ಶಕೀಲಾ ಬಯೋಪಿಕ್ ನಲ್ಲಿ ನಟಿಸಲು ಒಪ್ಪಿಕೊಂಡ 'ಸ್ಟಾರ್' ನಟಿ.!

ಶಕೀಲಾ ಆಗ್ತಾರೆ ರಿಚಾ ಚಡ್ಡಾ.!

ಬಾಲಿವುಡ್ ನಟ ಖ್ಯಾತಿ ರಿಚಾ ಚಡ್ಡಾ, ಶಕೀಲಾ ಬಯೋಪಿಕ್ ನಲ್ಲಿ ನಟಿಸಲು ಸಮ್ಮತಿ ಸೂಚಿಸಿದ್ದಾರೆ ಎನ್ನಲಾಗಿದೆ. ಶಕೀಲಾ ಜೀವನ ಚರಿತ್ರೆಯಲ್ಲಿ ಸ್ಟಾರ್ ನಟಿಯೊಬ್ಬರು ಅಭಿನಯಿಸಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಇದಕ್ಕೆ ಈಗ ಉತ್ತರ ಸಿಕ್ಕಿದ್ದು, ರಿಚಾ ಒಪ್ಪಿದ್ದಾರಂತೆ.

ಏಪ್ರಿಲ್ ತಿಂಗಳಲ್ಲಿ ಆರಂಭ

ದಕ್ಷಿಣ ಭಾರತದ ಖ್ಯಾತ ನಟಿಯ ಬಯೋಪಿಕ್ ಇದೇ ಏಪ್ರಿಲ್ ತಿಂಗಳಲ್ಲಿ ಸೆಟ್ಟೇರಲಿದೆ. ಈಗಾಗಲೇ ಸ್ಕ್ರಿಪ್ಟ್ ಮುಗಿಸಿರುವ ಚಿತ್ರತಂಡ ಶೂಟಿಂಗ್ ಆರಂಭಿಸಲಿದೆಯಂತೆ. 2019ರ ಆರಂಭದಲ್ಲೇ ತೆರೆಗೆ ಬರಲಿದೆ.

ಕನ್ನಡದ ಸ್ಟಾರ್ ಡೈರೆಕ್ಟರ್

ಶಕೀಲಾ ಜೀವನ ಕಥೆಯನ್ನ ಕನ್ನಡದ ಸ್ಟಾರ್ ಡೈರೆಕ್ಟರ್ ಇಂದ್ರಜಿತ್ ಲಂಕೇಶ್ ನಿರ್ದೇಶನ ಮಾಡಲಿದ್ದಾರೆ. ಹಿಂದಿ ಸೇರಿದಂತೆ ದಕ್ಷಿಣ ಭಾರತದ ಭಾಷೆಗಳಲ್ಲೂ ಈ ಸಿನಿಮಾ ತಯಾರಾಗುತ್ತಿದೆ.

ಇದೊಂದು ವಿಶೇಷ ಸ್ಕ್ರಿಪ್ಟ್

ಶಕೀಲಾಗೆ ಕೇವಲ ಭಾರತದಲ್ಲಿ ಮಾತ್ರವಲ್ಲ ಚೀನಾ ಸೇರಿದಂತೆ ಏಷ್ಯಾದಲ್ಲಿ ಹೆಚ್ಚು ಅಭಿಮಾನಿಗಳು ಇದ್ದಾರೆ. ಇದೊಂದು ವಿಶೇಷ ಸ್ಕ್ರಿಪ್ಟ್ ಆಗಿದ್ದು, ಎಲ್ಲರನ್ನ ಗಮನ ಸೆಳೆಯಲಿದೆ'' ಎಂದು ರಿಚಾ ಚಡ್ಡಾ ಅವರ ವಕ್ತಾರರು ತಿಳಿಸಿದ್ದಾರೆ.

ರಿಚಾ ಚಡ್ಡಾ ಬಗ್ಗೆ..

2008 ರಲ್ಲಿ 'ಓಯ್ ಲಕ್ಕಿ, ಲಕ್ಕಿ ಓಯ್' ಚಿತ್ರದ ಮೂಲಕ ಬಾಲಿವುಡ್ ಇಂಡಸ್ಟ್ರಿ ಪ್ರವೇಶ ಮಾಡಿದ ರಿಚಾ ಚಡ್ಡಾ, 'ತಮಾಂಚೆ', 'ಶಾರ್ಟ್ಸ್', 'ಮಾಸನ್', 'ಮೇನ್ ಔರ್ ಚಾರ್ಲ್ಸ್', 'ಸರ್ಬಿಜಿತ್', ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.