Don't Miss!
- News ಮಂಡ್ಯ ಅಖಾಡಕ್ಕೆ ದಳಪತಿ ಎಂಟ್ರಿ: ಕಾಂಗ್ರೆಸ್ನಲ್ಲಿರುವ ನೀವು ಏನು?- ಸಿದ್ದರಾಮಯ್ಯ ವಿರುದ್ಧ ಕುಮಾರಸ್ವಾಮಿ ವಾಗ್ದಾಳಿ
- Finance ಬೆಂಗಳೂರಿನಲ್ಲಿ ನೀರಿನ ಬಿಕ್ಕಟ್ಟು: ಐಟಿ ಕಂಪೆನಿಗಳನ್ನು ಕೇರಳಕ್ಕೆ ಆಹ್ವಾನಿಸಿದ ಸಚಿವ
- Automobiles ಇದು ಮಹೀಂದ್ರಾ ಥಾರ್ ಹೊಸ ಅಧ್ಯಾಯ: ಸ್ವಾತಂತ್ರ್ಯ ದಿನದಂದು 5-ಡೋರ್ ಅವತಾರದಲ್ಲಿ ಲಗ್ಗೆ
- Sports IPL 2024: 14 ವರ್ಷಗಳ ಹಿಂದಿನ ಬೃಹತ್ ಐಪಿಎಲ್ ದಾಖಲೆಯನ್ನು ಮುರಿದ SRH vs MI ಪಂದ್ಯ
- Technology ಇಂದು ಪೊಕೊ C61 ಫೋನಿನ ಫಸ್ಟ್ ಸೇಲ್!..ಬೆಲೆ, ಆಫರ್ ಮಾಹಿತಿ ಇಲ್ಲಿದೆ
- Lifestyle ಕೈಗೆ ಹಿಡಿದ ಬಣ್ಣ ತೆಗಿಯೋದು ತುಂಬಾ ಸಿಂಪಲ್..! ಇಂಥಾ ಪ್ರತಿಭೆ ನೀವೆಲ್ಲೂ ನೋಡಿರಲ್ಲ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಂಬರೀಶ್ ಕೈಲಿ ಏಟು ತಿಂದಿದ್ದರು ನಟ ರಿಶಿ ಕಪೂರ್!
ಬಾಲಿವುಡ್ ನಟ ರಿಶಿ ಕಪೂರ್ ಇಂದು ಅಗಲಿದ್ದಾರೆ. ಅಪಾರ ಅಭಿಮಾನಿ ವರ್ಗವನ್ನು ಅವರು ಬಿಟ್ಟು ಹೊರಟಿದ್ದಾರೆ.
Recommended Video
ನಟ ರಿಶಿ ಕಪೂರ್ ಗೆ ಕರ್ನಾಟಕದೊಂದಿಗೆ ಸಂಪರ್ಕ ಹೆಚ್ಚೇನೂ ಇರಲಿಲ್ಲವಾದರೂ, ಅವರು ಮಂಡ್ಯದ ಗಂಡು ಅಂಬರೀಶ್ ಕೈಯಲ್ಲಿ ಹೊಡೆತ ತಿಂದಿದ್ದರು ಎಂಬುದು ಕುತೂಹಲದ ವಿಷಯ.
ಬಾಲಿವುಡ್ ಸುರಸುಂದರ ರಿಶಿ ಕಪೂರ್ ಸಿನಿಮಾ ಯಾನದ ಹಿನ್ನೋಟ
ಅಂಬರೀಶ್ ಕೈಲಿ ಹೊಡೆತ ತಿಂದಿದ್ದರು ಹೌದು, ಆದರೆ ಅದು ಸಿನಿಮಾದಲ್ಲಿ. ಹೌದು, ಅಂಬರೀಶ್ ಮತ್ತು ರಿಶಿ ಕಪೂರ್ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದರು. ಆ ಸಿನಿಮಾ ನಿರ್ದೇಶಿಸಿದ್ದು, ಖ್ಯಾತ ನಿರ್ದೇಶಕ ಪುಟ್ಟಣ್ಣ ಕಣಗಾಲ್.
ಆ ಸಿನಿಮಾ ಯಾವುದು, ಯಾವ ಪಾತ್ರದಲ್ಲಿ ಅಂಬರೀಶ್ ನಟಿಸಿದ್ದರು, ವಿವರಗಳಿಗಾಗಿ ಮುಂದೆ ಓದಿ...
