ಶಿವರಾಜ್ ಕುಮಾರ್ ಬರ್ತಡೇಗೆ ಮುಂಚೆಯೇ ಬ್ಲಾಸ್ಟಿಂಗ್ ಸುದ್ದಿ

ಶಿವಣ್ಣ ಜೊತೆ ರಿಷಭ್ ಶೆಟ್ಟಿ ಸಿನಿಮಾ

'ಭಜರಂಗಿ-2' ಬಿಡುಗಡೆಗೆ ಸಜ್ಜಾಗಿದೆ. ವಿಜಯ್ ಮಿಲ್ಟನ್ ಜೊತೆ ಹೊಸ ಸಿನಿಮಾ ಚಿತ್ರೀಕರಣ ಮಾಡಲಾಗುತ್ತಿದೆ. ಈ ನಡುವೆ 126ನೇ ಸಿನಿಮಾದ ಕುರಿತು ಹೊಸ ಸುದ್ದಿ ಹೊರಬಿದ್ದಿದೆ. ಸದ್ಯದ ಮಾಹಿತಿ ಪ್ರಕಾರ ಶಿವಣ್ಣನ 126ನೇ ಚಿತ್ರಕ್ಕೆ ರಿಷಭ್ ಶೆಟ್ಟಿ ನಿರ್ದೇಶನ ಮಾಡಲಿದ್ದಾರಂತೆ.

ಜಯಣ್ಣ ಜೊತೆ ಮತ್ತೆ ಸಿನಿಮಾ

'ಭಜರಂಗಿ-2' ಚಿತ್ರ ನಿರ್ಮಾಣ ಮಾಡಿರುವುದು ಜಯಣ್ಣ-ಭೋಗೇಂದ್ರ. ಈ ನಿರ್ಮಾಪಕರ ಜೊತೆ ಮತ್ತೊಂದು ಸಿನಿಮಾ ಮಾಡಲು ಕರುನಾಡ ಚಕ್ರವರ್ತಿ ನಿರ್ಧರಿಸಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ. ಈ ಸಿನಿಮಾದ ಕುರಿತು ಹೆಚ್ಚಿನ ಮಾಹಿತಿ ಹುಟ್ಟುಹಬ್ಬದ ದಿನ ಸಿಗುವ ಸಾಧ್ಯತೆ ಇದೆ.

ಎಸ್‌ಆರ್‌ಕೆ ಮಾಡಬೇಕಿದೆ

ಶಿವಣ್ಣ ಸಂಬಂಧಿ ಲಕ್ಕಿ ಗೋಪಾಲ್ ಜೊತೆ 'ಎಸ್‌ಆರ್‌ಕೆ' ಸಿನಿಮಾ ಮಾಡಬೇಕಿದೆ. ಈ ಸಿನಿಮಾ ಅಧಿಕೃತವಾಗಿ ಆರಂಭವಾಗಿತ್ತು. ಕಿರಣ್ ಕುಮಾರ್ ಸಿ ಗೌಡ ಮತ್ತು ಅರವಿಂದ್ ಬಿ ಗೌಡ ಈ ಚಿತ್ರ ನಿರ್ಮಾಣ ಮಾಡುತ್ತಿದ್ದಾರೆ. ಈ ಸಿನಿಮಾದ ಅಪ್‌ಡೇಟ್ ಸಹ ಸಿಗಬೇಕಿದೆ.

ಹರ್ಷ ಜೊತೆ ಇನ್ನೊಂದು ಚಿತ್ರ

ಹರ್ಷ ಜೊತೆ ನಟ ಶಿವರಾಜ್ ಕುಮಾರ್ ಇನ್ನೊಂದು ಸಿನಿಮಾ ಮಾಡಲಿದ್ದಾರೆ. ಭಜರಂಗಿ 2 ಮುಗಿಸಿರುವ ಚಿತ್ರತಂಡ ಬಿಡುಗಡೆಗೆ ಸಜ್ಜಾಗಿದೆ. ಈ ಪ್ರಾಜೆಕ್ಟ್ ಆದ್ಮೇಲೆ ಶಿವಣ್ಣ ಮತ್ತೊಮ್ಮೆ ಹರ್ಷ ಜೊತೆ ಕೈ ಜೋಡಿಸಿದ್ದು, ಆ ಚಿತ್ರಕ್ಕೆ 'ವೇದ' ಎಂದು ಹೆಸರಿಡಲಾಗಿದೆ. ಇದು ಶಿವಣ್ಣನ 125ನೇ ಸಿನಿಮಾ.