ಎರಡೂವರೆ ತಿಂಗಳಿಂದ ಹಾಸಿಗೆ ಹಿಡಿರುವ ನಟಿ ರಿಷಿಕಾ ಸಿಂಗ್ ಸ್ಥಿತಿ ಈಗ ಹೇಗಿದೆ?

ಪಾರ್ಟಿ ಮುಗಿಸಿ ಮನೆಗೆ ವಾಪಸ್ ಆಗುವಾಗ ಅಪಘಾತ

ರಿಷಿಕಾ ಸಿಂಗ್ ಕುಟುಂಬದವರ ಜೊತೆ ಪಾರ್ಟಿ ಮುಗಿಸಿ ಕಾರಿನಲ್ಲಿ ವಾಪಸ್ ಮನೆಗೆ ಬರುವಾಗ ಯಲಹಂಕ ಮತ್ತು ಮಾವಳ್ಳಿ ಸಮೀಪ ಕಾರು ಅಪಘಾತವಾಗಿದೆ. ಕಾರಿನಲ್ಲಿ ಜೈ ಜಗದೀಶ್ ಪುತ್ರಿ ಸಹ ಇದ್ದರು. ಅಪಘಾತದ ಬಳಿಕ ತಕ್ಷಣವನ್ನು ರಿಷಿಕಾ ಸಿಂಗ್ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬೆನ್ನು ಹುರಿಗೆ ಸರಿಯಾದ ಏಟು ತಗುಲಿದೆ ಎನ್ನುವುದು ಗೊತ್ತಾಗಿದೆ. ಬಳಿಕ ಅವರನ್ನು ಬೆಂಗಳೂರಿನ ವೈಟ್ ಫೀಲ್ಡ್ ನಲ್ಲಿರುವ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಎರಡೂವರೆ ತಿಂಗಳಿಂದ ಹಾಸಿಗೆ ಹಿಡಿದಿರುವ ರಿಷಿಕಾ

ಎರಡೂವರೆ ತಿಂಗಳಿಂದ ರಿಷಿಕಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸದ್ಯ ಬೆನ್ನುಹುರಿ ಶಸ್ತ್ರ ಚಿಕಿತ್ಸೆ ಮಾಡಲಾಗಿದ್ದು, ರಿಷಿಕಾಗೆ ಕುಳಿತುಕೊಳ್ಳಲು, ನಡೆದಾಡಲು ಆಗುತ್ತಿಲ್ಲ. ಮೂಲಗಳ ಪ್ರಕಾರ ಬೆನ್ನುಹುರಿಗೆ ಬಲವಾದ ಏಟು ಬಿದ್ದಿರುವ ಕಾರಣ ಇನ್ನು ಕೆಲವು ತಿಂಗಳು ರಿಷಿಕಾಗೆ ನಡೆದಾಡಲು ಸಾಧ್ಯವಿಲ್ಲ, ಹಾಸಿಗೆಯಲ್ಲೆ ಇರಬೇಕು ಎಂದು ಹೇಳುತ್ತಿದ್ದಾರೆ.

ಲಕ್ಷಾಂತರ ಹಣ ಖುರ್ಚು ಮಾಡಿರುವ ಕುಟುಂಬದವರು

ಈಗಾಗಲೇ ಚಿಕಿತ್ಸೆಗೆ ಲಕ್ಷಾಂತರ ಹಣ ಖರ್ಚುಮಾಡಲಾಗಿದೆಯಂತೆ. ಸದ್ಯ ಹೀಲಿಂಗ್ ಚಿಕಿತ್ಸೆ ನೀಡಲಾಗುತ್ತಿದೆಯಂತೆ. ಇನ್ನು ಕೆಲವು ತಿಂಗಳು ಚಿಕಿತ್ಸೆ ಮುಂದುವರೆಸಬೇಕು ಎಂದು ವೈದ್ಯರು ಹೇಳಿದ್ದಾರಂತೆ. ನಟಿ ರಿಷಿಕಾ ಸಂತೋಷವಾಗಿ ಪಾರ್ಟಿ ಮುಗಿಸಿ ಮನೆಗೆ ಬರಬೇಕಾಗಿದ್ದ ರಿಷಿಕಾ ಈಗ ಆಸ್ಪತ್ರೆ ಬೆಡ್ ಮೇಲೆ ಕಣ್ಣೀರಾಕುತ್ತಾ ಮಲಗಿದ್ದಾರೆ. ರಿಷಿಕಾ ಮುಂದಿನ ಸಿನಿಮಾ ಬದುಕು ಸಹ ಕಷ್ಟದಲ್ಲಿದೆ.

Recommended Video

ಇದು Darshan ಪತ್ನಿ ಮಾಡಿದ ಸಾಧನೆ | Filmibeat Kannada

ಸಿನಿಮಾಗಳು ಕೈತಪ್ಪಿ ಹೋಗುತ್ತಿವೆ

ಈಗಾಗಲೇ ಅಂದರೆ ಅಪಘಾತಕ್ಕೂ ಮೊದಲು ರಿಷಿಕಾ ಒಂದು ಸಿನಿಮಾ ಮತ್ತು ವೆಬ್ ಸೀರಿಸ್ ಗೆ ಸಹಿ ಮಾಡಿದ್ದರು ಎಂದು ಹೇಳಲಾಗುತ್ತಿದೆ. ಆದರೀಗ ರಿಷಿಕಾ ಸ್ಥಿತಿ ನೋಡಿ ಆ ಪ್ರಾಜೆಕ್ಟ್ ನಿಂದ ಕೈ ಬಿಡಲಾಗಿದೆಯಂತೆ. ಖುಷಿಖುಷಿಯಾಗಿ ಓಡಾಡಿಕೊಂಡಿದ್ದ ಮಗಳು ಹಾಸಿಗೆ ಹಿಡಿದಿರುವುದು ಕುಟುಂಬಕ್ಕೆ ಆತಂಕ ಮೂಡಿಸಿದೆ. ಮಗಳ ಸ್ಥಿತಿ ನೋಡಿ ಹೆತ್ತವರು ಕಣ್ಣೀರಿಡುತ್ತಿದ್ದಾರೆ.