Don't Miss!
- Finance Tumakuru namma metro: ಮಾದಾವರದಿಂದ ತುಮಕೂರು ಮೆಟ್ರೋ ಕಾರಿಡಾರ್ ಅಪಡೇಟ್
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- News Srivari Seva: ತಿರುಮಲ ಶ್ರೀವಾರಿಯ ಸೇವಕರಾಗಲು ಒಂದು ಅದ್ಭುತ ಅವಕಾಶ.. ಕೂಡಲೇ ಬುಕ್ ಮಾಡಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಫೋಟೋಗಳು: ರಿಷಬ್ ಮಗನ ಹಳ್ಳಿ ಶೈಲಿ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳು ಫಿದಾ
ಸಿನಿ ಸೆಲೆಬ್ರಿಟಿಗಳು ಸದ್ಯ ವಿಶ್ರಾಂತಿ ಮೂಡಿನಲ್ಲಿದ್ದಾರೆ. ಲಾಕ್ ಡೌನ್ ನಿಂದ ಅನೇಕರು ತಮ್ಮ ತಮ್ಮ ಊರು ಸೇರಿಕೊಂಡಿದ್ದಾರೆ. ಸ್ಯಾಂಡಲ್ ವುಡ್ ನ ನಿರ್ದೇಶಕ ಮತ್ತು ನಟ ರಿಷಬ್ ಶೆಟ್ಟಿ ಸಹ ತಮ್ಮ ಹುಟ್ಟೂರಿನಲ್ಲಿದ್ದು ಮಗನ ಜೊತೆ ಕಾಲಕಳೆಯುತ್ತಿದ್ದಾರೆ.
ಇದೆ ಸಮಯದಲ್ಲಿ ರಿಷಬ್ ಮಗನ ಹುಟ್ಟುಹಬ್ಬವನ್ನು ಯಾವುದೆ ಆಡಂಬರವಿಲ್ಲದೆ ಜೋರಾಗಿ ಸಂಭ್ರಮಿಸಿದ್ದಾರೆ. ಪಕ್ಕ ಹಳ್ಳಿ ಶೈಲಿಯಲ್ಲಿ ಹುಟ್ಟುಹಬ್ಬ ಆಚರಣೆ ಮಾಡಿ ಸಂತಸ ಪಟ್ಟಿದ್ದಾರೆ. ಕುಟುಂಬದ ಜೊತೆ ರಿಷಬ್ ಅಡಿಕೆ ತೋಟದಲ್ಲಿ ಮಗ ರಣ್ವಿತ್ ಶೆಟ್ಟಿ ಬರ್ತಡೇ ಮಾಡಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಹಳ್ಳಿ ಸೊಡಗಿನ ಹುಟ್ಟುಹಬ್ಬ
ರಿಷಬ್ ಶೆಟ್ಟಿ ದಂಪತಿ ಮಗನ ಹುಟ್ಟುಹಬ್ಬವನ್ನು ಅಡಿಕೆ ತೋಟದ ಮಧ್ಯೆ ಆಚರಣೆ ಮಾಡಿದ್ದಾರೆ. ತೋಟದಲ್ಲಿ ಸಿಗುವ ವಸ್ತುಗಳನ್ನೆ ಬಳಸಿಕೊಂಡು ಸುಂದರವಾಗಿ ಡೆಕೊರೇಷನ್ ಕೂಡ ಮಾಡಿದ್ದಾರೆ. ಇನ್ನೂ ಮನೆಯಲ್ಲಿಯೇ ವಿಶೇಷವಾದ ಕೇಕ್ ಅನ್ನು ತಯಾರಿಸಲಾಗಿದೆ.
ತೆಂಗು, ಅಡಿಕೆಯಿಂದ ಸಿಂಗಾರಗೊಂಡಿದ್ದ ವೇದಿಕೆ
ಯಾವುದೆ ಆಡಂಬರ ವಿಲ್ಲದೆ ತೋಟದಲ್ಲಿಯೆ ಸಿಗುವ ತೆಂಗು, ಅಡಿಕೆ ಗೊನೆ, ಹಲಸಿನ ಹಣ್ಣು, ಬಾಳೆಯಿಂದ ವೇದಿಕೆ ಸಿಂಗಾರ ಮಾಡಲಾಗಿದೆ. ಈ ಸುಂದರ ಪ್ರಕೃತಿಯ ನಡುವೆ ಮುದ್ದು ಮಗ ರಣ್ವಿತ್ ಶೆಟ್ಟಿಯ ಒಂದು ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿದ್ದಾರೆ.
