ಲೈಂಗಿಕ ದೌರ್ಜನ್ಯ ವಿರುದ್ಧದ Metoo ಬಗ್ಗೆ ರಿಷಬ್ ಹೇಳೋದೆ ಬೇರೆ

ಘಟನೆ ನಡೆದಾಗಲೇ ಹೇಳಬೇಕು

''Metoo ಅಭಿಯಾನದ ಬಗ್ಗೆ ನನಗೆ ಐಡಿಯಾ ಇಲ್ಲ. ಅದರ ಬಗ್ಗೆ ಅಭಿಯಾನ ಮಾಡುವವರಿಗೆ ನಾನು ಹೇಳುವುದು ಏನೆಂದರೆ, ಇದೊಂದು ಸೀಸನ್... ಪ್ರತಿ ಸಲ ಕೂಡ ಒಂದೊಂದು ಹ್ಯಾಶ್ ಟ್ಯಾಗ್ ಹಾಕಿ ಒಂದು ಸೀಸನ್ ಬರುತ್ತವೆ. ಮೀಟೂ ಬಂದಿದೆ ಎಂದು ಈಗ ಅದನ್ನು ಹೇಳುವ ಬದಲು ತಮ್ಮ ಮೇಲೆ ಆ ರೀತಿಯ ಘಟನೆ ನಡೆದಾಗಲೇ ಹೇಳಬೇಕು.'' - ರಿಷಬ್ ಶೆಟ್ಟಿ, ನಿರ್ದೇಶಕ

ಫಲಿತಾಂಶ ಕೂಡ ಬೇಗ ಸಿಗುತ್ತದೆ

''ಘಟನೆಗಳು ನಡೆದ ಕೂಡಲೇ ಹೇಳಿದರೆ ಅದಕ್ಕೆ ಫಲಿತಾಂಶ ಕೂಡ ಬೇಗ ಸಿಗುತ್ತದೆ. ಟ್ರೆಂಡ್ ಆಗಲಿ.. ವಿಷಯ ಈಗ ಆಚೆ ಬರಲಿ.. ಎಂದು ಹೇಳುವುರಿಂದ ಮೀಡಿಯಾ ಅವಕಾಶ ಸಿಗಬಹುದು, ನಾವೂ ಹ್ಯಾಶ್ ಟ್ಯಾಗ್ ಹಾಕಿಕೊಂಡು ಹೋಗಬಹುದು ಅಷ್ಟೇ.'' - ರಿಷಬ್ ಶೆಟ್ಟಿ, ನಿರ್ದೇಶಕ

ಘಟನೆ ಆದಗಲೇ ಮೀಡಿಯಾ ಬಳಿ ಹೇಳಬೇಕು

''ಎಲ್ಲೋ ಏನಾದರೂ ಆಯ್ತು ಎಂದ ತಕ್ಷಣ ಅದಕ್ಕೆ ಪ್ರತಿಕ್ರಿಯೆ ನೀಡುತ್ತಾ ತಮ್ಮ ಜಾಗವನ್ನು ಸೃಷ್ಟಿ ಮಾಡುತ್ತಾರೆ. ಯಾವಾಗಲೋ 10 ವರ್ಷ ಬಿಟ್ಟು ಹೇಳುವುದಕ್ಕಿಂತ ಘಟನೆ ಆದಗಲೇ ಮೀಡಿಯಾ ಬಳಿ ಹೇಳಬೇಕು. ಆಗಲೇ ಕೇಸ್ ಹಾಕಿದರೆ ತಕ್ಷಣ ಪ್ರತಿಕ್ರಿಯೆ ಸಿಗುತ್ತದೆ. ಆಗಾಗ ಆಗುವ ಕೆಲಸಗಳನ್ನು ಆಗಲೇ ಮಾಡಿದರೆ ಒಳ್ಳೆಯದು ಅಂತ ಅನಿಸುತ್ತದೆ. - ರಿಷಬ್ ಶೆಟ್ಟಿ, ನಿರ್ದೇಶಕ

50ನೇ ದಿನದ ಸಂಭ್ರಮಾಚರಣೆಯಲ್ಲಿ

ರಿಷಬ್ ಶೆಟ್ಟಿ ನಿರ್ದೇಶನದ 'ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು' ಸಿನಿಮಾದ 50ನೇ ದಿನದ ಸಂಭ್ರಮಾಚರಣೆ ಕಾರ್ಯಕ್ರಮ ನಿನ್ನೆ ನಡೆಯಿತು. ಈ ಕಾರ್ಯಕ್ರಮದ ವೇಳೆ ಮಾಧ್ಯಮದಿಂದ ಬಂದ ಮೀಟೂ ಅಭಿಯಾನದ ಪ್ರಶ್ನೆಗೆ ರಿಷಬ್ ಈ ರೀತಿ ಉತ್ತರ ನೀಡಿದರು.

ಯಾರು ಹೆಚ್ಚಾಗಿ ಪ್ರತಿಕ್ರಿಯೆ ನೀಡಿಲ್ಲ

ರಘು ದೀಕ್ಷಿತ್ ತಮ್ಮ ಮೇಲೆ ಆದ ಆರೋಪಕ್ಕೆ ಪ್ರತಿಕ್ರಿಯೆ ನೀಡಿದರು. ಆದಾದ ಮೇಲೆ ಐಂದ್ರಿತಾ ರೇ ಹಾಗೂ ರಿಷಬ್ ಶೆಟ್ಟಿ ಮೀಟೂ ಅಭಿಯಾನದ ಬಗ್ಗೆ ಪ್ರತಿಕ್ರಿಯೆ ನೀಡಿದರು. ಇವರನ್ನು ಬಿಟ್ಟರೆ ಕನ್ನಡದಲ್ಲಿ ಹೆಚ್ಚಾಗಿ ಯಾರು ಈ ಅಭಿಯಾನದ ಬಗ್ಗೆ ಮಾತನಾಡಿಲ್ಲ.