ರಿಶಿ ಕಪೂರ್-ಅಂಬರೀಶ್ ಒಟ್ಟಿಗೆ ನಟಿಸಿದ್ದರು
ಕನ್ನಡದ ಮಾಸ್ಟರ್ ಪೀಸ್ ಸಿನಿಮಾಗಳಲ್ಲಿ ಒಂದಾದ ನಾಗರಹಾವು ಸಿನಿಮಾವನ್ನು ಹಿಂದಿಯಲ್ಲಿ ನಿರ್ದೇಶಿಸಿದ್ದರು ಪುಟ್ಟಣ್ಣ ಕಣಗಾಲ್. ಅದೇ ಸಿನಿಮಾದಲ್ಲಿ ರಿಶಿ ಕಪೂರ್ ಮತ್ತು ಅಂಬರೀಶ್ ಒಟ್ಟಿಗೆ ನಟಿಸಿದ್ದರು.
ನಾಗರಹಾವು ಹಿಂದಿ ರೀಮೇಕ್
ಕನ್ನಡದ ನಾಗರಹಾವು ಸಿನಿಮಾ ಹಿಂದಿಯಲ್ಲಿ 'ಜೆಹರೀಲಾ ಇನ್ಸಾನ್' ಆಗಿ ತೆರೆಗೆ ಬಂದಿತ್ತು. ಕನ್ನಡದಲ್ಲಿ ವಿಷ್ಣುವರ್ಧನ್ ನಿರ್ವಹಿಸಿದ್ದ ಪಾತ್ರವನ್ನು ಹಿಂದಿಯಲ್ಲಿ ರಿಶಿ ಕಪೂರ್ ನಿರ್ವಹಿಸಿದ್ದರು. ಕನ್ನಡದಲ್ಲಿ ಜಲೀಲನಾಗಿದ್ದ ಅಂಬರೀಶ್ ಹಿಂದಿಯಲ್ಲಿಯೂ ಅದೇ ಪಾತ್ರ ನಿರ್ವಹಿಸಿದ್ದರು.
ಜತೆಯಾಗಿ ಯುದ್ಧದಲ್ಲಿ ಗೆಲ್ಲೋಣ: ರಿಷಿ ಕಪೂರ್ ಕೊನೆಯದಾಗಿ ಮಾಡಿದ್ದ ಟ್ವೀಟ್ ಇದು
ಮಾರ್ಗರೇಟ್ ಪಾತ್ರ ಮಾಡಿದ್ದು ರಿಶಿ ಪತ್ನಿ ನೀತು
ಇಲ್ಲಿ ಆರತಿ ನಿರ್ವಹಿದ್ದ ನಿರ್ವಹಿಸಿದ್ದ ಅಲಮೇಲು ಪಾತ್ರವನ್ನು ಹಿಂದಿಯಲ್ಲಿ ಮೊಶುಮಿ ಚಟರ್ಜಿ ಮಾಡಿದ್ದರು. ಮಾರ್ಗರೇಟ್ ಪಾತ್ರದಲ್ಲಿ ನೀತು ಅಭಿನಯಿಸಿದ್ದರು. ಇವರನ್ನೇ ನಂತರ ರಿಶಿ ಕಪೂರ್ ಮದುವೆಯಾದರು. ಚಾಮಯ್ಯ ಮೇಷ್ಟ್ರ ಮಾತ್ರವನ್ನು ಪ್ರಾಣ್ ನಿರ್ವಹಿಸಿದ್ದರೆ, ಪೈಲ್ವಾನ್ ಪಾತ್ರದಲ್ಲಿ ಅಭಿನಯಿಸಿದ್ದುದು ಧಾರಾ ಸಿಂಗ್.
ಬಾಕ್ಸ್ ಆಫೀಸ್ನಲ್ಲಿ ಮಕಾಡೆ ಮಲಗಿತು ಸಿನಿಮಾ
ಜೆಹರೀಲಾ ಇನ್ಸಾನ್ ಅಷ್ಟೇನೂ ಉತ್ತಮ ಪ್ರದರ್ಶನ ಕಾಣಲಿಲ್ಲ, ಬಾಕ್ಸ್ಆಫೀಸ್ ನಲ್ಲಿ ಹೀನಾಯವಾಗಿ ಸೋತಿತು. ಅಂಬರೀಶ್ ಅವರ ಕೊನೆಯ ಹಿಂದಿ ಸಿನಿಮಾ ಸಹ ಇದೇ ಆಯಿತು. ಅಂಬರೀಶ್ ಆ ನಂತರ ಬಾಲಿವುಡ್ ನತ್ತ ತಲೆ ಹಾಕಲಿಲ್ಲ.