ಕಾಡಿನ ಹೂಗಳ ಘಮವಿತ್ತು
ವಿಶೇಷ ಅಂದರೆ ಯಾವುದೆ ಕೃತಕ ಹೂಗಳ ಅಲಂಕಾರವಿರಲಿಲ್ಲ. ಬರ್ತಡೇ ತುಂಬಾ ಕಾಡಿನ ಹೂಗಳ ಘಮವಿತ್ತು. ಜೊತೆಗೆ ಕಾಡಿನ ಹಣ್ಣುಗಳ ಸುಂಗಧ, ಮೊದಲ ಮಳೆಯ ಸಂಭ್ರಮ ನೋಡಿದರೆ ಸಾಕ್ಷಾತ್ ಸ್ವರ್ಗವೆ ಧರೆಗಿಳಿದಹಾಗಿದೆ. ಸುಂದರ ಪ್ರಕೃತಿಯ ನಡುವೆ ಮರೆಯಲಾಗದ ಹುಟ್ಟುಹಬ್ಬವನ್ನು ಆಚರಣೆ ಮಾಡಿದ್ದಾರೆ.
ಪ್ರೀತಿಪಾತ್ರರ ನಡುವೆ ಸಂಭ್ರಮಿಸಿದ ರಿಷಬ್
ಲಾಕ್ ಡೌನ್ ಕಾರಣ ಸ್ನೇಹಿತರು, ಕುಟುಂಬದವರು ಯಾರು ಹುಟ್ಟುಹಬ್ಬದ ಸಂಭ್ರಮದಲ್ಲಿ ಭಾಗಿಯಾಗಲು ಸಾಧ್ಯವಿಲ್ಲ. ಹಾಗಾಗಿ ಕೆಲವೇ ಕೆಲವು ಪ್ರೀತಿ ಪಾತ್ರರ ನಡುವೆ ಹುಟ್ಟುಹಬ್ಬ ಸಂಭ್ರಮಿಸಿದ್ದಾರೆ.
ಎಲ್ಲರ ಪ್ರೀತಿ ತುಂಬಿದ ಹಾರೈಕೆ ಇರಲಿ ಎಂದು ರಿಷಬ್
"ಮುದ್ದು ಕಂದ ರಣ್ವಿತ್ ನ ಮೊದಲ ವರ್ಷದ ಹುಟ್ಟುಹಬ್ಬ. ಕೊರೊನಾ ಕಾರಣದಿಂದ ಯಾವುದೇ ಆಡಂಬರ ಇಲ್ಲದೇ ನಾ ಹುಟ್ಟಿ ಬೆಳೆದ ಮನೆಯಲ್ಲಿ, ಹಳ್ಳಿ ಸೊಗಡಿನ ಅಲಂಕಾರ ತೆಂಗು, ಅಡಿಕೆಯ ಹಿಂಗಾರ, ನಡುವೆ ಬಾಳೆಯ ಸಿಂಗಾರ. ಅಲ್ಲಲ್ಲಿ ಕಾಡಿನ ಹೂ ಹಣ್ಣುಗಳ ಸುಗಂಧ, ಮೊದಲ ಮಳೆಯ ಸಂಭ್ರಮದಲ್ಲಿ ನಮ್ಮ ಕೆಲವೇ ಪ್ರೀತಿ ಪಾತ್ರರ ಜೊತೆ ಆಚರಿಸಲಾಯಿತು. ನಿಮ್ಮೆಲ್ಲರ ಪ್ರೀತಿ ತುಂಬಿದ ಹಾರೈಕೆ ನನ್ನ ಮುದ್ದು ಮಗನ ಮೇಲಿರಲಿ" ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.
ಹಳ್ಳಿ ಶೈಲಿ ಹುಟ್ಟುಹಬ್ಬ ಆಚರಣೆ ಅಭಿಮಾನಿಗಳು ಫಿದಾ
ರಿಷಬ್ ಶೆಟ್ಟಿ ಮಗನ ಹಳ್ಳಿ ಶೈಲಿಯ ಹುಟ್ಟುಹಬ್ಬ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಡೆಕೋರೇಷನ್, ಪ್ರಕೃತಿ ಸೌಂದರ್ಯ, ಕಾಡಿನ ಹೂ, ಹಣ್ಣು, ಹಾಳೆಯ ಟೊಪ್ಪಿ, ಸಂಭ್ರಮ ನೋಡಿ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿ ಶುಭಾಶಯ ತಿಳಿಸುತ್ತಿದ್ದಾರೆ.