತ ನಿರ್ದೇಶಕರಾಗಿ ಹೊರಹೊಮ್ಮಿರುವ ಅನಿರುದ್ಧ್ ರವಿಚಂದರ್ ಅವರು 'ರೆಮೋ' ಚಿತ್ರದ ಪ್ರಚಾರಾರ್ಥವಾಗಿ 'ಸಿರಿಕ್ಕಾದೆ' ಎಂಬ ವಿಶೇಷ ಮ್ಯೂಸಿಕ್ ವಿಡಿಯೋ ಆಲ್ಬಂ ಹೊರತಂದಿರುವ ವಿಚಾರವನ್ನು ನಾವೇ ನಿಮಗೆ ತಿಳಿಸಿದ್ವಿ.

ಸಾಕಷ್ಟು ರೆಸ್ಪಾನ್ಸ್ ಗಿಟ್ಟಿಸಿಕೊಂಡಿರುವ ಈ ಚಿತ್ರದ ವಿಶೇಷ ಪ್ರೊಮೋಷನಲ್ ಹಾಡು 'ಸಿರಿಕ್ಕಾದೆ' ಇದೀಗ ಒಂದು ಮಿಲಿಯನ್ ವೀಕ್ಷಣೆಗೆ ಒಳಪಟ್ಟಿದೆ. ಚಿತ್ರದ ಸ್ಪೆಷಲ್ ಹಾಡು ಅತ್ಯಂತ ಹೆಚ್ಚು ವೀಕ್ಷಣೆಗೆ ಒಳಪಟ್ಟಿದ್ದಕ್ಕಾಗಿ ಇಡೀ ಚಿತ್ರತಂಡ ಸಂತಸ ವ್ಯಕ್ತಪಡಿಸಿದೆ.[ಸಂಗೀತ ಪ್ರಿಯರನ್ನು ಸಮ್ಮೋಹನಗೊಳಿಸಲು ಸಜ್ಜಾದ ಅನಿರುದ್ಧ್ ರವಿಚಂದರ್]

ಈಗಾಗಲೇ ತಮಿಳಿನಲ್ಲಿ ರಿಲೀಸ್ ಅಗಿ ಭಾರಿ ರೆಸ್ಪಾನ್ಸ್ ಗಿಟ್ಟಿಸಿಕೊಂಡಿರು ಈ ಹಾಡು ಸೆಪ್ಟೆಂಬರ್ 5 ರಂದು ಇಂಗ್ಲೀಷ್ ವರ್ಷನ್ ನಲ್ಲಿ, 'ಕಮ್ ಕ್ಲೋಸರ್' ಎಂಬ ಹೆಸರಿನಲ್ಲಿ ಬಿಡುಗಡೆ ಆಗುತ್ತಿದೆ. ಅದೇ ದಿನದಂದು ಚಿತ್ರದ ಆಡಿಯೋ ಬಿಡುಗಡೆ ಕೂಡ ಅದ್ಧೂರಿಯಾಗಿ ನೆರವೇರಲಿದೆ.

ಅಕ್ಟೋಬರ್ 7 ರಂದು, ಸುಮಾರು 3000 ತೆರೆಗಳಲ್ಲಿ 'ರೆಮೋ' ಸಿನಿಮಾ ತೆರೆ ಕಾಣುತ್ತಿದ್ದು, ಚಿತ್ರದಲ್ಲಿ ಕಾಲಿವುಡ್ ನಟ ಶಿವಕಾರ್ತಿಕೇಯನ್ ಮತ್ತು ನಟಿ ಕೀರ್ತಿ ಸುರೇಶ್ ಅವರು ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ.[ಕರ್ನಾಟಕದಲ್ಲಿ 'ರೆಮೋ' ವಿತರಣೆ ಮಾಡಲಿರುವ ದೀಪಕ್ ಸಾಮಿ]

ಪ್ರಭು ರಾಧಾಕೃಷ್ಣನ್ ಅವರು 'ಸಿರಿಕ್ಕಾದೆ' ರೋಮ್ಯಾಂಟಿಕ್ ಹಾಡಿಗೆ ನಿರ್ದೇಶನ ಮಾಡಿದ್ದು, ಅರ್ಜುನ್ ಮತ್ತು ಶ್ರೀನಿಧಿ ವೆಂಕಟೇಶ್ ಅವರು ಧ್ವನಿ ನೀಡಿದ್ದರು.['ರೆಮೋ' ಆಡಿಯೋ ಲಾಂಚ್ ಗೆ ದಿನಗಣನೆ ಶುರು]

ಭಾಗ್ಯರಾಜ್ ಕಣ್ಣನ್ ಆಕ್ಷನ್-ಕಟ್ ಹೇಳಿರುವ 'ರೆಮೋ' ಚಿತ್ರಕ್ಕೆ, 24AM ಸ್ಟುಡಿಯೋಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಪಕ ಆರ್.ಡಿ ರಾಜಾ ಅವರು ಬಂಡವಾಳ ಹೂಡಿದ್ದಾರೆ.