ಸಂಕ್ರಾಂತಿಗೆ ರಾಬರ್ಟ್ ಚಿತ್ರತಂಡದಿಂದ ಬಂಪರ್: ಡಿ ಬಾಸ್ ಫ್ಯಾನ್ಸ್ ಸಂಭ್ರಮ

ಸೆಕೆಂಡ್ ಪೋಸ್ಟರ್

ಕ್ರಿಸ್ಮಸ್ ಹಬ್ಬಕ್ಕೆ ಮೊದಲ ಲುಕ್ ನ ಮೋಷನ್ ಪೋಸ್ಟರ್ ರಿಲೀಸ್ ಮಾಡಿ ಸಿನಿರಸಿಕರ ನಾಡಿಮಿಡಿತ ಹೆಚ್ಚಿಸಿದ್ದ ನಿರ್ದೇಶಕ ತರುಣ್, ಈಗ ಸೆಕೆಂಡ್ ಲುಕ್ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡುವುದಾಗಿ ಘೋಷಿಸಿದ್ದಾರೆ. ಈ ಮೂಲಕ ಡಿ ಬಾಸ್ ಅಭಿಮಾನಿಗಳ ವಲಯದಲ್ಲಿ ಸಂಕ್ರಾಂತಿ ಹಬ್ಬದ ಸಂಭ್ರಮ ಹೆಚ್ಚಾಗಿದೆ.

ಆಶಾ ಭಟ್ ಗೆ ಸ್ಪೆಷಲ್

ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಸೆಕೆಂಡ್ ಮೋಷನ್ ಪೋಸ್ಟರ್ ಬರುತ್ತೆ ಎಂದು ತರುಣ್ ಸುಧೀರ್ ಟ್ವೀಟ್ ಮಾಡಿದ್ದಾರೆ. ಈ ಟ್ವೀಟ್ ಗೆ ಪ್ರತಿಕ್ರಿಯಿಸಿರುವ ರಾಬರ್ಟ್ ಚಿತ್ರದ ನಾಯಕಿ ಆಶಾ ಭಟ್, ಈ ಸಂಕ್ರಾಂತಿ ತುಂಬಾ ವಿಶೇಷ' ಎಂದು ಖುಷಿ ಹಂಚಿಕೊಂಡಿದ್ದಾರೆ.

ಹೇಗಿರಲಿದೆ ಎರಡನೇ ಪೋಸ್ಟರ್

ರಾಬರ್ಟ್ ಚಿತ್ರಕ್ಕೆ ಸಂಬಂಧಿಸಿದಂತೆ ಇದುವರೆಗೂ ದರ್ಶನ್ ಅವರ ಒಂದೇ ಪೋಸ್ಟರ್ ವೈರಲ್ ಆಗಿರುವುದು. ಬೈಕ್ ಮೇಲೆ ಇರುವುದು ಮತ್ತು ವಿನೋದ್ ಪ್ರಭಾಕರ್ ಜೊತೆ ಬೈಕ್ ಮೇಲೆ ಕುಳಿತಿದ್ದ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಿತ್ತು. ಈ ಫೋಟೋಗಳನ್ನು ಬಿಟ್ಟು ಬೇರೆ ಯಾವ ಪೋಸ್ಟರ್ ಪ್ರೇಕ್ಷಕರೆದುರು ಬರಬಹುದು ಎಂಬ ಕಾತುರ ಈಗ ಕಾಡುತ್ತಿದೆ.

ಏಪ್ರಿಲ್ನಲ್ಲಿ ರಾಬರ್ಟ್ ಎಂಟ್ರಿ!

ತರುಣ್ ಸುಧೀರ್ ಈ ಚಿತ್ರ ನಿರ್ದೇಶನ ಮಾಡಿದ್ದು, ಉಮಾಪತಿ ಶ್ರೀನಿವಾಸ್ ಗೌಡ ನಿರ್ಮಿಸಿದ್ದಾರೆ. ದರ್ಶನ್ ಜೊತೆ ವಿನೋದ್ ಪ್ರಭಾಕರ್ ವಿಶೇಷ ಪಾತ್ರದಲ್ಲಿ ನಟಿಸಿದ್ದಾರೆ. ಜಗಪತಿ ಬಾಬು ವಿಲನ್ ಆಗಿದ್ದಾರೆ. ಆಶಾ ಭಟ್ ನಾಯಕಿ. ಸದ್ಯದ ಮಾಹಿತಿ ಪ್ರಕಾರ ಏಪ್ರಿಲ್ ತಿಂಗಳ ಎರಡನೇ ವಾರ ರಾಬರ್ಟ್ ತೆರೆಗೆ ಬರಲಿದೆಯಂತೆ.