ಲಾಕ್‌ಡೌನ್‌ ಅವಧಿಯಲ್ಲಿ ಹೊಸ ಸಿನಿಮಾ ಮಾಡಿ ಮುಗಿಸಿದ ರಿಷಬ್ ಶೆಟ್ಟಿ

ಸೆಪ್ಟೆಂಬರ್ 10ಕ್ಕೆ ಫಸ್ಟ್ ಲುಕ್

ಕೊರೊನಾ ಲಾಕ್‌ಡೌನ್‌ನಿಂದ ಎಲ್ಲರೂ ಕೈಕಟ್ಟಿ ಸುಮ್ಮನಿದ್ದ ಸಮಯದಲ್ಲಿ ರಿಷಬ್ ಶೆಟ್ಟಿ ಒಂದು ಸಿನಿಮಾವನ್ನೇ ಮಾಡಿ ಮುಗಿಸಿದ್ದಾರೆ. ಈ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಮತ್ತು ಚಿತ್ರದ ಶೀರ್ಷಿಕೆ ಏನು ಎಂದು ಸೆಪ್ಟೆಂಬರ್ 10 ರಂದು ಬಹಿರಂಗಪಡಿಸಲಿದ್ದಾರೆ. ಅದಕ್ಕೊಂದು ಪ್ರೋಮೋ ಸಹ ಬಿಡುಗಡೆ ಮಾಡಿದ್ದಾರೆ.

ಸರ್ಪ್ರೈಸ್ ಪ್ಯಾಕೇಜ್

ರಿಷಬ್ ಶೆಟ್ಟಿ ಇಂತಹದೊಂದು ಸಿನಿಮಾ ಮಾಡ್ತಿದ್ದಾರೆ, ಶೂಟಿಂಗ್ ನಡೆಯುತ್ತಿದೆ, ಇವರೆಲ್ಲ ಆಕ್ಟ್ ಮಾಡ್ತಿದ್ದಾರೆ ಎಂದು ಇದುವರೆಗೂ ಯಾರಿಗೂ ತಿಳಿದಿರಲಿಲ್ಲ. ಇಡೀ ಚಿತ್ರರಂಗದ ಶೂಟಿಂಗ್ ಮತ್ತೆ ಆರಂಭಿಸಲು ಸಿದ್ಧತೆ ನಡೆಸುತ್ತಿದೆ. ಆದರೆ, ರಿಷಬ್ ಶೆಟ್ಟಿ ಶೂಟಿಂಗ್ ಮಾಡಿ ರಿಲೀಸ್ ಗೆ ಸಿದ್ಧವಾಗಿಬಿಟ್ಟಿದ್ದಾರೆ.

ನಾಳೆ ಮತ್ತೆ ಭೇಟಿಯಾಗೋಣ

'ಸರ್ಪ್ರೈಸ್ ಅಂತ ಹಾಕಿದ್ವಲ್ಲ... ಅದ್ಕೆ ಸ್ವಲ್ಪ ಬೇಗನೇ ಬಂದ್ವಿ. ಸಾರಿ...ಜಾಸ್ತಿ ದಿನ ಮನೇಲಿ ಸುಮ್ಮ್ನೆ ಕುತ್ಕೊಳ್ಳೊಕ್ ಆಗ್ದೆ ಸಿನೆಮಾ ಮಾಡ್ಕೊಂಡ್ ಬಂದಿದ್ದೀವಿ, ಅದ್ನ ಹೇಳೋಣ ಅಂತ ಬಂದಿದ್ದು. ಟೈಟಲ್, ಫಸ್ಟ ಲುಕ್ ಹಾಗೂ ಉಳಿದ ವಿವರಗಳೊಂದಿಗೆ ನಾಳೆ ಮತ್ತೆ ಭೇಟಿಯಾಗೋಣ' ಎಂದಿದ್ದಾರೆ.

Recommended Video

ಧನ್ವೀರ್ ಯಶಸ್ಸು ನೋಡಿ ಖುಷಿಪಟ್ಟ ಸ್ನೇಹಿತ | Filmibeat Kannada

ರಿಷಬ್ ಮಾಡುತ್ತಿರುವ ಚಿತ್ರಗಳ ವಿವರ

ನಾತುರಾಮ್, ಮಹನಿಯರೇ ಮಹಿಳೆಯರೇ, ಕೌ ಬಾಯ್ ಕೃಷ್ಣ, ಗರುಡ ಗಮನ ವೃಷಭ ವಾಹನ, ಹರಿಕಥೆ ಅಲ್ಲ ಗಿಣಿ ಕಥೆ, ಬೆಲ್‌ ಬಾಟಂ 2 ಹಾಗೂ ಇನ್ನು ಹೆಸರಿಡದ ಎರಡು ಚಿತ್ರಗಳಲ್ಲಿ ರಿಷಬ್ ಶೆಟ್ಟಿ ನಟಿಸುತ್ತಿದ್ದಾರೆ. ಇದರ ಜೊತೆ ರುದ್ರಪ್ರಯಾಗ ಎಂಬ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.