Kantara Teaser : ಕಾಂತಾರ, ದೆವ್ವದ ಕಥೆ ಹೇಳುತ್ತಿದ್ದಾರಾ ರಿಷಬ್ ಶೆಟ್ಟಿ?

ಪ್ರಾಂತೀಯ ಸೊಗಡು ಸಾರುವ 'ಕಾಂತಾರ'!

'ಕಾಂತಾರ' ಟ್ರೈಲರ್ ನೋಡಿದರೆ,‌‌ ಒಂದು ಸಂಸ್ಕ್ರತಿಯನ್ನು ಬಿಂಬಿಸುತ್ತದೆ. ಒಂದು ಪ್ರಾಂತ್ಯದ ಜನರ ಜೀವನ, ಕಟ್ಟು ಪಾಡುಗಳನ್ನು ಹೇಳಲು ಹೊರಟಿದ್ದಾರೆ ಎನ್ನುವುದನ್ನು ಟೀಸರ್ ರಿವೀಲ್ ಮಾಡಿದೆ. ಇದರೊಂದಿಗೆ ಒಂದಷ್ಟು, ದ್ವೇಷ, ಜಗಳ, ಪ್ರೀತಿ, ಹೀರೊಯಿಸಂ ಕೂಡ ಜಾಗ ಪಡೆದುಕೊಂಡಿದೆ. ರಿಷಬ್ ಶೆಟ್ಟಿಯ ಸಿಂಪಲ್ ಎಂಟ್ರಿ, ಮ್ಯಾನರಿಸಂ ಗಮನ ಸೆಳೆಯುತ್ತಿದೆ.

ಹೋರಾಟದ ಕಥೆ ಇರುವ ಸೂಚನೆ!

ಟೀಸರ್‌ನಲ್ಲಿ ರಿವೀಲ್ ಆಗಿರುವ ಮತ್ತೊಂದು ವಿಚಾರ ಅಂದರೆ, ತಮ್ಮ ಉಳಿವಿಗಾಗಿ ವ್ಯವಸ್ಥೆ ವಿರುದ್ಧ ಹೊರಡುವ ಕಥೆ ಎನ್ನುವುದು. ಪೋಲಿಸ್ ‌ಪಾತ್ರಧಾರಿ ಕಿಶೋರ್, ಕಾಡು ಮಕ್ಕಳ ಅವಲಂಬನೆಗೆ ಅಡ್ಡಿ ಆಗುತ್ತಾರೆ. ಆದರೆ ಅದನ್ನು ಎದುರಿಸಿ, ಹೋರಾಡುವ ಪಾತ್ರದಲ್ಲಿ ಹೀರೊ ರಿಷಬ್ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ಈ ಅಂಶಗಳು ಇತ್ತೀಚೆಗೆ ಬಂದ ಕನ್ನಡ ಚಿತ್ರಗಳ ಸಾಲಿನಲ್ಲಿ ಭಿನ್ನವಾಗಿ ನಿಲ್ಲುತ್ತದೆ. ಹೊಸದು ಎನಿಸುತ್ತದೆ.

'ಕಾಂತಾರ' ದೆವ್ವದ ಕಥೆನಾ?

ಇನ್ನು 'ಕಾಂತಾರ' ನೇರವಾಗಿ ಚಿತ್ರದ ಬಗ್ಗೆ ಸುಳಿವು ಕೊಟ್ಟಿರೋದು ಮಾತ್ರ ಅಲ್ಲ. ಕೊನೆಯಲ್ಲಿ ಸಸ್ಪೆನ್ಸ್ ಕೂಡ ಇಡಲಾಗಿದೆ. ಟೀಸರ್ ಒಂದು ಫೀಲ್‌ನಲ್ಲಿ ಕರೆದುಕೊಂಡು ಹೋಗುತ್ತಾ ಇರುತ್ತದೆ. ಆದರೆ ಕೊನೆಯಲ್ಲಿ ಇಟ್ಟಿರುವ ಟ್ವಿಸ್ಟ್ ಇದು ದೆವ್ವದ ಸಿನಿಮಾ ಇರ ಬಹುದಾ? ಅಥವಾ ಇಲ್ಲೂ ಏನಾದರೂ ಟ್ವಿಸ್ಟ್ ಇದೆಯಾ? ಎನ್ನುವ ಸಂದೇಹ ಮೂಡುತ್ತದೆ.

ಇದೇ ವರ್ಷ 'ಕಾಂತಾರ' ರಿಲೀಸ್!

'ಕಾಂತಾರ'ದ ಮೂಲಕ ನಿರ್ದೇಶಕ ‌ರಿಷಬ್ ಶೆಟ್ಟಿ ಹೊಸ ಕಥೆಯನ್ನು ದೊಡ್ಡ ಪರದೆ ಮೇಲೆ ತರಲು ಹೊರಟಿದ್ದಾರೆ. ಟೀಸರ್‌ನಲ್ಲೇ ಜಾದು ಮಾಡಿರುವ ರಿಷಬ್ ಶೆಟ್ಟಿ ಇನ್ನು ಚಿತ್ರದಲ್ಲಿ ಏನೆಲ್ಲಾ ಇಟ್ಟಿರಬಹುದು ಎನ್ನುವ ಕುತೂಹಲ ಮೂಡಿದೆ‌. ಸದ್ಯ ಟೀಸರ್ ರಿಲೀಸ್ ಆಗಿದ್ದು,ಇದು ಕನ್ನಡದ ಒಂದು ಯಶಸ್ವಿ ಚಿತ್ರ ಆಗುತ್ತದೆ ಎನ್ನುವ ಸೂಚನೆ ಕೊಟ್ಟಿದೆ.