Don't Miss!
- News 11 ಕೋಟಿ ಮಹಿಳೆಯರಿಗೆ ಅಡುಗೆ ಅನಿಲ: ಡಾ. ಕೆ. ಸುಧಾಕರ್
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಟೈಟಲ್ ಟ್ರಬಲ್ ನಲ್ಲಿ ಮತ್ತೆ 'ರಿಂಗ್ ರೋಡ್' ಸುಮ
ಎಲ್ಲವೂ ಸರಿಹೋಯ್ತು...ಸಿನಿಮಾ ರಿಲೀಸ್ ಗೆ ಕ್ಷಣಗಣನೆ ಶುರುವಾಯ್ತು ಅನ್ನೋಷ್ಟರಲ್ಲಿ 'ರಿಂಗ್ ರೋಡ್ ಸುಮ' ಚಿತ್ರಕ್ಕೆ ಹೊಸ ತಲೆನೋವು ಶುರುವಾಗಿದೆ.
ಸೆನ್ಸಾರ್ ಅಂಗಳಕ್ಕೆ ಕಾಲಿಟ್ಟಾಗಿನಿಂದಲೂ 'ರಿಂಗ್ ರೋಡ್ ಸುಮ' ಚಿತ್ರ ಶೀರ್ಷಿಕೆ ಸಮಸ್ಯೆ ಎದುರಿಸುತ್ತಿದೆ. 'ರಿಂಗ್ ರೋಡ್ ಶುಭ' ಅಂತಿದ್ದ ಟೈಟಲ್ ಗೆ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಗ್ರೀನ್ ಸಿಗ್ನಲ್ ಕೊಡ್ಲಿಲ್ಲ. ['ರಿಂಗ್ ರೋಡ್ ಸುಮ' ಆದ ರಿಂಗ್ ರೋಡ್ ಶುಭ]
ಹಂತಕಿ ಶುಭಗೂ ಮತ್ತು ಚಿತ್ರಕಥೆಗೂ ಸಂಬಂಧವಿರಬಹುದು ಅನ್ನುವ ಕಾರಣಕ್ಕೆ ಸಿನಿಮಾ ವಿವಾದಕ್ಕೀಡಾಗಬಾರದು ಅಂತ ಫಿಲ್ಮ್ ಚೇಂಬರ್ 'ರಿಂಗ್ ರೋಡ್' ಅಂತ ಶೀರ್ಷಿಕೆ ಮಾತ್ರ ಇಟ್ಟುಕೊಳ್ಳುವಂತೆ ನಿರ್ದೇಶಕಿ ಪ್ರಿಯಾ ಬೆಳ್ಳಿಯಪ್ಪಗೆ ಸೂಚಸಿತ್ತು.
ಅದರಂತೆ 'ರಿಂಗ್ ರೋಡ್' ಅಂತಲೇ ಟೈಟಲ್ ಇಟ್ಟು ಸೆನ್ಸಾರ್ ಮಂಡಳಿಯಿಂದ U/A ಸರ್ಟಿಫಿಕೇಟ್ ಕೂಡ ಚಿತ್ರತಂಡ ಪಡೆದುಕೊಂಡಿದೆ. ಅಲ್ಲಿಗೆ, ಎಲ್ಲವೂ ಸರಿ ಆಯ್ತಲ್ಲ ಅನ್ನೋಷ್ಟರಲ್ಲಿ ಈಗ ಬಿಡುಗಡೆ ಆಗಿರುವ ಹೊಸ ಪೋಸ್ಟರ್ ಗಳು ವಿವಾದ ಉಂಟುಮಾಡುತ್ತಿವೆ.
ಈಗ ರಿಲೀಸ್ ಆಗಿರುವ ಪೋಸ್ಟರ್ ನಲ್ಲಿ 'ರಿಂಗ್ ರೋಡ್' ಅನ್ನುವ ಟೈಟಲ್ ಕೆಳಗೆ 'ಸುಮಳ ಕಥೆ' ಅನ್ನುವ ಟ್ಯಾಗ್ ಲೈನ್ ಇದೆ. ಇದು ವಾಣಿಜ್ಯ ಮಂಡಳಿ ಮತ್ತು ಸೆನ್ಸಾರ್ ಮಂಡಳಿಯ ಕಣ್ಣು ಕೆಂಪಾಗುವಂತೆ ಮಾಡಿದೆ. [ಜುಲೈ 10ಕ್ಕೆ 'ರಿಂಗ್ ರೋಡ್' ಲೋಕಾರ್ಪಣೆ..! ]
''ರಿಂಗ್ ರೋಡ್' ಅಂತ ಟೈಟಲ್ ಇಟ್ಟುಕೊಳ್ಳುವುದಕ್ಕೆ ಮಾತ್ರ ಅನುಮತಿ ಕೊಟ್ಟಿದ್ವಿ. ಟ್ಯಾಗ್ ಲೈನ್ ಕೂಡ ಇಡಬಾರದು ಅಂತ ನಿರ್ದೇಶಕಿ ಪ್ರಿಯಾ ಬೆಳ್ಳಿಯಪ್ಪ ಅವರಿಗೆ ಹೇಳಿದ್ವಿ. ಆದರೂ, ಈಗ ಸುಮ ಅಂತ ಇಟ್ಟಿದ್ದಾರೆ. ಸೆನ್ಸಾರ್ ನಿಂದ 'ರಿಂಗ್ ರೋಡ್' ಟೈಟಲ್ ನಡಿಯಲ್ಲಿ ಸರ್ಟಿಫಿಕೇಟ್ ತೆಗೆದುಕೊಂಡು ಈಗ ಯಾಕೆ ಸುಮ ಅಂತ ಸೇರಿಸಿದರು'' ಅಂತ 'ಫಿಲ್ಮಿಬೀಟ್ ಕನ್ನಡ'ಗೆ ಫಿಲ್ಮ್ ಚೇಂಬರ್ ಕಾರ್ಯದರ್ಶಿ ಬಾಮಾ ಗಿರೀಶ್ ಪ್ರಶ್ನಿಸುತ್ತಾರೆ.
ಈ ಬಗ್ಗೆ ಪ್ರತಿಕ್ರಿಯೆ ನೀಡುವುದಕ್ಕೆ ಪ್ರಿಯಾ ಬೆಳ್ಳಿಯಪ್ಪ ಸಂಪರ್ಕಕ್ಕೆ ಸಿಗುತ್ತಿಲ್ಲ. ಒಂದ್ವೇಳೆ ಸೆನ್ಸಾರ್ ಮಂಡಳಿ ಕೆಂಗಣ್ಣಿಗೆ ಗುರಿಯಾದರೆ, ಜುಲೈ 10 ರಂದು ದುನಿಯಾ ವಿಜಯ್, ನಿಖಿತಾ ತುಕ್ರಾಲ್, ಖುಷಿ ಮುಖ್ಯಭೂಮಿಕೆಯಲ್ಲಿರುವ ಮಹಿಳೆಯರೇ ಕೂಡಿ ಮಾಡಿರುವ ಈ ಚಿತ್ರ ಬಿಡುಗಡೆ ಕಷ್ಟಕಷ್ಟ. (ಫಿಲ್ಮಿಬೀಟ್ ಕನ್ನಡ)